Aposel 22:14 - Label

¹⁴ Pa e Ananias i atai iau mange, ‘E God anuna tumtubundala nating ka aslang tar u, sur ur tasman anuna nemnem, pa ur oroi a Tena Tostos, pa ur longor anuna warwara miting na pahana.

Aposel 22:14 ပူးပေါင်းရင်းမြစ်များ

Jon 15:16

Bel mulo aslang pas iau, iau ot a aslang pas mulo. Pa a saran a titol ta mulo sur mulor han pa mulor wai, pa a waimulo ir kes tikin. Pa e Tata ir tabar mulo ana ututnala rop mulo nunung suri ana risak.

Aposel 13:17

E God anumila a tarai Israel i aslang pas na tumtubumila, pa i abereng pas la ning la kes tumo e Ijip, pa i ben purum pas la mitimo taum ana rakrakaina.

Aposel 22:15

Pa ur tena warwara talapor anunai tetek a taraila rop ana ututnala ne ning u ka oroi tari pa u ka longor tari.

Aposel 24:14

“Ar atai talapor u mang, iau a mur a Ngas ane Karisito, ning la atongi ana asasongo na lotu. Ika ana lotu ne, a lotu ot tetek e God anuna tumtubumila tagun nating, pa a tortorot ana ututnala rop ning di ka tumus tari ana Warkuraila pa ana bukla anuna propetla.

Aposel 26:16

Ur kamtur. A hanot tetek u, anasa a aslang pas u, sur ur tol anuka titol pa ur warwara talapor ana ututnala, u ka oroi tari hok, pa a ututnala otleng ning ar asangani tam.

Aposel 5:30

A God anuna nundala mangis a tarai tagun nating i akamtur ulak e Iesu, esaning mulo ka umkol tari saot na rakai kutus.

Aposel 7:52

Esi na propet ning anumulo a mangis a tarai tagun nating, bel la alaulau i? La umkol la, ning la warwara nigo ana tinan ot ute anuna Tena Tostos, ning mulo ka tuam tari, pa mulo ka umkol tari,

Aposel 9:15

Ika a Leklek i atai i mange, “Ur han ka, anasa ia ka aslang tari sur i anuka tena titol, ir warwara talapor ana risak tetek a taraila ning bel a tarai Israel, tetek a kingla, pa tetek a tarai Israel otleng.

Aposel 9:17

Lamur e Ananias i han, pa i kas ting na rumai ning e Sol i kes ia. I suah naur a kuna saot onoi, pa i atai i mange, “Tasiklik e Sol, a Leklek e Iesu, i ning i tur ot tetek u ting na ngas ning u han ute, i sune iau ute sur ur tai ulak, pa ur bukus ana Talngan Tabu.”

A Pas ane Pol tetek a tarai Rom 1:1

Iau e Pol, a tena titol oros ane Iesu Karisito, a tumus a pas ne tetek mulo. E God i kabah pas iau, sur ar aposel, pa i aslang pas iau sur ar warawai ana nuna Wakak a Warwara tetek a taraila.

1 Korin 11:23

Anasa a asaer ne a kibas pasi miting tana Leklek pa ka saran tari tetek mulo, i manglarne: Ana pukakiar ana morom ning di asobor tar a Leklek e Iesu, i kibas pas a bret.

1 Korin 15:3

Anasa a warwara ning ia ka kibas pasi, ia ka saran tari tamulo pa i itna kol. I manglarne: E Karisito i mat sur anundala na toltol laulau, larning di ka tumus tari ting na Buk Tabu.

1 Korin 15:8

Pa lamur tanla, i hanot tetek iau otleng, ning a arlar ana kaklik ning e tana i agon kapit tari, ning anuna kalang belot i sot.

1 Korin 9:1

Ia ka langolango. Iau a aposel. A oroi tar ot e Iesu anundala a Leklek. Anumulo a lalaun taum ana Leklek, i a wana tagun anuka titol.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

Galesia 1:12

Bel a kibasi tana tarai, pa bel otleng di asaer iau onoi. E Iesu Karisito ot i atalapori tak.

Galesia 1:15

Ika, ning belot di agon iau, e God ka aslang pas iau, pa ana nuna marmaris, i kabah pas iau. Pa i gas sur ir asangan e Iesu e Natnalik tetek iau, sur ar warawai onoi tetek a taraila ning bel a tarai Juda. Bel ta barsan i asaer iau onoi.

2 Timoti 1:1

Iau e Pol, a aposel ane Karisito Iesu ana nuknuk ane God, sur ar atatai ana lalaun ning ka lele tari tetek dala ning dala ane Karisito Iesu.

Taitus 1:1

Iau e Pol a tena titol oros ane God pa a aposel ane Iesu Karisito, sur ar nangan a tortorot ana tarai a aslang ane God, pa ar asaer la sur lar tasman a momolna. A momolna ning ir ben la sur lar mur a toltol ning e God i mang suri.

1 Pita 2:22

“Bel i tol tar ta toltol laulau, pa bel i atong tar ta asasongo na warwara.” Ais 53:9

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.