Aposel 25:23 - Label

²³ Ana pukakiar lamur, e Agripa pa e Bernaisi dia hanot pa di amermer diau ana urmatana minmar anuna leklek a tarai. Pa diau taum ana ningnigola anuna tarai a harum, pa dingla na ningnigola tagun a hanua ning, la kas uting na rumai a kiwung. E Festus i arsune sur e Pol, pa di ben pasi.

Aposel 25:23 ပူးပေါင်းရင်းမြစ်များ

A Wakak a Warwara o e Iesu Karisito i tumusi 6:21

E Herot i nuk pas a pukakiar ning di agoni ono, pa i tol a tnan ngasa. Io, e Herodias i nuk pas ning a ngas sur dir umkol e Jon. E Herot i tol a tnan ngasa sur a ningnigola tagun anuna matanitu, pa a ningnigola anuna tena harumla, pa ningnigola mitisa e Galili.

Aposel 12:21

Ana pukakiar ning e Herot i kubus tari tanla, i mermer pas ana kaenla anuna king, pa i kes tar ana keskes na king, pa i warwara tetek a tarai.

Aposel 25:13

Dingla na pukakiar lamur, King Agripa ditas ma e Bernaisi a hane, dia hanot tumo e Sisaria, sur diar saran a hanrawai tetek e Festus ana nuna keskes na ningnigo.

Aposel 26:30

Pa a king i kamtur, taum e Festus pa e Bernaisi, pa la otleng ning la kes taum.

Aposel 9:15

Ika a Leklek i atai i mange, “Ur han ka, anasa ia ka aslang tari sur i anuka tena titol, ir warwara talapor ana risak tetek a taraila ning bel a tarai Israel, tetek a kingla, pa tetek a tarai Israel otleng.

1 Korin 7:31

Pa la ning la titol ana ututnala ning kane lapiu, lar laun larning bel la nuknuk kol sur na ututnala ning. Anasa a rakrakan hanua ne dala laun onoi, ka rorom amon.

Jems 1:11

Pa a kamis i hanot taum ana laplapangna, i rang a rakai, pa sarna ir punga, pa a wakak a tatatai ono ir rop. Arlar ka otleng ana tena gongon, ir rorom ning ir molot ot ana nuna gongonla.

1 Pita 1:24

I arlar larning di ka tumus tari ting na Buk Tabu mang, “A taraila rop la arlar ka ana wulai, pa anunla na mermer i arlar ka ana purpur ning i sar. A wulai ir marang, pa a purpur ir punga,

1 Jon 2:16

Anasa a ututnala ning la kes ting na rakrakan hanua, larne a laulau a nuknuk ting na balandala, a ram sur a ututnala ning dala oroi, pa a toltol na iaunani ana gongon anundala pa anundala titol. A ututnala ning, bel i han miting ta e Tata, i hanot tagun a rakrakan hanua.