Epeses 6:21 - Label

²¹ E Tikikus, a wakak a tasindala pa a momol a tena titol anuna Leklek, ir atai mulo ana ututnala rop, sur mulor tasmani mang kane a laun mangmangasa pa asaning a sira toli.

Epeses 6:21 ပူးပေါင်းရင်းမြစ်များ

Aposel 20:4

Pa e Sopater, a te Beria, a nat e Pirus, pa naur a te Tesalonika, e Aristarkus pa Sekundus, e Gaius a te Derbe, pa e Timoti, pa naur a te Esia, Tikikus pa e Tropimus, la armuri taum o e Pol.

1 Korin 4:17

Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

Pilipai 1:12

Na tastasik, a mang sur mulor tasmani mang asaning i hanot hok, i agomo a Wakak a Warwara sur ir han sarara.

Kolosi 1:7

E Epapras ka asaer tar mulo onoi. I a wakak a tena titol taum o mila, ning mila mang kol suri, pa a momol a tena titol ane Karisito ning i tur aslang mila.

1 Timoti 4:6

Ning ur asaer na tastasimla ana asasaer ne, u a wakak a tena titol ane Karisito Iesu, ning u ka alasan wakak pas u ana tortorot momol pa a wakak a asasaer ning u muri.

2 Timoti 4:12

A sune sen e Tikikus uting e Epeses.

Taitus 3:12

Ning ar sune sen e Artemas tetek u, o ar sune e Tikikus, ur rakrakai sur ur han tetek iau tumo e Nikopolis, anasa ar kes nanan sen na kalang a kotkoto tumo.

Pilimon 1:16

Onone bel ir arlar ulak ma ona tena titol oros, ir arlar o e tasimlik momol ana tortorot. A mang suri, ika anuma marmaris teteki ir itna kol, anasa i anuma tena titol pa tasimlik otleng ana Leklek.

1 Pita 5:12

E Sailas i nangan iau ning a tumus a natar a pas ne tetek mulo. E Sailas a tasik ana tortorot, ning a tortorot kol onoi. Ana pas ne, a mang sur ar arakrakai mulo pa ar atai talapor mulo ana marmaris momol ane God. Mulor tur rakrakai onoi.

2 Pita 3:15

Mulor nuk pasi, a Leklek belot i hanot, anasa i harnanai sur a taraila lar lingir a nuknukinla pa ir alaun pas la. A warwara ne, e Pol otleng, a tasindala, ka tumus tari nating tetek mulo. I tumusi ana tastasmai ning e God i saran tari tana.