Aposel 27:23 - Label

²³ Nangana morom, ning a angelo ane God i hanot tetek iau, a God ning a titol teteki, pa iau anunai.

Aposel 27:23 ပူးပေါင်းရင်းမြစ်များ

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Aposel 12:23

Ono otning, a angelo anuna Leklek i umi, anasa bel i atong leklek e God, pa a pompobola la ien a palaona, pa i mat.

Aposel 16:17

A hane ne i mur mila taum ma e Pol, pa i warwara kol mange, “A taraila ne, la na tena titol oros ane God i Leklek Kol, pa la atai mulo ana ngas ning dir alaun mulo ono.”

Aposel 18:9

Ning a morom a Leklek i warwara tetek e Pol ana tatatai mange, “Gong u matmataut, warwara ka. Gong u kes longoro,

Aposel 23:11

Ana morom ning, a Leklek i hanot tetek e Pol, pa i atai i mange, “Gong u matmataut, ur tur rakrakai. U ka warwara talapor tar hok te e Jerusalem, mangotleng larning ur warwara talapor hok tumo e Rom.”

Aposel 5:19

Ika ana morom, ning a angelo anuna Leklek i sapang a tamanla ana rumai a dodot, pa i ben purum la pa i atongi mang,

Aposel 8:26

Ning a angelo anuna Leklek i atai e Pilip mang, “Ur tur, pa ur han utumo ana matana tobar sur a ngas misaot e Jerusalem utumo e Gasa, a ngas ning i han potor a hanua bel.”

A Pas ane Pol tetek a tarai Rom 1:1

Iau e Pol, a tena titol oros ane Iesu Karisito, a tumus a pas ne tetek mulo. E God i kabah pas iau, sur ar aposel, pa i aslang pas iau sur ar warawai ana nuna Wakak a Warwara tetek a taraila.

A Pas ane Pol tetek a tarai Rom 1:9

A titol tetek e God ana nuka lalaun rop, ning a warawai ana Wakak a Warwara o e Natnalik, pa e God ot i tasmani mang a sira nuk pas mulo

A Pas ane Pol tetek a tarai Rom 6:22

Ika onone di ka alangolango pas mulo kusun a toltol laulau, pa mulo na tena titol oros tetek e God. Pa mulor kibas a totoh a lalaun, ning ir suah otnan a lalaun tikin.

1 Korin 6:20

anasa e God ka lou pas mulo ana arlou ning a matana i abit kol. I maining mulor aleklek pas e God ana palaomulo.

2 Timoti 1:3

A atong wakak tetek e God, esaning a titol teteki ana nuknuk ning bel ta rongo na mata e God, arlar ana tumtubuk tagun nating. A atong wakak teteki ana moromla pa a kabakiarla ning a nunung hom.

2 Timoti 2:24

A tena titol anuna Leklek gong i arlak, ir wakak a tena asaer. Ir tol a wakakna tetek a tarai rop, pa ir asangan anuna molmol a toltol tetek a tarai ning i atostos la.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

Taitus 1:1

Iau e Pol a tena titol oros ane God pa a aposel ane Iesu Karisito, sur ar nangan a tortorot ana tarai a aslang ane God, pa ar asaer la sur lar tasman a momolna. A momolna ning ir ben la sur lar mur a toltol ning e God i mang suri.

Taitus 2:14

I saran tar anuna lalaun sur dala, sur ir lou alangolango dala kusun anundala na toltol laulaula rop, pa ir atotoh pas dala, sur dala anuna tarai momol ot, dala a tarai ning dala mang kol sur dalar tol asaning i wakak.

Hibru 1:14

A angelola rop la na ingun, ning la titol tetek e God. I sune sen la sur lar nangan a tarai, la ning ir alaun la.

Tatatai 22:16

“Iau e Iesu, a sune sen anuka angelo suir saran a warwara talapor ne tetek mulo, a tarai a lotu ting na hananuala. Iau a wakir o e Dewit pa e tubuna, pa matlai ning i talapor kol.”