Aposel 20:29 - Label

²⁹ A tasmani, ning ar han kusun mulo, al tarai arlar ana lomlom a papla ning la ngalngaliah, lar kas tetek mulo, pa lar alaulau a kunum a sipsipla.

Aposel 20:29 ပူးပေါင်းရင်းမြစ်များ

Matiu 10:16

“Oroi, a sune sen mulo arlar ana sipsipla na arpotor tana ngalngaliah a papla. Mulor mananos wakak arlar ana soila, sur gong tik i ben rongon mulo, pa mulor tostos arlar ana tabunla, ning bel ta rongo kaning onla.

Matiu 7:15

“Mulor tumarang ana asasongo na propetla. La sira han tetek mulo ana wakak a gininla arlar ana sipsipla, ika tingia na balanla, la mang sur lar alaulau mulo arlar ana ngalngalia na papla.

Luk 10:3

Mulor han! Onone a sune sen mulo arlar ana nat a sipsipla ting na arpotor tana ngalngaliah a papla.

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

Jon 10:12

A barsan ning di lou i ka, bel a tena tai alar momol anuna sipsipla, pa a sipsipla bel anunai. Ning ir oroi pas ta ngalngaliah na pap ir hanot, ir liu ka kusun a sipsipla, anasa i titol ka sur a mani, pa bel i nuknuk sur a sipsipla. Pa a ngalngaliah na pap ir harat la pa ir lu sauran la.

Jon 21:15

Ning la ka hangan pas, e Iesu i deken e Saimon Pita mange, “Saimon, nat e Jon, u mang kol sur iau tanla ne?” I kelesi mange, “Momol, Leklek, u tasmani mang a mang sur u.” E Iesu i atai i mange, “Ur tabar anuk na tona sipsipla.”

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

1 Pita 5:2

Mulor tai alar a liur a sipsip ane God, ning di saran tari tetek mulo sur mulor tai alari. Gong mulo titol anasa a tarai ka la angongos tar mulo, mulor titol anasa mulo ot mulo mang sur mulor agasgas e God. Gong mulo titol ka sur a mani. Mulor titol ana tnan gasgas.

2 Pita 2:1

Ika nating na asasongo na propet la kes arpotor tana tarai Israel. Larka otleng ning na asasongo na tena asaer lar hanot arpotor ot ta mulo. Lar akas kumnan anunla na asasongo na asaer ning ir alaulau a tortorot, pa lar puain sen a Leklek ning ka lou pas la. Lar kibas kapit pas a hinirua.

A Pas ane Jut 1:18

La ka atong tari ta mulo mang, “Ana ararop a pukakiarla, al tarai lar atong laulau e God, pa lar mur a nuknukinla, ning bel i arlar ana nuknuk e God.”