Epeses 1:7 - Label

⁷ Pa ning dala kaning o e Karisito, a sulukna i lou alangolango pas dala, pa e God i kepsen anundala na toltol laulaula. A marmaris ane God i itna kol,

Epeses 1:7 ပူးပေါင်းရင်းမြစ်များ

Matiu 20:28

Larka otleng ning a Nat a Barsan bel i hanot sur dir titol teteki. I hanot sur i ot ir titol tetek a tarai, pa ir saran tar anuna lalaun, a arlou, sur ir lou langolango pas a galis a tarai.”

Matiu 26:28

Ine a sulukik, ning i amomol tar a kunubus ning i dat taum tar e God pa a tarai. A sulukik ne, i tapek sur ir kepsen na toltol laulau anuna galis a tarai.

Matiu 6:12

Ur kepsen anumila na toltol laulaula, larning mila otleng milar nuk duman sen anunla na toltol laulaula tetek mila.

A Wakak a Warwara o e Iesu Karisito i tumusi 14:24

I atai la, “Ine a sulukik, a kunubus ning i dat taum tar e God pa taraila. A sulukik ne i tapek sur a galis.

Luk 1:77

sur ur atalapor anuna tarai mang dir alaun pas la mangmangasa. Dir kepsen tar anunla na toltol laulaula,

Luk 24:47

pa dir warawai ana risana tetek a taraila miting na matanitu rop, turpasi saot e Jerusalem. Dir warawai tetek la mang lar lingir a nuknukinla pa e God ir kepsen anunla na toltol laulau.

Jon 20:23

Ning mulor nuk duman sen a toltol laulaula anuna tik, e God otleng ir kepsen seni kusuni. Ning bel mulor nuk duman sen a toltol laulau anuna tik, e God otleng bel ir kepsen seni kusuni.”

Aposel 10:43

A propetla rop la warwara o e Iesu, mang esining i tortorot onoi, dir kepsen anuna na toltol laulaula ana risana.”

Aposel 2:38

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

Aposel 3:19

Mulor lingir a nuknukim mulo, pa mulor han tetek e God, sur ir kepsen anumulo na toltol laulaula.

A Pas ane Pol tetek a tarai Rom 2:4

Ka asangan tar anuna wakak a toltol ning i itna tetek mulo, pa bel i warkurai kapit mulo ana numulo na toltol laulaula, pa bel i ngoro kapit o mulo. Mangasa, mulo oroi purum anuna wakak a toltol? Mangasa, bel mulo tasmani mang i maris mulo larne sur mulor lingir a nuknukimulo?

A Pas ane Pol tetek a tarai Rom 3:24

Ika ana marmaris ane God, e God i atong la mang la tostos. Anuna toltol ne, i arlar ana artabar oros ka, anasa ana arlou ning e Karisito Iesu i toli.

A Pas ane Pol tetek a tarai Rom 3:25

E God i saran tar e Natnalik, sur ir mat pa a sulukna ir kepsen a toltol laulaula anuna taraila rop ning la tortorot onoi. Pa a sulukna ir arop sen a balakut ane God ning nating kaning onla. I toli larne sur ir asangan anuna tostos a toltol. Nating e God i noren tar ka toltol laulaula anuna tarai, pa bel i warkurai la onoi, anasa i wowon taum onla.

A Pas ane Pol tetek a tarai Rom 9:23

I toli larning sur ir asangan anuna tnan matatar tetek a tarai ning la kes nahai a marmaris anunai. La ning i sang tar la nating ot sur lar kes taum onoi ana nuna matatar.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

2 Korin 8:9

Anasa mulo tasman a marmaris ana nundala a Leklek e Iesu Karisito. I ot i angis kol, ika i han kusun anun a wakak a keskes saot na langit, anasa i maris mulo. I kes na kapan te na rakrakan hanua, sur mulo, mulor angis.

Epeses 1:14

A Talngan Tabu, a ningnigo na artabar, sur ir amomoli mang lamur ana pukakiar ning e God ir alangolango pas anuna taraila, dalar kibas a ututnala ning e God ka lele tar onoi. Pa dalar atong leklek pas e God ana nuna matatar.

Epeses 1:18

A nunung mang ir atalapor a ingumulo, sur mulor tasman a ututnala ning dala harnanai ana tortorot suri, ning e God i kabah pas dala sur dalar kibas pasi. A ututnala ning dala na tarai ane God, dalar kibas pasi, i itna kol pa i bukus ana matatar.

Epeses 1:6

Pa dalar atong aleklek pas e God ana nuna wakak a marmaris, ning ka tabar oros dala onoi, o e Natnalik ning i katnan koli.

Epeses 1:8

ning i sira tabar mokos dala onoi, taum ana tastasmai rop pa wakak a nuknuk.

Epeses 2:4

Ika, e God i bukus ana marmaris! I alaun pas dala anasa i maris kol dala.

