A Pas ane Jut 1:1 - Label

¹ Iau e Jut, a tena titol oros ane Iesu Karisito pa a tas e Jems. A tumus a pas ne tetek mulo, ning e God a Tamandala ka kabah pas mulo, pa i maris mulo, pa mulo kes ting na tatatai alar ane Iesu Karisito.

A Pas ane Jut 1:1 ပူးပေါင်းရင်းမြစ်များ

Matiu 10:3

e Pilip, Batolomiu, Tomas, pa e Matiu a tena los totokom, Jems a nat e Alpius, Tadius,

Matiu 13:55

E Tamana a tena tol rumai ka, pa e tana e Maria. A tastasnala otleng, e Jems, Josep, Saimon pa e Judas

A Wakak a Warwara o e Iesu Karisito i tumusi 3:18

Endru, Pilip, Batolomiu, Matiu, Tomas, Jems a nat e Alpius, pa e Tadius, pa e Saimon ning tagun a kunum Silot,

A Wakak a Warwara o e Iesu Karisito i tumusi 6:3

I a tena tol rumai ka, a nat e Maria. Na tastasna otleng, e Jems, Josep, Judas pa e Saimon, pa na tastasna hane kanet ka dala laun taum.” Pa bel la gas ono.

Luk 6:16

e Judas a nat e Jems, pa e maurana otleng e Judas Iskariot esaning i asobor tar e Iesu.

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Jon 14:22

E Judas (bel e Judas Iskariot) i deken e Iesu mange, “Leklek, sur asa ning ur asangan tar u ta mila ka, pa bel tana taraila ana rakrakan hanua?”

Jon 15:16

Bel mulo aslang pas iau, iau ot a aslang pas mulo. Pa a saran a titol ta mulo sur mulor han pa mulor wai, pa a waimulo ir kes tikin. Pa e Tata ir tabar mulo ana ututnala rop mulo nunung suri ana risak.

Jon 17:15

Bel a nunung u sur ur kepsen la kusun a rakrakan hanua. Ika a nunung u sur ur tai alar la kusun a Tena Laulau.

Jon 17:17

Anum a warwara i momol. Ur atotoh la ana num a momolna sur la anumi.

Jon 17:19

A saran tar iau tam, sur la otleng anuma tarai momol, ana num a momolna.

Jon 6:39

A nuknukna esaning i sune iau ute ine, gong tik ta halinla ning i saran tar la tak ir hirua. Ar akamtur ulak la rop kusun a minat ana ararop a pukakiar.

Aposel 1:13

Ning la hanot saot e Jerusalem, la kas usaot na tuka rumai, ning la borborbor pa la keskes ia. La ne, ning la kes taum tingia: E Pita, Jon, Jems, Endru, Pilip, Tomas, Batolomiu, Matiu, Jems a nat e Alpius, e Saimon takai tagun a kunum a Silot, pa e Judas, a nat a maskan na Jems.

Aposel 20:32

“Onone a saran tar mulo tetek e God sur ir tai alar mulo, pa a saran tar mulo ana nuna warwara ning i apuasa anuna marmaris. A warwara ning i tolsot sur ir arakrakai mulo, pa ir tabar mulo ana wakak a artabarla ning e God i sira tabar anuna tostos a tarai onoi.

Aposel 27:23

Nangana morom, ning a angelo ane God i hanot tetek iau, a God ning a titol teteki, pa iau anunai.

A Pas ane Pol tetek a tarai Rom 1:1

Iau e Pol, a tena titol oros ane Iesu Karisito, a tumus a pas ne tetek mulo. E God i kabah pas iau, sur ar aposel, pa i aslang pas iau sur ar warawai ana nuna Wakak a Warwara tetek a taraila.

A Pas ane Pol tetek a tarai Rom 1:6

Mulo otleng dingla na tarai tagun la, ning e God ka kabah pas mulo, sur mulo ane Iesu Karisito.

A Pas ane Pol tetek a tarai Rom 16:18

A ngas a tarai ning, bel la mur anundala Leklek e Karisito. La mur ot a nuknuk na palaonla. La warwara ana namnamin na warwara pa a warwara na agasgas, sur lar asobor a tarai ning bel la tastasman wakak.

