Galesia 4:26 - Label

²⁶ Ika e Jerusalem saot na langit, i kes langolango pa i arlar o e Sara, a hane ning i kes langolango, pa i a kabatnandala na tena tortorot.

Galesia 4:26 ပူးပေါင်းရင်းမြစ်များ

Jon 8:36

Ning a Nat e God i alangolango mulo, mulor langolango momol.

A Pas ane Pol tetek a tarai Rom 6:14

Anasa bel mulor kes nahai a rakrakai ana toltol laulau, anasa bel mulo kes nahai a Warkuraila. Onone mulo ka kes nahai a marmaris ane God.

A Pas ane Pol tetek a tarai Rom 6:18

Di ka alangolango pas mulo kusun a toltol laulau, pa onone mulo na tena titol oros ma ana tostos a toltol.

Galesia 4:22

A Buk Tabu i atongi mang, e Abaram naur a natna. Takai a nat a hane ning a tena titol oros, pa takai otleng, a nat a hane ning i kes langolango, pa bel i tena titol oros.

Galesia 4:25

E Hagar i tur aslang a mangir Sinai tumo e Arebia, pa i arlar o e Jerusalem onone, anasa i kes na tena titol oros taum ana natnatna.

Galesia 5:1

E Karisito ot ka alangolango pas dala, sur dalar langolango momol. Mulor tur rakrakai, pa gong mulo noren tar tik sur ir dot akes ulak mulo sur mulor arlar ana tena titol orosla.

Pilipai 3:20

Ika dala, a hanua momol ngasindala saot na langit, pa dala misaot ia. Pa dala sira harnanai taum ana tnan gasgas sur a Tena Alaun ning ir han purum misaot, a Leklek e Iesu Karisito.

Hibru 12:22

Ika, mulo ka hanot saot na mangir Saion, e Jerusalem saot na langit, a hanua ane God, ning a lalauna. Mulo ka hanot tetek a galis a angelola kol ning bel dir was lar pas la, ning la kes taum ana gasgas.

1 Pita 2:16

Mulo ka langolango, ika gong mulo nuki mang mulo ka langolango sur mulor tol a laulau pa mulor nuki mang i wakak ka. Mulor laun arlar larning mulo na tena titol oros ane God.

Tatatai 12:1

A tnan akinalang i hanot saot na langit. Ning a hane i mermer ana kamis, pa a kalang kaning i kes ting nahai naur a hana, pa saot na pukulna, a kukuh na king, ning di toli ana ning a bonot pa naur a nangnang.

Tatatai 17:5

Di tumus tar a risana ting na patarna, a utna na pidik larne, A tnan hanua babilon, A kabatnan a pamuk a hanela pa na laulau a toltol kol anuna rakrakan hanua.

Tatatai 21:2

Pa oroi a tona Jerusalem, a hanua ane God, i han purum misaot na langit kusun e God. Di ka sang tari larning di ka amermer wakak tar a hane sur anuna barsan sur diar taulai.

Tatatai 3:12

Esining i tolsot pas a harum, ar aturi sur i a pos a rumai a artabar anuna God anuki pa bel ir purum ulak kusuni. Pa ar tumus a risan a God anuki ono, pa risan a hanua anuna God anuki, a tona Jerusalem, ning ir han purum misaot na langit kusun a God anuki. Pa ar tumus tar otleng a tona risak ono.