Epeses 2:20 - Label

²⁰ Mulo a rumai ane God, ning di aturi saot na aposella pa propetla. La a kama rumai, pa e Karisito Iesu ot, a wakak a hat kes, ning di tol a rumai saot ono.

Epeses 2:20 ပူးပေါင်းရင်းမြစ်များ

Matiu 16:18

Pa a atongi tam mang, u e Pita, a hat kes. Ar atur anuka tarai a lotu ana hat ne. A rakrakai ana minat bel ir tolsot pas anuka tarai a lotu.

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

Galesia 2:9

E Jems, Pita pa e Jon, ning a tarai la tasmani mang natola a ningnigo, ditol oroi lalan a marmaris ning e God i tabar iau ono, pa ditol sikan miau ma e Barnabas sur miar titol. Ditol malmaling sur miar han tetek a taraila ning bel a tarai Juda, pa ditol, ditol ar han tetek a tarai Juda.

Epeses 3:5

A taraila tagun nating bel tik i apuasa la onoi, ika onone, a Talngan Tabu i apuasa i tetek a aposella anun e God pa a propetla.

Kolosi 2:7

Anumulo lalaun ir suah a wakir o e Iesu sur ir gomo, pa mulor tur saot onoi. Mulor tur rakrakai ana tortorot larning di ka asaer tar mulo onoi, pa mulor bukus ana atong wakak tetek e God.

1 Pita 2:6

Larning di ka tumus tari ting na Buk Tabu larne, “Oroi i, ia ka suah tar a hat saot e Saion. A hat ning a aslang pasi sur ir a wakak a hat kes, ning di tol a rumai saot ono. Pa esining ir tortorot onoi, anuna tortorot bel ir ame i.” Ais 28:16

Tatatai 21:14

A kama woroh na hanua ning, di toli ana ning a bonot pa pisir naur a hat. Pa ting na hatatla ning, di ka tumus tar a risan ning a bonot pa pisir naur a aposel anuna Nat a Sipsip.