Epeses 2:7

E God i toli larne, sur ir asangan anuna marmaris tetek dala o e Karisito Iesu, sur ana raula kaning ot lamur, anuna tnan marmaris ir hanot talapor.

Epeses 3:16

E God anuna gongon i bukus ana matatar. Pa a nunung mang, miting na nuna gongon, ir arakrakai mulo ana rakrakai a Talngan Tabu ting na ingumulo,

Epeses 3:8

Pa iau, a natarna kol tanla rop a tarai ane God. Ika i maris iau pa i saran tar a titol ne tak, sur ar warawai tetek a taraila ning bel a tarai Juda ana wakak a gongon ane Karisito, ning bel dir nuk lar pas a araropna anasa i itna kol.

Pilipai 4:19

Anuk a God ir bonot asaning mulo kapan suri, misaot na wakak a gongon anunai, anasa mulo ane Karisito Iesu.

Kolosi 1:14

esaning ka lou alangolango pas dala pa ka kepsen tar anundala na toltol laulau.

Kolosi 1:27

E God i apuasa i mang, a tarai ning bel na tarai Juda, la otleng lar tasman anuna warwara, a utna ning nating i mumun tar, ning i wakak pa i bukus ana matatar. Ine a utna ning: E Karisito ot kaning o mulo, i maining, mulo harnanai ana tortorot sur a matatar ane God ning mulor kibasi.

Kolosi 2:13

Lanigo a ingumulo i mat, anasa mulo tol a toltol laulaula, pa belot di kepsen tar a lalaun turai anumulo. Ika onone, e God ka alaun pas mulo taum o e Karisito. I ka kepsen tar anundala na toltol laulaula rop.

Kolosi 2:2

A toli larning sur ir arakrakai anunla lalaun, pa lar kes na marmaris taum, sur lar bukus ana tnan tastasman rop, sur lar tasman a utna ane God, ning nating i kes mumun, esaning e Karisito ot.

1 Timoti 2:6

ning i saran tar anuna lalaun sur ir lou alangolango a taraila rop. Ana taem ning e God ka kubus tari, e Iesu i amomol tar a nuknuk e God mang, i mang sur ir alaun a taraila rop.

Taitus 2:14

I saran tar anuna lalaun sur dala, sur ir lou alangolango dala kusun anundala na toltol laulaula rop, pa ir atotoh pas dala, sur dala anuna tarai momol ot, dala a tarai ning dala mang kol sur dalar tol asaning i wakak.

Taitus 3:6

E God i tabar dala ana Talngan Tabu, ning i pek rakrakai koli saot ondala, pa dala bukus onoi, anasa ana titol ane Iesu Karisito, anundala a Tena Alaun.

Hibru 9:22

I momol, a Warkuraila ane Moses i atongi mang dir atotoh a galis a utna ana suluk. Ning a suluk bel ir tapek, e God bel ir kepsen a toltol laulaula.

1 Pita 2:24

E Karisito ot i kibas pas anundala na toltol laulau ana palaona ning i mat saot na rakai kutus, sur dalar mat kusun a toltol laulau, pa dalar laun sur a tostos a toltol. Pa ana hirua ting na palaona, i alangolango pas mulo.

1 Pita 3:18

Anasa e Karisito i mat muntakai pas ka, sur anundala na toltol laulau. A Tena Tostos i mat sur la ning bel la tostos, sur ir ben pas mulo tetek e God. La um kol a palaona, ika di alaun pasi ana inguna.

1 Jon 2:12

A tumtumus tetek mulo a kakakla, anasa di ka kepsen anumulo na toltol laulau ana risana e Karisito.

1 Jon 2:2

I ot i mat sur ir lou langolango pas dala kusun anundala na toltol laulaula, pa ir arop sen a balakut ane God, ning nating kaning on dala. Pa bel i mat sur anundala na toltol laulaula ka, a toltol laulaula anuna taraila rop te na rakrakan hanua.

1 Jon 4:10

A marmaris i mange: Bel dala, dala mang nigo sur e God. Ika, e God ot i mang nigo sur dala, pa i saran tar e Natnalik ning i mat sur ir lou langolango pas dala kusun anundala na toltol laulaula, pa ir arop sen a balakut ane God, ning nating kaning on dala.

Tatatai 14:4

La ne bel la dur, anasa bel la borbor taum ana gurarala. La mur a Nat a Sipsip ting na pukpukna ning i sira han ia. Arpotor tana taraila te na rakrakan hanua di lou langolango pas la. Di saran la tetek e God pa tetek a Nat a Sipsip, arlar ana ningnigo na wana ning di sira sarani ta e God.

Tatatai 5:9

Pa la saken a tona saksak larne, “U ot u tostos sur ur kibas pas a buk pa ur pilik sen na bulit kusuni, anasa di um kol u, pa u lou lingir pas a tarai tetek e God ana sulukim, a tarai tagun a mangis a tarai rop, a tarai tagun na urmatana ngas a warwara rop, a tarai mite na hananuala rop pa a tarai tagun a matanitula rop.