Epeses 2:8 - Label

⁸ E God i maris mulo pa i alaun pas mulo ning mulo tortorot. Bel mulo ot mulo kamkamna onoi, a artabar ka ane God tetek mulo.

Epeses 2:8 ပူးပေါင်းရင်းမြစ်များ

Matiu 16:17

Pa e Iesu i atongi tana mang, “Saimon, a nat e Jona, u ka angis, anasa bel tik i atai u ana warwara ning. E Tata ot ning i kes saot na langit i anuknuk tar u onoi.

Matiu 20:9

Na tena titol ning di ben pas la ana dilima na puka kamis la hanot, pa di tokom la taktakai ana arlou tagun takai a pukakiar a titol.

A Wakak a Warwara o e Iesu Karisito i tumusi 16:16

Esining i tortorot pa di baptaisi dir alauni. Ika esining bel i tortorot, God ir saran a rakrakai a warkurai teteki sur ir mat.

Luk 7:50

E Iesu i atai a hane ning mang, “Ana num a tortorot ot, di ka alaun pas u. Ur han ana bal molmol.”

Jon 3:36

Esining i tortorot ona Nat e God i kibas a lalaun tikin. Ika esining i pilak sen e Natnalik, bel ir kibas a lalaun, anasa a balanakut ane God ka kes tar onoi.”

Jon 4:10

Ika e Iesu i kelesi mange, “Ning u tasman a artabar ane God, pa u tasman otleng esaning i nunung u sur al malum, ur nunungi, pa ir tabar u ana malum a lalaun.”

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

Jon 6:35

E Iesu i atai la mange, “Iau a bret na lalaun. Esila ning lar han tetek iau, bel lar murak, pa esila ning lar tortorot hok, bel lar mos ulak.

Jon 6:37

La rop ning e Tata i saran tar la tak, lar han tetek iau, pa esining ir han tetek iau, bel ar kepseni, belal.

Jon 6:40

A nuknuk ane Tata i mange, la rop ning la tai tetek e Natnalik pa la tortorot onoi, lar laun tikin, pa iau ar akamtur la kusun a minat ana ararop a pukakiar.”

Jon 6:44

Bel tik ir han lar pasi tetek iau. Ika e Tata ot ning i sune iau, ir ben tari tetek iau, pa ar akamturi kusun a minat ana ararop a pukakiar.

Jon 6:65

Pa i atongi otleng mange, “Ine a kamkamna ning a atai mulo mang bel tik ir han lar pasi tetek iau. Ika, ning ot e Tata ir sarani tetek iau, io, ir han tetek iau.”

Aposel 13:39

A Warkuraila ane Moses bel i tolsot pasi sur ir kepsen a laulau a ginimulo, sur dir atong mulo mang a tena tostosla. Ika, la rop ning la tortorot o e Iesu, dir atong la mang a tena tostosla.

Aposel 14:27

Ning dia hanot, dia kabah taum pas a tarai a lotu, pa dia atai la ana ututnala rop ning dia toli taum ana rakrakai ane God. Dia atai la otleng mang e God ka tol a ngas tagun a tortorot tetek a tarai ning bel a tarai Juda.

Aposel 15:11

Ika dala tortorot mang dir alaun dala kamna ana marmaris ana nundala Leklek e Iesu, arlar otleng onla.”

Aposel 16:14

Ning a halinla ning la longor mila a risana e Lidia, a hane mitimo e Tiatira, a tena siuran kubar a kaen pa a tena lotu tetek e God. Pa a Leklek i lingir anuna lalaun sur ir longor ana warwarala ning e Pol i atongi.

Aposel 16:31

Pa dia kelesi mange, “Ur tortorot ana Leklek e Iesu pa dir alaun u, pa la otleng ning la kes ting na numa rumai.”

A Pas ane Pol tetek a tarai Rom 10:14

Ika, ning bel la tortorot ana Leklek, lar nunung mangmangasa teteki? Ning bel la longor tar ta warwara onoi, lar tortorot mangmangasa onoi? Ning bel tik i atai la onoi, lar longor mangmangasa?

A Pas ane Pol tetek a tarai Rom 10:17

I maining a tortorot i hanot tetek a tarai ning la longor a Wakak a Warwara. A warwara ning la longori, a warwara ot ane Karisito.

A Pas ane Pol tetek a tarai Rom 4:16

I maining, a ututnala ning e God ka lele tari, ir sarani tetek la ning la tortorot. E God i toli larning sur ir arlar ana artabar na marmaris, pa ir han tetek a kaba tarai rop ane Abaram. Bel tetek na tarai Juda ka, ning di saran tar a Warkuraila tanla. Tetek la otleng ning la tortorot lar e Abaram, anasa i a tamandala rop.

A Pas ane Pol tetek a tarai Rom 4:5

Ir mangmangasa tetek a barsan ning bel i titol, ika i tortorot o e God, esaning i sira atong a tena laulaula mang la tostos? E God ir oroi lalan anuna tortorot pa ir atongi mang i tostos.

A Pas ane Pol tetek a tarai Rom 9:16

I maining, ning e God i aslang pas a taraila, bel i kamkamna ana nuknukinla pa ana ta titol ning la toli. Anuna aslang i kamkamna ot ana nuna marmaris.

Galesia 3:14

E Karisito i lou langolango pas dala, sur e God ir angisngis a tarai ning bel a tarai Juda, larning i angisngis e Abaram. Manglarning ana tortorot o e Karisito Iesu, dalar kibas a Talngan Tabu, arlar ana nuna lele.

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Epeses 1:19

Pa a nunung sur mulor tasmani mang a rakrakai e God ning i nangan dala onoi, ning dala tortorot, i itna kol. Bel dir arlar sot pasi ana ta utna. Ana tnan rakrakaina ning,

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Epeses 2:5

Ning dala mat ana nundala na toltol laulaula, i alaun pas dala taum o e Karisito. E God ka alaun pas mulo, anasa ana nuna marmaris.

Pilipai 1:29

Anasa e God ka angis tar mulo. Bel ana numulo na tortorot ka ana Karisito ning i angis mulo, ana mamahat otleng ning mulo kilangi ana risana.

Kolosi 2:12

Ning di baptais mulo, di por mulo taum o e Karisito. Pa mulo kamtur ulak taum onoi, anasa mulo tortorot ana rakrakai e God, esaning i akamtur ulak pas e Karisito kusun a minat.

2 Tesalonika 1:9

Lar kilang a warkurai na arkeles ning bel ir rarop, i a hinirua tikin, pa lar kes masik kusun a Leklek taum ana matatar ana rakrakaina.

Hibru 6:4

A tarai ning la ka tasman a talapor ane God, la ka lartumus tar a artabar misaot na langit, la ka los pas a Talngan Tabu, la ka tasmani mang a warwara ane God i wakak pa la ka kilang tar a rakrakai ane God ning ir hanot lamur. Ning la ka gilam ris kusun e God, bel tik ir tolsot sur ir ben ulak la sur lar lingir a nuknukinla. Anasa i arlar larning la sai ahat ulak a Nat e God saot na rakai kutus pa la ame i namatan a tarai.

1 Pita 1:5

Pa i tai alar mulo ana rakrakaina, anasa mulo tortorot onoi. Ir tai alar mulo tuk ana ararop a pukakiar ning ir alaun mulo. Pa ana nuna titol ning, ir apuasa asaning ka sang tari sur mulo.