Epeses 2:3 - Label

³ Nating, dala otleng dala laun arlar ana tarai a tabun longor. Dala otleng dala tol asaning a lalaun turai i mang suri, pa dala mur a laulau a nuknukla ana lalaun turai pa a ginina lalaun turai. Di agon pas dala otleng a tena laulaula ot, pa a balakut ane God i kes ondala, larning i kes ona tarai a tabun longor.

Epeses 2:3 ပူးပေါင်းရင်းမြစ်များ

A Wakak a Warwara o e Iesu Karisito i tumusi 4:19

ika a nuknukinla sur a wakak a keskes te lapiu, pa nuknuk otleng sur anunla na gongon ning i asongo a nuknukinla, pa a nuknuk sur a ututnala masik, la rau alar a warwara ane God, pa bel i wai.

Jon 1:13

Bel di atong la mang a natnat e God ana agon ana mangis a tarai, o ana nemnem ana ta barsan mite lapiu. E God ot e tamanla.

Jon 8:44

E tamamulo e Satan, pa mulo mang ot sur mulor mur na nuknukna. Tagun nating ot, i a tena umkol a taraila, pa bel i tasman a momolna, anasa bel ta momolna i kes onoi. Ning i asasongo, i warwara ana nuna warwara momol ot, anasa i ot a tena asasongo pa a tamana asasongo.

Aposel 14:16

Nating i noren tar a taraila miting na matanitula rop sur lar laun arlar ana nunla na nemnem.

A Pas ane Pol tetek a tarai Rom 1:24

I maining e God i noren tar la sur lar tol a dur a toltolla, larning la mang suri miting na balanla, pa lar tol a toltolla na meme artalai ana palaonla.

A Pas ane Pol tetek a tarai Rom 11:30

Nating, bel mulo sira longor tetek e God. Ika ning a tarai Israel bel la longor teteki, e God i maris mulo male.

A Pas ane Pol tetek a tarai Rom 13:14

Ika mulor mermer taum ana lalaun anuna Leklek e Iesu Karisito, pa gong mulo nuknuk sur ta ngas ning mulor agasgas a turai a lalaun.

A Pas ane Pol tetek a tarai Rom 2:14

I momol, a tarai ning bel a tarai Juda, la ning bel la tasman a Warkuraila ane Moses, ika la tol ot a wakak a toltol arlar ana Warkuraila, i asangani mang a Warkuraila kaning ot na sulukinla.

A Pas ane Pol tetek a tarai Rom 5:10

Ning dala hirua ot taum o e God, i dat dala sur dalar armoro ulak taum onoi, anasa ana minat e Natnalik. Pa onone, ning dala ka armoro taum o e God, dala tasman momoli mang ir alaun pas dala otleng, anasa ana lalaun ane Natnalik.

A Pas ane Pol tetek a tarai Rom 5:9

Pa ana sulukna e Iesu, e God i atong dala mang dala tostos namatana. Manglarning dala tasman momoli mang e Iesu ir alaun pas dala kusun a balakut ane God ana pukakiar a warkurai.

A Pas ane Pol tetek a tarai Rom 6:12

I maining, gong ulak ma mulo noren a palaomulo, ning i sira mat ka, sur ir kes nahai a rakrakai ana toltol laulau, sur gong mulo longor tana laulau a nuknuk ana palaomulo.

A Pas ane Pol tetek a tarai Rom 7:18

A tasmani mang bel ta wakak a utna i laun te hok, ana turai a lalaun. Anasa a mang ot sur ar tol a wakakna, ika bel a tolsot pasi sur ar toli.

A Pas ane Pol tetek a tarai Rom 9:22

Mangotleng larning e God i toli tetek a tarai. I mang sur ir asangan anuna balakut pa rakrakaina. Ika kaning ot i harnanai, pa bel i saran kapit a arkeles tetek a tarai ning la kes nahai a balakut anunai, la ning la ka sang sur lar hirua.

1 Korin 4:7

Esining i atongi mang u wakak tan ta halinla? Asa anumi ning e God bel i saran tari tam? Ning e God ka saran tar na ututna tam, sur asa ning u iaunan pas u onoi?

2 Korin 7:1

Na halalik, e God ka saran tar a lelela ne tetek dala, i maining dalar atotoh pas dala kusun a ututnala rop ning i adur a palaondala pa a ingundala. Pa dalar totoh arlar ana taraila ane God, anasa dala sira hanrawai teteki.

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Epeses 4:22

Di asaer mulo sur mulor han kusun a ngas a lalaun ning mulo murmuri nating. Mulor pak seni arlar taum ana turai a kaen, anasa i laulau pa i asongo dala sur dalar mur a laulau a nuknukla.

Kolosi 1:21

Nating mulo kes bakbak kusun e God, pa ting na nuknukimulo mulo ngeti, anasa ana numulo na toltol laulau.

1 Tesalonika 4:13

Na tastasimitol, mitol mang sur mulor tastasman onla ning la ka mat, pa gong mulo bal maris arlar ana tarai ning bel la harnanai ana tortorot ana kamkamtur ulak kusun a minat.

1 Tesalonika 5:6

Pa gong dala arlar ana dingla na tarai ning la borbor duman. Dalar tai alar dala pa dalar warkurai tostos anundala lalaun.

1 Timoti 6:9

La ning la mang sur a tnan mani, lar punga ana arlam, pa lar hirua ana kun ana longlong a nuknuk pa a nuknuk sur a utna ning ir alaulau la. Ir alaulau la pa ir kamar la.

Taitus 3:3

Anasa dala otleng lanigo, bel dala mananos, dala na tabun longor, dala han rongo, dala kes ana dodot ana nundala a laulau a nuknuk pa a urmatana ututnala rop ning dala gas suri. Ana nundala a keskes a lalaun, dala tol a laulau a utna, dala ram, a tarai la nget dala, pa dala otleng dala nget la.

1 Pita 1:14

Mulo na natnat e God, ning mulo sira longor tana, gong mulo mur a laulau a nuknukla ning mulo sira toli nating, ning bel mulo mananos.

2 Pita 2:14

A matanla i tai ka sur na tintaulai a gurara, sur lar tol a toltol laulau taum onla. Anunla na laulau a toltol bel ir rop lar pas. La alam rongon la ning bel la tur rakrakai. La lasan kol ana toltol ning la mang kol sur a galis a gongon. Ika, anunla hinirua ka sang.

2 Pita 2:18

La aitna pas la ana warwarala oros ka, pa la alam a taraila sur lar mur a pamuk a toltol ana lalaun turai. Ana ngasna ne, la alam a taraila ning belot i bongnan la anunla tinan masik kusun a tena laulaula.

1 Jon 2:16

Anasa a ututnala ning la kes ting na rakrakan hanua, larne a laulau a nuknuk ting na balandala, a ram sur a ututnala ning dala oroi, pa a toltol na iaunani ana gongon anundala pa anundala titol. A ututnala ning, bel i han miting ta e Tata, i hanot tagun a rakrakan hanua.

1 Jon 2:8

Ika a warkurai ning, tuk onone i totoh ot. A momol ana warkurai ne di oroi o e Karisito, pa o mulo otleng, anasa a mormorom i rop amon, pa a talapor momol ka hanot.