Epeses 4:31 - Label

³¹ Mulor kepsen a toltolla larne kusun anumulo a lalaun: a nuknuk laulau, a balakut, a arngaras, a arkabah na balakut, a warwara laulau, pa urmatana toltol laulaula rop otleng.

Epeses 4:31 ပူးပေါင်းရင်းမြစ်များ

Aposel 21:30

A taraila rop la arlak pa la dun taum, la tong akes pas e Pol, pa la dat purum pasi kusun a rumai a artabar, pa la tagar kapit a tamanla.

A Pas ane Pol tetek a tarai Rom 3:14

“A pahanla i bukus ana warwara laulau pa i saran a mamahat tetek a tarai.” Buk Song 10:7

1 Korin 14:20

Na tastasik, gong a nuknukimulo i arlar ana kakakla. Ana toltol laulau i wakak sur mulor arlar ana kakak mermeremla. Ika, ana nuknukimulo, mulor arlar ana tatatnanla.

1 Korin 5:8

I wakak sur anunla na lalaun ir arlar ana tarai ning la tol a tnan pukakiar a lotu na Hanlakai. Gong dala toli ana is ning ka turai. A turai a is ning, i a toltol laulau pa a dur a toltol. Dalar toli ot ana bret ning bel al is onoi. A bret ning, i a tostos a toltol pa momolna.

2 Korin 12:20

A matmataut, sakana ning ar hanot tetek mulo, bel ar oroi barat a toltolla ning a mang sur ar oroi i. Pa mulo otleng bel mulor gas ana toltol ning ar hanot onoi. A matmataut sakana ar pastek pas a ngas a toltol larne: mulo warwara na arlak, mulo bal laulau, mulo balakut, mulo kes sarara, mulo arle, mulo warwara kumkumna, mulo dat abarah pukulumulo, pa anumulo a keskes i loklokron.

Galesia 5:20

a lotu tetek a asasongo na godla, a wah, a arngetnget, a arngaras, a nuknuk laulau, a balakut, a nuknuk sur a keskes na leklek, a keskes sarara pa keskes taptapagal,

Epeses 4:22

Di asaer mulo sur mulor han kusun a ngas a lalaun ning mulo murmuri nating. Mulor pak seni arlar taum ana turai a kaen, anasa i laulau pa i asongo dala sur dalar mur a laulau a nuknukla.

Epeses 4:25

I maining mulor manah kusun asasongo, pa mulor atong a momolna tetek a halalimulo, anasa dala rop dala na didiah palaona e Karisito.

Epeses 4:26

Ning mulo balakut, gong mulo tol a toltol laulau. Pa gong a kamis i sup ning kaning ot mulo balakut,

Kolosi 3:19

Mulo otleng, na tinaulai a tarai, mulor mang sur anumulo na gurarala, pa gong mulo angongos la ana titol rang.

Kolosi 3:8

Ika onone, mulor kepsen a toltolla rop ne: a balakut, a arlak, a toltol laulaula, a warwara laulau, pa a arle otleng.

1 Timoti 3:11

Tetek anunla na gurarala otleng ir manglarning, la a ngas a gurarala ning a tarai la hanrawai la, gong la warwara kumkumna, lar tai alar wakak anunla lalaun, pa lar momol ana titolla rop.

1 Timoti 3:3

Pa gong i a tena gang, gong i a tena harum, ir tena bal molmol, gong i tena arlak, pa gong i mang kol sur a mani.

1 Timoti 5:13

Belsur i ka ne, la sira palaona ngorongoro pa lar sira arop pukakiar ana han taltal ting na tamanla, pa a utna ning la laulau kol onoi ning la a tena warwara kumkumna, la sira asubaran oros la ana utna ning bel anunla, pa la sira atong a warwarala ning bel i wakak sur lar atongi.

2 Timoti 2:23

Ur han masik kusun a kutkut a warwarala ning bel ta kamkamna, anasa la agomo ka a arlak.

2 Timoti 3:3

Bel lar maris a tarai, bel lar nuk duman sen a toltol laulau ning tik ir toli tetek la, lar atong a laulau a warwara tana tarai, bel lar warkurai tostos anunla lalaun, lar harum pa lar alaulau a tarai, pa bel lar mang sur a wakakna.

Taitus 1:7

A ningnigo ana lotu, i ot a tena tai alar ana titol ane God, pa i wakak ning i a ngas a barsan larne: bel di arup sot pasi on ta rongo, gong i aitna pasi, gong i sira balakut kapit, gong i a tena gang, gong i a tena harum, pa gong i muk pa i nuknuk sur a tnan mani.

Taitus 2:3

Larne, ur asaer a gurarala ning di agon nigon la tam, sur lar lasan ana ngas a hanrawai ana nunla a lalaun, gong la anan laulau tik, gong la na tena gang, lar asaer a tarai ana utna ning i wakak.

Jems 1:19

Na wakak a tastasikla, mulor tasman a utna ne: I wakak ning mulo rop, mulor longlongor kapit, pa gong mulo iapiap sur mulor warwara, pa gong mulo iapiap sur mulor balakut.

Jems 3:14

Ika, ning mulor ram sur ta utna ana tik, pa mulo nuknuk sur ta ngas sur mulor aitna pas mulo onoi, gong mulo atong aleklek pas mulo ono, pa gong mulo asongo alar pas a momolna ono.

Jems 4:11

Na tastasik, gong mulo atong saksakan mulo. Esining i atong saksakan ta tasnalik, pa i warkurai i, i atong laulau a Warkuraila ane God pa i warkurai a Warkuraila ning. Pa ning u warkurai a Warkuraila, bel u muri, u nuki mang u itna tana.

1 Pita 2:1

I maining mulor kepsen a toltol laulaula rop, a warwara asasongo pa lalaun a asasongo, ram sur a utna ana tik masik pa urmatana warwara laulau.

1 Jon 3:12

Pa gong dala arlar o e Kain, ning ane Satan, pa i umkol e tasnalik e Abel. Asa kamkamna ning i umkoli? Anasa anuna toltol i laulau, pa a toltol ane tasnalik i tostos.

1 Jon 3:15

Esining i nget e tasnalik, i a tena umkol a taraila, pa mulo tasmani mang a tena umkol a taraila bel i kibas a lalaun tikin.

Tatatai 12:10

Pa a longor a tnan elngen takai saot na langit i atongi mang, “Onone e God anundala ka alaun pas a tarai, i asangan a rakrakaina, pa anuna matanitu ka hanot, pa a warkurai anuna Karisito anunai ka hanot. Anasa a tena artitiu ning i sira tiu na tastasindala, esaning i sira tiu la namatana e God ana kamisla pa moromla, di ka minggen purum seni.