A Pas ane Pol tetek a tarai Rom 6:22

Ika onone di ka alangolango pas mulo kusun a toltol laulau, pa mulo na tena titol oros tetek e God. Pa mulor kibas a totoh a lalaun, ning ir suah otnan a lalaun tikin.

A Pas ane Pol tetek a tarai Rom 8:30

Pa la ning e God ka aslang pas la, i kabah pas la. Pa la ning ka kabah pas la i atong la mang la tostos namatana. Pa la ning ka atong la mang la tostos namatana, i amermer la ana nuna matatar.

A Pas ane Pol tetek a tarai Rom 9:24

Esi la? Dala ot, ning ka kabah pas dala. Mila ning tagun a tarai Juda, pa mulo ning tagun a tarai masik otleng.

1 Korin 1:2

tetek mulo a tarai a lotu ane God to e Korin. Mulo ning e Karisito Iesu i atotoh pas mulo, pa i kabah pas mulo sur mulo a tarai ane God. Mulo a tarai ane God taum ana tarai rop ting na hanua rop ning la sira lotu ana risana anundala a Leklek e Iesu Karisito, esaning a Leklek anunla pa anundala otleng.

1 Korin 6:11

Dingla na tarai o mulo, nating mulo sira tol a toltolla ne. Ika, ana risan a Leklek e Iesu Karisito, pa ana Inguna e God anunla, e God ka gos pas mulo kusun anumulo na toltol laulau, sur mulo anuna taraila, pa ka atong mulo mang mulo na tena tostos.

Epeses 5:26

sur la anuna tarai momol. Pa i gos totoh la ana malum pa anuna warwara.

1 Tesalonika 2:12

Manglarne, mitol arakrakai mulo, mitol warwara na amolmol tetek mulo, pa mitol atai mulo sur mulor laun taum ana ngas a lalaun ning i agasgas e God, ai ning i sira kabah pas mulo sur anuna matanitu pa anuna matatar.

1 Tesalonika 5:23

Mitol nunung sur e God ot, a God na bal molmol ir atotoh pas anumulo na lalaun, sur mulor totoh rop namatana. Mitol nunung otleng mang e God ir tai alar anumulo a lalaun rop, larne a ingumulo, a nuknukimulo pa a palaomulo, sur gong di arup sot pas mulo on ta rongo ana pukakiar ning anundala Leklek e Iesu Karisito ir ulak purum onoi.

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

2 Timoti 4:18

A Leklek ir alaun iau kusun a laulau a ututnala rop, pa ir akes iau ana nuna matanitu saot na langit. Dalar atong leklek pasi, bel ir rarop pa bel ir rarop. Amen.

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

Jems 1:1

Iau e Jems, a tena titol oros ane God pa a Leklek e Iesu Karisito, a tumus a pas ne tetek mulo, ning a bonot pa naur a mangis a tarai Israel, ning mulo kes sarara arpotor tana tarai miting na matanitula. A marmaris tetek mulo.

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.

1 Pita 1:5

Pa i tai alar mulo ana rakrakaina, anasa mulo tortorot onoi. Ir tai alar mulo tuk ana ararop a pukakiar ning ir alaun mulo. Pa ana nuna titol ning, ir apuasa asaning ka sang tari sur mulo.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

1 Pita 5:10

Ika e God i a God na marmaris, pa o e Karisito i kabah pas mulo sur mulor kes taum onoi ana nun a matatar ning bel ir rop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

A Pas ane Jut 1:21

E God i sira mang kol sur mulo pa mulor kes milau i pa mulor noreni sur ir mang bolbolos sur mulo. Pa mulor harnanai sur anundala Leklek e Iesu Karisito ning ir tabar mulo ana lalaun tikin, anasa i maris mulo.

A Pas ane Jut 1:3

Na halalik, a mang kol sur ar tumtumus tetek mulo ana titol ane God ning i alaun pas dala. Ika onone, a nuki mang ar tumtumus ana ning a utna masik. Ar arakrakai mulo, sur mulor tai alar wakak a Wakak a Warwara kusun a hiruala. A Wakak a Warwara ning dala tortorot onoi, pa di ka saran tari tetek a tarai ane God, pa bel tik ir lingir lar pasi.