Hibru 11:16 - Label

¹⁶ Ika a nuknukinla sur a hanua saot na langit, a hanua ning i wakak tana hanua ning la ka han kusun tari. I maining e God bel i meme sur lar atongi mang ai anunla God, anasa ka sang tar a hanua sur la.

Hibru 11:16 ပူးပေါင်းရင်းမြစ်များ

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

A Wakak a Warwara o e Iesu Karisito i tumusi 12:26

Ning mulo puai mang a minatla bel lar laun ulak kusun a minat, mangmangasa belot mulo was a Buk ane Moses ning i warwara ana rakai ning i sot? E God i atongi tetek e Moses mange, ‘Iau a God ane Abaram, a God ane Aisak pa a God ane Jekop.’ Kisim Bek 3:6

A Wakak a Warwara o e Iesu Karisito i tumusi 8:38

Pa tik ning ir meme hok pa anuk na warwara namatana taun taraila ning anunla lalaun i bakbak kusun e God pa la sira tol a toltol laulau, a Nat a Barsan otleng ir meme ono ning ir hanot taum ana nuna angelola pa a matatar anune Tamana.

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

Luk 20:37

Ning a Buk Tabu i warwara ana rakai ning i irirnga, e Moses i asangani mang a minatla lar laun ulak, anasa i atong a Leklek mang, ‘A God ane Abaram, a God ane Aisak pa God ane Jekop.’ Kisim Bek 3:6

Jon 14:2

Ting na rumai ane Tata, a galis a rum. Ning bel, ar atai mulo otleng ono. Ar han sur ar sang tar a pukna sur mulo.

Aposel 7:32

‘Iau a God anuna tumtubumla tagun nating, a God ane Abaram, e Aisak pa e Jekop.’ Kisim Bek 3:6 Pa e Moses i koloron, pa i matmataut sur ir oroi.

Pilipai 3:20

Ika dala, a hanua momol ngasindala saot na langit, pa dala misaot ia. Pa dala sira harnanai taum ana tnan gasgas sur a Tena Alaun ning ir han purum misaot, a Leklek e Iesu Karisito.

2 Timoti 4:18

A Leklek ir alaun iau kusun a laulau a ututnala rop, pa ir akes iau ana nuna matanitu saot na langit. Dalar atong leklek pasi, bel ir rarop pa bel ir rarop. Amen.

Hibru 10:34

Mulo mang kol sur la ning la kes ting na rumai a dodot pa mulo nangan la. Pa mulo gas ka ning a tarai la ras pas anumulo na ututnala, anasa mulo tasmani mang anumulo a ututnala masik, ning lar tur tikin, pa la wakak kol tana ututnala ning la ras pasi.

Hibru 11:10

E Abaram i kes larne, anasa i tatatai sur a hanua ning ir kes tikin. A hanua ning e God ot ka sang tari pa ka tol tari.

Hibru 11:14

Ning la atongi larne, i talapor mang la tatatai sur anunla ta hanua.

Hibru 11:40

anasa e God ka sang tar a utna ning i wakak kol sur dala rop. Bel i mang sur ir atostos nigon la ka. I mang sur ir atostos taum pas dala pa la.

Hibru 12:22

Ika, mulo ka hanot saot na mangir Saion, e Jerusalem saot na langit, a hanua ane God, ning a lalauna. Mulo ka hanot tetek a galis a angelola kol ning bel dir was lar pas la, ning la kes taum ana gasgas.

Hibru 13:14

Anasa bel anundala ta hanua te ning ir kes tikin. Dala tai sur a hanua ning lamur ir hanot.

Hibru 2:11

E Iesu taum ana tarai ning i atotoh pas la kusun a nunla na toltol laulaula, takai a Tamanla ka. Ine a kamkamna ning e Iesu bel i meme sur ir atong la mang na tastasna.

Tatatai 21:2

Pa oroi a tona Jerusalem, a hanua ane God, i han purum misaot na langit kusun e God. Di ka sang tari larning di ka amermer wakak tar a hane sur anuna barsan sur diar taulai.