A Pas ane Jut 1:20 - Label

²⁰ Ika mulo, na halalik, ir wakak ning mulor arakrakai anumulo a totoh a tortorot, pa mulor nunung ana rakrakai ana Talngan Tabu.

A Pas ane Jut 1:20 ပူးပေါင်းရင်းမြစ်များ

Aposel 15:9

Bel i purpurngis ondala, anasa i atotoh la otleng ning la tortorot.

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Aposel 6:7

A warwara ane God i han sarara, pa a tarai a asasaerla la galis amon saot e Jerusalem. Pa galis a tena artabar tetek e God la tortorot pa la longor ana Wakak a Warwara.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

A Pas ane Pol tetek a tarai Rom 15:2

Dala rop taktakai dalar nuk pas otleng na halalindala, pa dalar tol a ututnala ning ir nangan la sur ir arakrakai anunla tortorot.

A Pas ane Pol tetek a tarai Rom 8:15

Anasa a Talngan Tabu ning mulo kibasi, bel ulak ma sur mulo na tena titol oros ana matmataut. A Talngan Tabu ning mulo kibasi sur mulo na natnat e God, ning i ras pas mulo. Pa ana rakrakai ane God dala sira atongi mang, “Aba, Tata.”

1 Korin 1:8

I ot ir arakrakai mulo tuk ana ararop a pukakiar, sur bel dir arup sot pas mulo on ta rongo ana pukakiar ning anundala a Leklek e Iesu Karisito ir ulak.

1 Korin 10:23

Sakana tik ir atongi mang, “A ututnala rop i wakak ka sur dalar toli,” ika, bel a ututnala rop ir nangan dala. “A ututnala rop i wakak ka sur dalar toli,” ika, bel a ututnala rop ir arakrakai dala.

1 Korin 14:15

Asa ar toli? Ar nunung ana inguk, par nunung otleng ana nuknukik. Ar saksak ana inguk, par saksak otleng ana nuknukik.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

Galesia 4:6

Mulo na natnat e God ot. Ine a kamkamna ning i saran a Talngan Tabu, a Inguna e Natnalik, sur ir kes ting na balamulo, pa i arkabah tetek e God mange, “Aba! Tata!”

Epeses 4:12

sur lar sang a taraila ane God, sur lar titol teteki, sur a tarai a lotu lar agomo anunla lalaun ting o e Karisito. A tarai a lotu, la a palaona e Karisito.

Epeses 4:16

Pa dala a palaona, pa o e Karisito, a kidol a palaona i tugus taum wakak. Pa ning taktakai diah palaona i tol ot anuna titol, a kidol a palaona ir gomo pa ir rakrakai, pa ir bukus ana marmaris.

Epeses 4:29

Pa gong ta laulau a warwara i purum miting na pahamulo. Mulor atong ka a warwara ning i wakak sur ir arakrakai a tarai pa ir nangan la ana asaning la kapan suri, sur anumulo na warwara ir awakak la ning la longor mulo.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

Kolosi 2:7

Anumulo lalaun ir suah a wakir o e Iesu sur ir gomo, pa mulor tur saot onoi. Mulor tur rakrakai ana tortorot larning di ka asaer tar mulo onoi, pa mulor bukus ana atong wakak tetek e God.

1 Tesalonika 5:11

Pa mulor warwara na harnangai artalai tetek mulo, pa mulor arakrakai mulo, mang ot larning mulo sira toli.

1 Timoti 1:4

Pa gong la molot ana asasaer oros ka, pa ana ususrai ana mangis a tarai, ning bel ta araropna. I tol otnan ka a arlak, pa bel i harnangai ana titol ane God. A titol ane God i gomo ka ana tortorot.

2 Timoti 1:5

A nuk pas anuma momol a tortorot, ning i arlar ana tortorot ana naur a hane ne, e tubum Lois pa etnam Iunis. A tasmani mang a ngasa tortorot ne, ka kes otleng hom.

Taitus 1:1

Iau e Pol a tena titol oros ane God pa a aposel ane Iesu Karisito, sur ar nangan a tortorot ana tarai a aslang ane God, pa ar asaer la sur lar tasman a momolna. A momolna ning ir ben la sur lar mur a toltol ning e God i mang suri.

Jems 2:22

Ur oroi i, anuna tortorot i han taum ana nuna wakak a titolla. Pa ana nuna titol, a tortorot anunai i bot kidol.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

1 Jon 5:4

Anasa la ning na natnat e God, la ka tolsot pas a rakrakan hanua. A rakrakai ning dala tolsot pas a rakrakan hanua onoi mange: anundala tortorot.

A Pas ane Jut 1:3

Na halalik, a mang kol sur ar tumtumus tetek mulo ana titol ane God ning i alaun pas dala. Ika onone, a nuki mang ar tumtumus ana ning a utna masik. Ar arakrakai mulo, sur mulor tai alar wakak a Wakak a Warwara kusun a hiruala. A Wakak a Warwara ning dala tortorot onoi, pa di ka saran tari tetek a tarai ane God, pa bel tik ir lingir lar pasi.

Tatatai 13:10

Ning e God i malmaling sur tik ir dodot, ir dodot ot. Ning i malmaling sur dir um kol tik ana liwan a harum, dir um koli ot onoi. Manglarning, a tarai ane God lar tur rakrakai pa lar tortorot.