Hibru 10:38 - Label

³⁸ Ika esining i tortorot, ar atongi mang anuka tena tostos pa ir laun. Pa ning ir susur ulak kusun a tortorot, bel ar gas ono.” Hab 2:3-4

Hibru 10:38 ပူးပေါင်းရင်းမြစ်များ

Matiu 12:18

“Ine anuka tena titol ning ia ka aslang pasi, a katnani, a gas kol ono. Ar akas tar a Inguk ono, pa ir apuasa a warkurai ning i tostos tetek na tarai miting na matanitula.

Matiu 13:21

Ika a warwara bel i kes rakrakai ting na balana, pa barsan ning bel ir tur bongnani arlar ana wit ning belal wakirna. Ning a mamahatla ir hanot, pa dir alaulau i, anasa i tortorot ana warwara ane God, ir punga kapit.

A Pas ane Pol tetek a tarai Rom 1:17

Anasa a Wakak a Warwara i apuasa a ngas ning e God i toli, sur a tarai lar tostos namatana. A ngas ning, a tortorot ka. A tortorot sot ka miting na kamkamna tuk ana araropna. Larning di ka tumus tari ting na Buk Tabu mange, “Esining i tortorot, e God ir atongi mang a tena tostos pa ir laun.” Hab 2:4

Galesia 3:11

I talapor tetek dala mang e God bel ir atong tik mang a tena tostos ning i mur a Warkuraila. Anasa, a Buk Tabu i atongi mange, “A tena tostos ir laun ana tortorot.” Hab 2:4

1 Tesalonika 2:15

la ning la umkol a Leklek e Iesu pa a propetla, la kepsen mitol otleng. La toho i sur lar sairas mitol, sur gong mitol warawai tetek a taraila ning bel na tarai Juda sur gong e God ir alaun pas la. Ning la toli larne, e God bel i gas onla, pa la kes na hirua taum ana taraila rop. Pa ana nunla toltol ning, la tol taum ka anunla na toltol laulaula, tuk ning a balakut ane God ka hanot tetek la.

Hibru 10:39

Ika dala, bel dala miting onla ning la susur ulak kusun a tortorot pa la hirua. Dala miting na tarai a tortorot, pa e God ka alaun pas dala.

Jems 5:6

Mulo ben tar na tena tostos uting na warkurai, pa mulo umkol la, ika bel la keles mulo.

1 Jon 2:19

Na hirua ane Karisito la lasan taum ondala, ika la ka han, anasa la bel tagun dala momol. Ngandek ning la tagun dala momol, lar kes tikin taum ondala. Ika anunla tinan kusun dala i asangani mang la bel tagun dala.