Epeses 4:9 - Label

⁹ Ning di tumusi larne, “i han kas”, a kamna mang nating ka han purum pas ute lapiu.

Epeses 4:9 ပူးပေါင်းရင်းမြစ်များ

Matiu 12:40

Arlar o e Jona i laun natol a pukakiar ting na balan a tnan sis, larka otleng ning a Nat a Barsan ir borbor pas natol a pukakiar tingui na piu.

Jon 20:17

E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

Jon 3:13

Bel tik i han pas usaot ana langit, a Nat a Barsan sot ka ning i han purum misaot na langit.

Jon 6:33

Esaning i han purum misaot na langit, i ot a bret ane God, ning i saran a lalaun tetek a taraila rop te na rakrakan hanua.”

Jon 6:38

Anasa a han purum misaot na langit, bel sur ar mur a nuknukik, ika sur ar mur ot a nuknukna esaning i sune iau ute.

Jon 6:41

Dingla na Juda la ururai o e Iesu, anasa i atongi mange, “Iau a bret ning i han purum misaot na langit.”

Jon 6:51

Iau a bret a lalauna, ning i han purum misaot na langit. Tik ning ir hangan tagun a bret ne, ir laun tikin. A bret ning ar artabar ono, a palaok. A sarani sur a taraila ana rakrakan hanua lar kibas lalaun onoi.”

Jon 6:58

A bret ning i han misaot na langit ine. Bel i arlar ana mana ning a tumtubumulola nating la ieni, pa la ka mat. Ika esining ir hangan tagun a bret ne, ir laun tikin.”

Jon 6:62

Ir mangmangasa tetek mulo ning mulor oroi a Nat a Barsan ir ulak usaot sur a hanua ning nating ka kes pas ano?

Jon 8:14

Pa e Iesu i keles la mange, “Ning iau ot a warwara talapor hok, anuka warwara talapor i momol, anasa iau ot a tasman a hanua ning a han taguni, pa hanua ning ar han suri. Ika mulo, bel mulo tasman a hanua ning a han taguni, pa hanua ning ar han suri.

Hibru 2:7

U ka akes tar mila sur a angelola lar leklek tamila, siklik pukakiar ka. U suah tar a matatar pa hanrawai omila arlar ana king ning di suah tar a kukuh ono,

Hibru 2:9

Ika dala oroi e Iesu, esaning e God i atarna tari sur ir natarna tana angelola, siklik pukakiar ka, sur ir kilang a tnan kankan pa ir mat sur a taraila rop. I mat anasa e God i maris la. Ika onone, dala oroi mang e God ka suah tar a matatar pa hanrawai ono arlar ana king ning di suah tar a kukuh ono, anasa ana kankan pa a minat ning i kilangi.