Hibru 12:24 - Label

²⁴ pa tetek e Iesu, esaning i tol tar a tona kunubus taum ondala, pa tetek a sulukna, ning di ka lamlamir tar ono. A suluk ne i warwara ana utna ning i wakak kol tana ututnala ning a suluk e Abel i warwara onoi.

Hibru 12:24 ပူးပေါင်းရင်းမြစ်များ

Matiu 23:35

Dir saran a warkurai a arkeles tetek mulo, miting na suluk a tena tostosla rop, ning di ka umkol tar la. Turpasi ning di umkol e Abel, a tena tostos, pa i han tuk o e Sekaria, a nat e Berekia, esaning mulo umkoli na arpotor a logo na tun artabar pa a pukna ning i Tabu, tingui na rumai a artabar.

Matiu 26:28

Ine a sulukik, ning i amomol tar a kunubus ning i dat taum tar e God pa a tarai. A sulukik ne, i tapek sur ir kepsen na toltol laulau anuna galis a tarai.

A Wakak a Warwara o e Iesu Karisito i tumusi 14:24

I atai la, “Ine a sulukik, a kunubus ning i dat taum tar e God pa taraila. A sulukik ne i tapek sur a galis.

Luk 11:51

Turpasi ning di umkol e Abel tuk ning di umkol e Sekaria, esaning i hirua na arpotor ana logo na tun artabar pa a rumai a artabar. Momol, a atai mulo, dir saran a warkurai na arkeles tetek a tarai tagun onone ana ututnala rop ne.

Luk 22:20

Lar otleng ning, ning ka rop a utna na hangan, i los pas a kap pa i atongi mang, “A kap ne, a tona kunubus, ana sulukik ning ir tapek o mulo.

Galesia 3:20

Ika, ning e God i lele tetek e Abaram, bel tik i tur potor diau. E God sot ka.

1 Timoti 2:5

Anasa takai sot ka a God, pa takai ka otleng ning i dat taum e God pa a taraila, a barsan ne Karisito Iesu,

Hibru 10:22

Manglarning, dalar han milau tetek e God ana momolna ting na balandala pa a rakrakai a tortorot, pa a nuknukindala ning i langolango kusun a artitiu ana toltol laulaula, anasa e Iesu ka lamir totoh tari ana sulukna. Dalar han milau teteki ana palaondala ning ka gos tari ana totoh a malum.

Hibru 11:28

Ana tortorot, e Moses i tol a lotu na Han Lakai, pa i arsune sur dir lamir a ris a taman ana suluk, sur a angelo na minat gong i umkol na natnat a tarai Israel, na kakak barsan ning di agon nigon la.

Hibru 11:4

Ana tortorot, e Abel i saran tar a artabar tetek e God ning i wakak kol tana artabar ane Kaen. Ana nuna tortorot e God i atongi a tena tostos, ning i atong angis pasi ana nuna artabar. A momolna e Abel ka mat, ika, kanet i warwara tetek dala, anasa ana nuna tortorot.

Hibru 13:20

A nunung e God ning i sira saran a molmol. Esaning i akamtur ulak pas anundala Leklek e Iesu kusun a minat. E Iesu, i a tnan tena tai alar a sipsip ning i mat pa i saran tar a sulukna ot sur ir tol a kunubus ning ir kes tikin.

Hibru 7:22

Manglarning e Iesu i amomol tar a kunubus ning i wakak tana kunubus ning e God i sarani tetek e Moses.

Hibru 8:13

Ning e God i atong a kunubus ne mang “a tona kunubus”, i talapor mang a ningnigo na kunubus ka muar. Pa utna i muar pa ka bongnani ono, milau ma sur ir rorom.

Hibru 8:6

Ika e Iesu ka kibas pas a titol na tena artabar ning i itna kol tana titol na artabar anuna tena artabarla. Mang otleng larning a kunubus ning e Iesu ka tolsot pasi sur ir dat taum e God pa tarai, i itna kol tana ningnigo na kunubus. A lelela ning la a kama kunubus, la wakak kol tana ningnigo na lelela.

Hibru 8:8

Ika e God i oroi mang a toltol laulau kaning ot ona tarai pa i atongi larne, “A Leklek i atongi mang: Oroi, a pukakiarla lar hanot, ning ar tol a tona kunubus taum ana tarai Israel pa tarai Juda.

Hibru 9:15

Ine a kamkamna ning e Karisito i kes potor o e God pa anuna tarai pa i tol tar a tona kunubus, ning i dat taum tar la. I toli sur a tarai ning e God ka kabah pas la, lar angis tikin arlar ana nuna lele. E Karisito i lou langolango pas la ana sulukna, ning i mat onla. Anuna minat i alangolango pas la kusun anunla na toltol laulaula ning la sira toli, ning a ningnigo na kunubus kaning ot i kes.

Hibru 9:19

Ning e Moses ka atong arop tar a Warkuraila tana taraila rop, i kibas pas a suluk a nanatar a bulumakaula pa mela, pa i suah taum pasi ana malum. I kibas pas a rakraka rakai ning di atongi ana hisop, ning di ka dot tari ana kubar a hih a sipsip. I amurung pasi ting na suluk ning, pa i lamir a buk a Warkurai pa a taraila rop onoi.

Hibru 9:21

Mang otleng larning i lamir a rumai sel ana suluk. Pa i lamir otleng a ututnala rop ning la sira titol ono ting na lotu.

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.