Epeses 4:30 - Label

³⁰ Pa gong mulo abal maris a Totoh a Inguna e God, a akinalang ning e God ka aslang tar mulo onoi mang mulo anunai, sur a pukakiar ning e God ir alangolango mulo.

Epeses 4:30 ပူးပေါင်းရင်းမြစ်များ

A Wakak a Warwara o e Iesu Karisito i tumusi 3:5

E Iesu i tai taltal ana balakut tetek la. I nukmaris la anasa la tagar a nuknukinla. Pa i atai a barsan ning mang, “Ur kodos a kum.” I kodosi, pa a kuna i tostos ulak.

Luk 21:28

Ning a ututnala ne ir turpasi sur ir hanot, mulor tur, pa mulor tadai, anasa a pukakiar ning e God ir alaun pas mulo ono i ka milau.”

Jon 3:33

Ika esining i tortorot ana nuna warwara talapor, i amomoli mang e God a momolna.

Aposel 7:51

Pa e Stiwen i atai a tarai a kiwung mange, “Mulo na tabun longorla, a balamulo i bakbak kusun e God pa a talngamulo i kutkut. Mulo sairas liknan a Talngan Tabu, arlar ana numulo na mangis a tarai tagun nating.

A Pas ane Pol tetek a tarai Rom 8:11

A Inguna e God, ning i akamtur pas e Iesu kusun a minat, i laun ting o mulo. Pa esaning i akamtur ulak pas e Karisito kusun a minat, ir saran a lalaun ting na palaomulo ning i sira mat. Ir sarani ana titol ana Inguna ning i laun ting o mulo.

A Pas ane Pol tetek a tarai Rom 8:23

Pa bel a akakesla ka, dala otleng, ning e God ka saran tar a ningnigo na artabar tetek dala, a Talngan Tabu, dala otleng dala harnanai taum ana tinangis te na balandala, pa dala mang kol sur a pukakiar ning e God ir apuasa i mang dala na natnatnala, pa ir alangolango a palaondala.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

1 Korin 15:54

Pa ning a palaondala ning i sira marase ka, ir talingir sur a palaondala ning bel ir marase, pa a palaondala ning i sira mat ka ir talingir sur a palaondala ning bel ir mat, a tumtumus ting na Buk Tabu ir sot maleng, larne, “E God ka tol sot pas a minat, pa i kamar rop seni.” Ais 25:8

1 Tesalonika 5:19

Gong mulo sairas a titol ana Talngan Tabu.

Hibru 10:29

Ning tik i anatarna pas a Nat e God, pa i nuki mang a suluk ana kunubus, ning di ka atotoh tari onoi i a utna oros ka, pa i atong laulau a Talngan Tabu na marmaris, ir rakrakai kol a warkurai a arkeles teteki. Ir rakrakai kol tana warkurai a arkeles tetek tik ning i tabun longor ana warkurai ane Moses.

Hibru 3:10

Ine a kamkamna ning a balakut tetek a tarai ning, pa a atongi larne, ‘A nuknukinla i han rongo bolbolos, pa bel la mur anuka ngas.’

Hibru 3:17

Esi la ning e God i balakut tetek la diat a bonot a rau? La ning la tol a toltol laulau pa la mat ting na hanua bel.