Epeses 4:18 - Label

¹⁸ Anunla tastasmai i mormorom pa la bakbak kusun a lalaun ane God, anasa bel la tasman a momolna, anasa a balanla i rakrakai kol.

Epeses 4:18 ပူးပေါင်းရင်းမြစ်များ

Matiu 13:15

Anasa a tarai ne na balanla i rakrakai, na taltalnganla i kutkut, pa na matmatanla i kut. Ngandek ning lar ororoi lalan ana matmatanla, pa lar longlongor lalan ana taltalnganla, pa lar tastasmai ana nuknukinla, pa lar talingir, pa ar alaun pas la.’ Ais 6:9-10

A Wakak a Warwara o e Iesu Karisito i tumusi 3:5

E Iesu i tai taltal ana balakut tetek la. I nukmaris la anasa la tagar a nuknukinla. Pa i atai a barsan ning mang, “Ur kodos a kum.” I kodosi, pa a kuna i tostos ulak.

Aposel 17:30

Ana raula nating, e God i noren a taraila ning bel la nuk pasi, ika onone, i atai a taraila rop ana hananuala sur lar lingir a nuknukinla.

Aposel 3:17

“Na tastasikla, a tasmani mang mulo taum ana numulo na ningnigo otleng bel mulo tasman asaning mulo toli o e Iesu.

A Pas ane Pol tetek a tarai Rom 1:28

Ning a utna otleng, bel ma la nuk pas e God, la nuki mang a asasaer o e God i utna oros ka. I maining i noren tar la sur ir laulau a nuknukinla, pa la tol kama a ututnala ning bel i sot sur lar toli.

A Pas ane Pol tetek a tarai Rom 11:25

Na tastasikla, a mang sur mulor tastasim ana utna ning nating i mumun, sur gong mulo aitna pas mulo. I manglarne: Dingla na tarai Israel, ir rakrakai a balanla, tuk ning a wawas ana tarai masik ning la tortorot, ir arlar ana nuknuk e God.

A Pas ane Pol tetek a tarai Rom 11:7

Dalar oroi, a tarai Israel la tatatai sur ta ngas ning lar tostos onoi namatana e God, ika bel la pastetek pasi. La ka ning ka aslang pas la, la pastek pasi, ika a tarai masik bel. I arakrakai alar ka a balanla.

A Pas ane Pol tetek a tarai Rom 2:19

Mulo nuki mang mulo arlar ana halinla ning i nigon a kut, pa mulo arlar ana talapor tetek la ning la kes ana mormorom.

1 Korin 1:21

Anasa, ana tastasim ane God, i toli sur a tarai te na rakrakan hanua bel lar tol soti sur lar tasman e God ting na tastasim anunlai ot. A warwara ning mila warawai onoi, a tarai la nuki mang a longlong a warwara, ika, ana warwara ning, e God i gas sur ir alaun la ning la tortorot.

1 Korin 2:8

Bel ta ningnigo mite na rakrakan hanua i tasman a tastasim ne. Pa ngandek la ka tasman tari, bel lar sai ahat a Leklek, ning i bukus ana matatar, saot na rakai kutus.

2 Korin 3:14

Ika a nuknukinla i tamakut, pa tuk onone, ning di was a warwara ana ningnigo na kunubus tetek la, i arlar ka larning di poroi alar a nuknukinla ana diah kaen ning. Bel tik ka kepsen tari, e Karisito ka, ir kepseni kusun esining i laun o e Karisito.

2 Korin 4:4

E Satan, a god mite na rakrakan hanua, i san akut pas a nuknuk a tarai ning bel la tortorot, sur bel lar oroi a talapor ana Wakak a Warwara ning i apuasa a matatar ane Karisito, i ot a manar e God.

Galesia 4:8

Nating ning bel mulo tasman e God, mulo na tena titol oros ana godla ning bel a momol a godla.

Epeses 2:1

Nating a ingumulo i mat, anasa mulo kutus warkurai pa mulo tol a toltol laulaula.

Epeses 2:12

Mulor nuk pasi mang, nating ning mulo kes masik ot kusun e Karisito, mulo bel a tarai Israel, pa a kunubusla ning e God i lele tar ono, bel anumuloi. Pa ana numulo a lalaun te na rakrakan hanua, bel mulo tasman e God, pa bel ta wakak a utna ning mulor harnanai suri ana tortorot.

Kolosi 1:21

Nating mulo kes bakbak kusun e God, pa ting na nuknukimulo mulo ngeti, anasa ana numulo na toltol laulau.

1 Tesalonika 4:5

Pa gong mulo mur a rakrakai a nuknuk ana pamuk a toltol, arlar onla ning bel la tasman e God.

Hibru 5:2

A ningnigo na tena artabarla tetek e God i tolsot pasi sur ir titol ana marmaris tetek a tarai ning bel la tastasmai pa la han rongo, anasa i otleng bel ta rakrakaina sur ir tolsot pas na toltol laulau.

Hibru 9:7

Ika a ningnigo na tena artabar tetek e God, i sot ka, i sira kas muntakai tar ka ana taktakai a rau, uting na naur a tuka rumai ning kaning ui. Bel ir kas oros ka, ir kibas pas ot a suluk, sur ir artabar onoi tetek e God, sur e God ir kepsen anuna na toltol laulaula, pa toltol laulaula otleng anuna tarai ning la tol tari pa bel la tasmani.

Jems 4:4

Mulo ka han kusun e God, arlar ana hane ning i han kusun anuna barsan, pa i tol a toltol a pamuk. I mangasa, bel mulo tasmani, ning mulo mang sur a toltol mite na rakrakan hanua, mulo na hirua ane God? Esining i aslang pas a rakrakan hanua sur dia halna, ir hanot a hirua ane God.

1 Pita 1:14

Mulo na natnat e God, ning mulo sira longor tana, gong mulo mur a laulau a nuknukla ning mulo sira toli nating, ning bel mulo mananos.

1 Jon 2:11

Ika esining i nget e tasnalik, i kes ana mormorom, pa i hanan ana mormorom, pa bel i tasmani mang i han utaha, anasa a mormorom ka sanakut pas a matana.