Aposel 5:14 - Label

¹⁴ Ika a galis, a taraila pa gurarala kale, la bot tortorot ona Leklek, pa di was taman la ana tarai a lotula.

Aposel 5:14 ပူးပေါင်းရင်းမြစ်များ

Aposel 2:41

La ning la kibas a warwara ane Pita dir baptais la. La arlar ona natol a rip, pa di suah taum la ana tena tortorotla.

Aposel 2:47

Pa la rakan aleklek pas e God, pa a taraila rop la gas onla. Pa ana pukakiarla rop a Leklek i alaun a galis a tarai, pa di was taman la ana tena tortorotla.

Aposel 22:4

Pa a alaulau a tarai ning la mur a Ngas ane Karisito. A umkol dingla na tarai, pa dingla na tarai taum ana gurarala otleng a tong akes la, pa a akas la ana rumai a dodot.

Aposel 4:4

Ika, a galis ning la longor a warwara ane Pita pa e Jon, la tortorot. Pa a wawas ana taraila ka ning la tortorot i arlar ana dilima na rip.

Aposel 6:7

A warwara ane God i han sarara, pa a tarai a asasaerla la galis amon saot e Jerusalem. Pa galis a tena artabar tetek e God la tortorot pa la longor ana Wakak a Warwara.

Aposel 8:12

Ika onone, a taraila pa gurarala la tortorot ana Wakak a Warwara ning e Pilip i warawai onoi, ana matanitu ane God, pa ana risana e Iesu Karisito, pa di baptais la.

Aposel 8:3

Ika e Sol i alaulau a tarai a lotula, i kas ana nunla na rumaila, pa i rih a taraila pa gurarala, pa i akas la ting na rumai a dodot.

Aposel 9:2

pa i nunungi mang, “Ur tumus al pas sur ar losi utumo na rumai lotula to e Damaskus. Dir tumusi mang, ning ar pastetek al taraila pa al gurarala ning la mur a Ngas anun e Karisito, ar dat pas la usaot e Jerusalem, sur lar dodot.”

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

Aposel 9:35

La rop ning la kes ana hanua e Lida pa e Saron, la oroi a barsan ning, pa la lingir a nuknukinla tetek a Leklek.

Aposel 9:42

A utna ne i talapor pa la rop la tasmani tumo e Jopa, pa a galis la tortorot ona Leklek.

2 Korin 6:15

E Karisito pa e Satan diar malmaling taum mangasa? Ta tena tortorot ir bal taum mangasa on tik ning bel i tortorot?

Galesia 3:28

Ana tortorot o e Karisito, bel tik i maskana namatana e God: a tarai Juda pa a tarai masik, na tena titol oros pa la ning bel na tena titol oros, a taraila pa gurarala. Mulo rop mulo takai ka o e Karisito Iesu.