Epeses 2:11 - Label

¹¹ Mulor nuk pasi, di agon mulo bel mulo a tarai Juda. A tarai Juda la sira kot talilis a palaonla, a akinalang ning i asangani mang la ane God. A toltol ning, a tarai ka la sira toli ana kunla. Pa a tarai Juda la atong mulo mang bel mulo ane God, anasa bel di kot talilis mulo.

Epeses 2:11 ပူးပေါင်းရင်းမြစ်များ

Matiu 20:7

La kelesi mang, ‘Bel tik i ben mila sur ta titol.’ I atai la mang, ‘Mulo otleng mulor han pa mulor titol ting na nuk a barim a wain.’

A Pas ane Pol tetek a tarai Rom 11:17

A tarai Israel la arlar ana rakai a oliw momol ning di ka oman tari, pa mulo a tarai masik mulo arlar ana lomlom a rakai a oliw. E God i kuben pas dingla na rakrakana rakai a oliw momol, pa i kibas pas dingla na rakrakana lomlom a oliw, pa i tol a bading onla ting na rakai a oliw momol. Pa onone, mulo laun ana polo ning i han miting na wakir a rakai a oliw momol.

A Pas ane Pol tetek a tarai Rom 2:26

Ning a tarai ning bel di kot talilis a palaonla, la mur a ututnala ning a Warkuraila ane God i warwara onoi, e God i oroi la larning di ka kot talilis tar la.

A Pas ane Pol tetek a tarai Rom 2:27

Esining bel di kot talilisi pa bel di asaeri ana Warkuraila, ika i mur ot a ututnala ning a Warkuraila i warwara onoi, anuna lalaun ir tiu u, ning di ka kot talilis tar u, pa u tasman a Warkuraila, ika u kutusi.

1 Korin 12:2

Mulo tasmani mang, ning belot mulo tortorot, di ben rongon pas mulo ana urmatana ngas, tetek a asasongo na godla, ning bel la sira warwara, pa mulo lotu tetek la.

1 Korin 6:11

Dingla na tarai o mulo, nating mulo sira tol a toltolla ne. Ika, ana risan a Leklek e Iesu Karisito, pa ana Inguna e God anunla, e God ka gos pas mulo kusun anumulo na toltol laulau, sur mulo anuna taraila, pa ka atong mulo mang mulo na tena tostos.

Galesia 2:15

“Di agon dala a te Judala, bel dala arlar ana tarai ning bel a tarai Juda, ning dala atong la mang a tena laulaula.

Galesia 6:12

La ning la tohi sur lar ngongos pas mulo sur dir kot talilis mulo, la toli anasa la mang sur lar aleklek pas la namatana taraila. La toli larne anasa la matmataut sakana dir akadik la, ning lar warawai ka ana tortorot ana rakai kutus ane Karisito.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Epeses 5:8

Nating mulo kes ana mormorom, ika ne a Leklek ka akes tar mulo ana talapor. Pa mulor laun arlar ana natnat a talapor.

Pilipai 3:3

Dala ning dala lotu tetek e God taum ana rakrakai a Inguna, dala ka a tarai momol ane God, larning di ka kot talilis tar dala. Bel dala tortorot ana rakrakai a tarai. Dala tortorot ka ana titol ning e Karisito Iesu ka tol tari on dala.

Kolosi 1:21

Nating mulo kes bakbak kusun e God, pa ting na nuknukimulo mulo ngeti, anasa ana numulo na toltol laulau.

Kolosi 2:11

O e Karisito, i kot talilis mulo, ika bel a ngas a kot talilis ning a tarai la toli ana kunla. A kot talilis ning e Karisito i toli mange, ka kepsen tar a lalaun turai.

Kolosi 2:13

Lanigo a ingumulo i mat, anasa mulo tol a toltol laulaula, pa belot di kepsen tar a lalaun turai anumulo. Ika onone, e God ka alaun pas mulo taum o e Karisito. I ka kepsen tar anundala na toltol laulaula rop.

Kolosi 3:11

Pa larning, dala rop dala arlar kama: na tarai Juda, a tarai Grik, la ning di ka kot talilis tar la pa la ning bel di kot talilis la, a tarai ning bel la tastasman wakak, pa a tarai miting esi na ngas a mangis a tarai otleng, a tena titol orosla pa a taraila otleng ning bel la tena titol oros. E Karisito ot i itna kol, pa i kes ondala rop.