Hibru 12:2 - Label

² Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 12:2 ပူးပေါင်းရင်းမြစ်များ

Matiu 16:21

Turpasi ana pukakiar ning, e Iesu i atalapor anuna kakak a asaerla mang, ir han ot usaot e Jerusalem. Pa ir kilang a galis a mamahat miting na kun a ningnigola, a leklek a tena artabarla tetek e God, pa a tena asaerla tagun a warkurai, pa dir umkoli. Ning natol a pukakiar ir rop ir laun ulak.

Matiu 20:28

Larka otleng ning a Nat a Barsan bel i hanot sur dir titol teteki. I hanot sur i ot ir titol tetek a tarai, pa ir saran tar anuna lalaun, a arlou, sur ir lou langolango pas a galis a tarai.”

A Wakak a Warwara o e Iesu Karisito i tumusi 14:36

I nunung mange, “Tata, Tata, a ututnala rop i toh pas u sur ur toli, ur kepsen a mamahat a kap ne kusun iau. Ika gong u mur a nuknukik, ur mur ot a nuknukim.”

A Wakak a Warwara o e Iesu Karisito i tumusi 16:19

Ning a Leklek e Iesu ka warwara tar tanla, e God i rakan pasi usaot na langit, pa i kes ana sot a kuna.

A Wakak a Warwara o e Iesu Karisito i tumusi 9:12

I keles ditol mang, “A momolna ot, e Elaija ir hanot nigo pa ir atostos ulak a ututnala rop. Pa asa kamkamna ning di ka tumus tari ting na Buk Tabu mang a Nat a Barsan ir kilang a galis a kankan pa bel dir mang suri?

A Wakak a Warwara o e Iesu Karisito i tumusi 9:24

Pa a taman a kaklik i kukuk kapit mange, “A tortorot! Nangan iau ana nuk siklik tortorot.”

Luk 17:5

A aposella la atongi tana Leklek, “Ur aitna anumila tortorot.”

Luk 23:11

E Herot pa anuna tarai a harum la morot laulau ono, pa la malani, la mer tari ana wakak a kaen kol, pa la sune sen ulaki tetek e Pailat.

Luk 24:26

La atongi mang a Karisito ir kilang a kankanla ne, pa lamur ir kas ana nuna matatar.”

Jon 1:29

Ning a pukakiar lamur, e Jon i oroi pas e Iesu i han amon teteki, pa i atongi mange, “Mulo oroi i, a Nat a Sipsip ane God, ning ir kepsen a laulau a ginina rakrakan hanua.

Jon 12:24

A atong momoli ta mulo, ning a pat a wit bel ir punga ting na kabalapiu pa bel ir mat pas, ir kes ot larning, takai ka. Ika ning ir mat pas, ir wai pa ir suah galis a patna.

Jon 12:32

Ika iau, ning dir rakan kas iau usaot mite lapiu, ar dat a taraila rop tetek iau.”

Jon 13:3

E Iesu i tasmani mang e Tamana ka saran arop tar a ututnala rop nakuna, pa i tasmani mang i hanot ot tagun e God, pa ir ulak tetek e God.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Jon 8:56

Tamamulo e Abaram i gas sur ir oroi anuka tinan ot. I oroi, pa i gas kol onoi.”

Aposel 2:36

“Mulo a tarai Israel rop mulor tasman wakaki, mang e Iesu ning mulo sai ahati saot na rakai kutus, e God ka akesi sur ir Leklek pa ir Karisito otleng.”

Aposel 3:15

Pa mulo umkol e Iesu, ning a kama lalaun, ika e God i akamtur ulak pasi kusun a minat. Pa mila oroi i, pa mila warwara talapor onoi.

Aposel 5:31

I ot ning e God i aleklek pasi pa i akesi ting na sot a kuna, sur i a Ningnigo pa a Tena Alaun, pa ir tol a ngas sur a tarai Israel lar lingir a nuknukinla, pa dir kepsen anunla na toltol laulaula.

Aposel 5:41

Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

1 Korin 1:18

Anasa a warwara ana rakai kutus, a longlong a warwara ka tetek la ning la han sur a hirua. Ika, tetek dala ning e God i alaun dala, a warwara ana rakai kutus, i a rakrakai ane God.

1 Korin 1:23

Ika mila, mila warawai ka o e Karisito, esaning di sai ahati saot na rakai kutus. A warawai ne, a tarai Juda la ngeti, pa tetek la, i arlar ana hat ning la punga tar onoi, pa i arlar ka ana longlong a warwara tetek a tarai ning bel a tarai Juda.

Epeses 2:16

Pa ning dala takai ka, e Karisito i amolmol taum dala rop taum o e God. Ning i mat saot na rakai kutus i kepsen a balakut na arpotor indala, a tarai Juda pa a tarai masik.

