Hibru 10:20 - Label

²⁰ A minat e Iesu i sapang a tona ngas ning i han sur a lalaun, sur dalar muri. A ngas ning i han kas uting na kaen a alalar kutus sur a pukna ning i Tabu Kol. A kaen ning, i a palaona e Iesu ot.

Hibru 10:20 ပူးပေါင်းရင်းမြစ်များ

Matiu 27:51

Ono otning a kaen na alalar kutus tingui na rumai a artabar i taksilir potor, turpasi saot utumo lain. A mamais i hanot, pa na hatat la tapagal.

A Wakak a Warwara o e Iesu Karisito i tumusi 15:38

A kaen na alalar kutus tingui na rumai a artabar i taksilir potor, turpasi misaot tuk tumot lahin.

Luk 23:45

anasa a kamis bel i sasai. Pa kaen na alalar kutus tingui na rumai a artabar i taksilir potor sur naur a dihna.

Jon 10:7

Pa e Iesu i atong ulaki mange, “A atong momoli ta mulo, iau a taman anuna sipsipla.

Jon 10:9

Iau a taman. Esining ir han tetek iau pa ir kas te hok dir alauni. Ir kas, pa ir purum pa ir pastetek ana utna na hangan.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

Epeses 2:15

I regen tari ning i mat, i arop sen a warkurai anuna tarai Juda, sur ir dat taum a tarai Juda pa la ning bel a tarai Juda, sur takai kama a tona mangis a tarai, sur dala rop dalar kes ana molmol.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Hibru 6:19

Anundala tortorot ning dala harnanai ono sur a lele ane God, i arlar ana aga ning i tong akes a ingundala, pa bel ir susur. Anundala keskes harnanai ana tortorot i kas uting na rumai a artabar ting na pukna ning i Tabu Kol lamur tana kaen na alalar kutus saot na langit.

Hibru 9:3

Pa lamur tana areur a kaen na alalar kutus, ning a tuka rumai male ning di atongi mang a pukna ning i Tabu Kol.

Hibru 9:8

Ana ututnala ne a Talngan Tabu i apuasa i mang, ning a ningnigo na rumai sel kaning ot i tur, anundala a ngas a kas uting na pukna ning i Tabu Kol belot i sapang.

1 Pita 3:18

Anasa e Karisito i mat muntakai pas ka, sur anundala na toltol laulau. A Tena Tostos i mat sur la ning bel la tostos, sur ir ben pas mulo tetek e God. La um kol a palaona, ika di alaun pasi ana inguna.

1 Jon 4:2

Mulor tasman lalan a Inguna e God manglarne: Esining i atongi mang e Iesu Karisito i hanot a barsan momol, i tagun e God.

2 Jon 1:7

A galis a tena asasongola ning la puai mang e Iesu Karisito bel i hanot a barsan momol, la ka han sarara te na rakrakan hanua. A ngas a taraila ning, la na tena asasongo, pa la na hiruala ane Karisito.