Hibru 10:19 - Label

¹⁹ Na tastasikla, e God ka kepsen anundala na toltol laulaula, i maining dala langolango pa bel dalar matmataut sur dalar kas ana pukna ning i Tabu Kol, anasa ana suluk e Iesu.

Hibru 10:19 ပူးပေါင်းရင်းမြစ်များ

A Pas ane Pol tetek a tarai Rom 5:2

Ana nundala tortorot, e Karisito i nigon dala pa i akas dala ana marmaris ane God. Pa onone, dala ka laun onoi. Pa dala gas, ning dala harnanai ana tortorot sur a matatar ane God, ning dalar kes onoi lamur.

A Pas ane Pol tetek a tarai Rom 8:15

Anasa a Talngan Tabu ning mulo kibasi, bel ulak ma sur mulo na tena titol oros ana matmataut. A Talngan Tabu ning mulo kibasi sur mulo na natnat e God, ning i ras pas mulo. Pa ana rakrakai ane God dala sira atongi mang, “Aba, Tata.”

Epeses 2:18

Anasa o e Karisito ka, a Talngan Tabu i alangolango a ngas anundala rop tetek e Tamandala.

Epeses 3:12

Dala langolango sur dalar han tetek e God pa bel dalar matmataut, anasa dala kaning o e Karisito pa dala tortorot onoi.

2 Timoti 1:7

Anasa e God bel i tabar dala ana ingun na matmataut. I tabar dala ana Talngan Tabu ning i saran a rakrakai tetek dala, pa a marmaris, pa a toltol ning taktakai i warkurai tostos pas anuna lalaun.

Hibru 10:18

Ning e God ka kepsen a toltol laulaula pa a tabun longor ana warkurai, bel di kapan ulak ma sur ta artabar ning ir kepsen a toltol laulaula.

Hibru 10:35

I maining, gong mulo matmataut pa gong mulo noren sen anumulo a rakrakai a tortorot, anasa ir itna kol anumulo a arlou ono.

Hibru 12:28

I maining dalar atong wakak tetek e God, anasa dala ka tong akes a matanitu ning bel ir gulgule. Dalar lotu tetek e God ana hanrawai pa a matmataut ning i arlar ana nuknukna,

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

Hibru 4:16

I maining dalar han tetek e God, anundala King, a tena marmaris, pa gong dala matmataut. Dalar han teteki sur dalar tong akes anuna marmaris, ning ir nangan dala ana nundala na mamahat.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

Hibru 9:12

E Iesu i kas ana pukna ning i Tabu Kol. I tol muntakai tari ka. Bel i kas taum ana suluk na me pa nanatar a bulumakaula sur ir artabar onoi. I kas ana sulukna ot, pa i lou alangolango pas dala. Pa nuna titol a arlou ning ir kes tikin.

Hibru 9:3

Pa lamur tana areur a kaen na alalar kutus, ning a tuka rumai male ning di atongi mang a pukna ning i Tabu Kol.

1 Jon 4:17

Ana ngas ne, anuna marmaris i kes kidol ondala, sur bel dalar matmataut ana pukakiar a warkurai, anasa te na rakrakan hanua dala laun arlar o e Karisito.