Epeses 5:2

Mulor laun ana marmaris, arlar larning e Karisito i maris dala, pa i saran tar anuna lalaun sur dala, arlar ana artabar ning i toboh wakak tetek e God.

Pilipai 1:6

A tasman momoli mang e God ning i turpas a wakak a titol o mulo, anuna titol kaning ot i han, tuk ning ir aropi ana pukakiar ning a Karisito Iesu ir hanot onoi.

Pilipai 3:20

Ika dala, a hanua momol ngasindala saot na langit, pa dala misaot ia. Pa dala sira harnanai taum ana tnan gasgas sur a Tena Alaun ning ir han purum misaot, a Leklek e Iesu Karisito.

2 Timoti 4:8

A nanan a harlou ning e God ka suah tari sur iau, anasa a tostos namatana. A Leklek, a tostos na Tena warkurai ir sarani tak ana pukakiar na warkurai. Pa bel tetek iau ka, ir saran a harlou ning tetek la rop ning la mang kol sur ir ulak.

Hibru 1:13

E God bel i atongi otleng tetek ta angelo larne, “Ur kes te na sot a kuk, tuk ning ar tolsot pas anum na hirua sur lar kes nahaim.” Buk Song 110:1

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

Hibru 10:14

Anasa ona takai a artabar ka, ka atostos tikin tar a taraila ane God, la ning i sira atotoh la.

Hibru 10:33

Al taem dingla na tarai la morot o mulo, pa la akadik mulo namatana taraila. Pa al taem otleng mulo tur taum ana taraila ning di akadik la.

Hibru 11:36

Dingla na tarai di morot onla pa di miras la. Dingla otleng di dot la ana senla pa di akas la ting na rumai a dodot.

Hibru 12:3

Mulor nuk pas e Iesu, esaning i kilang a mamahatla, ning a tena laulaula la toli onoi, sur gong mulo ngoro pa gong mulo manah ana tortorot.

Hibru 13:13

I wakak ning dalar han teteki kaning ot lapiu na hanua, pa dalar kilang meme taum onoi.

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.

Hibru 7:19

Anasa a warkurai ning bel i atostos pas a tarai sur lar han milau tetek e God. Ika e God ka tol tar a ngas sur dalar han milau teteki. A ngas ning i wakak kol tana Warkuraila. Pa onone dala tolsot sur dalar harnanai ana tortorot suri.

Hibru 8:1

A tnan utna ning mila ka warwara pas ono i mange: Anundala ningnigo na tena artabar tetek e God, ning ka kes tar ana ris a sot a kuna keskes ane God, a leklek a King kol saot na langit.

Hibru 9:28

Mang otleng larning e Karisito i saran tar i ot sur a artabar tetek e God muntakai ka, sur ir kibas maskan sen a toltol laulaula anuna galis a taraila. Pa ir hanot munaur ulak. Bel sur ir kibas maskan sen a toltol laulaula. Ir hanot sur ir alaun pas la ning la harnanai suri.

Jems 2:1

Na tastasikla, mulo ning mulo tortorot ana nundala a Leklek e Iesu Karisito, a Leklek na matatar, gong mulo purpurngis.

1 Pita 1:11

A Inguna e Karisito i kes onla, pa i atai nigon la ana mamahatla ning e Karisito ir kilangi, pa ana nun a matatar lamur. La tiktikin mang nangse momol, pa esi na barsan ning a utna ne ir hanot onoi.

1 Pita 3:18

Anasa e Karisito i mat muntakai pas ka, sur anundala na toltol laulau. A Tena Tostos i mat sur la ning bel la tostos, sur ir ben pas mulo tetek e God. La um kol a palaona, ika di alaun pasi ana inguna.

1 Pita 3:22

Esaning i han kas usaot na langit, pa onone i kes ting na sot a kuna e God. Pa na angelo, pa ingunla ning la tong akes a rakrakai sur lar warkurai, pa ingunla ning la tong akes a rakrakai, la kes nahaina.

A Pas ane Jut 1:21

E God i sira mang kol sur mulo pa mulor kes milau i pa mulor noreni sur ir mang bolbolos sur mulo. Pa mulor harnanai sur anundala Leklek e Iesu Karisito ning ir tabar mulo ana lalaun tikin, anasa i maris mulo.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 1:17

Ning a oroi i, a punga purum tar napir naur a hana arlar ana minat. Lamur i suah tar a sot a kuna saot hok, pa i atongi mang, “Gong u matmataut, iau a ningnigona pa araropna.

Tatatai 1:8

A Leklek e God i atongi mang, “Iau a Alpa pa Omega, esaning i laun nigo, i laun onone pa ir hanot lamur, esaning i rakrakai kol.”

Tatatai 2:8

“Ur tumtumus tetek a angelo anun na tarai a lotu tumo e Smerna mang: Na warwara ne anun esaning a ningnigona pa a araropna, ning i mat pas, pa i laun ulak.