Aposel 9:36 - Label

³⁶ Ning a hane tagun a tarai a asasaer i kes tumo e Jopa, a risana e Tabita, ana warwara Grik mang e Dokas. A hane ne, ka tol tar a galis a wakak a titol, pa a tena artabar tetek a kapan na taraila.

Aposel 9:36 ပူးပေါင်းရင်းမြစ်များ

Matiu 25:17

Larka otleng tetek esaning di saran tar naur a rip tana, i agomo ulak pas naur a rip a mani taguni.

Jon 15:5

“Iau ot a rakai a wain, pa mulo a rakrakanala. Esining i patap hok, pa a patap onoi, ir wai kol. Ika ning mulo laun masik kusun iau, bel mulor tolsot pas ta utna.

Jon 15:8

“E Tata ir kibas a matatar ning mulo wai kol, pa a waimulo ir asangani mang mulo anuk na kakak a asaerla.

Aposel 10:23

E Pita i ben kas ditol sur ditol ar borbor pas. Ning i kabakiar ot, e Pita i tur pa la han, pa dingla na tarai ning la tas ana tortorot misaot e Jopa la armuri.

Aposel 10:31

pa i mang, ‘Konilius, e God ka longor anum na nunung, pa ka tasman anum na artabarla tetek a kapan a taraila.

Aposel 10:8

I atai ditol ana ututnala rop ne, pa i sune ditol utumo e Jopa.

Aposel 11:13

Pa i atai mila mang i oroi a angelo i hanot ana nuna rumai pa i atai i mange, ‘Ur arsune utumo e Jopa sur e Saimon, ning a risana otleng e Pita.

Aposel 11:5

“Ning a kes ana hanua Jopa, a nunung, pa a oroi ning a tatatai. A oroi ning a utna i arlar ana tnan kaen na polpol ning di tong pas diat a ris pa di alorong purumi misaot na langit tetek iau.

Aposel 9:38

E Lida i kes milau e Jopa, pa ning a tarai a asasaer miting e Jopa la longori mang e Pita kanumo e Lida, la sune naur a barsan teteki pa dia angongosi mang, “Maris mila, ur lamut kapit tetek mila.”

Aposel 9:42

A utna ne i talapor pa la rop la tasmani tumo e Jopa, pa a galis la tortorot ona Leklek.

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Pilipai 1:11

Pa a nunung otleng mang, mulor bukus ana wana tostos a toltol, ning e Iesu Karisito i tol otnan tari ting na numulo a lalaun, sur a taraila lar atong aitna pas e God pa lar alekleki.

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

1 Tesalonika 4:10

A momolna ot, mulo mang sur na tastasimulo rop ting na papar Makedonia rop. Ika, mitol nunung mulo sur anumulo a marmaris ir itna pa ir gomo rakrakai.

1 Timoti 5:10

pa a taraila rop la tasman anuna wakak a titolla, larning i lawat wakak a kakakla, pa i sira gas pas a tarai ting na nuna rumai, pa i gos sen a kubus kusun a hana tarai ane God, pa i nangan a tarai ning a mamahatla i kibas la, pa i saran tar anuna lalaun sur ir tol a urmatana wakak a titol.

Taitus 2:14

I saran tar anuna lalaun sur dala, sur ir lou alangolango dala kusun anundala na toltol laulaula rop, pa ir atotoh pas dala, sur dala anuna tarai momol ot, dala a tarai ning dala mang kol sur dalar tol asaning i wakak.

Taitus 2:7

Ana ututnala rop ning u sira toli, ur tol a wakak a titol na matanla, sur a wakak a tatatai tetek la sur lar muri. Ning ur asaer la, ur titol taum ana momolna, pa a hanrawai ana warwara ane God.

Taitus 3:8

A warwarala ne i momol kol. Pa a mang sur ur rakrakai ana warwarala ne sur a tarai ning la tortorot o e God lar saran momol tar a lalaun anunla ana wakak a titol. A ututnala ne i wakak pa i nangan a tarai rop.

Hibru 13:21

A nunung e God sur ir tabar mulo ana wakak a ututnala rop, sur mulor mur a nuknukna. A nunung otleng, mang ana titol ane Iesu Karisito, e God ir awakak dala arlar ot ana nuknukna. Dalar atong leklek pas e Iesu Karisito, bel ir rarop pa bel ir rarop. Amen.

Jems 1:27

Ika ning dala nangan a nat a biasuila, pa a laola ning la pot na marmaris, pa ning dala tumarang dala otleng kusun a dur a toltol mite na rakrakan hanua, ine i a tostos a lotu, pa bel ta utna i rongo ono namatana e God a Tamandala.