Aposel 20:25 - Label

²⁵ “A tasmani mang mulo rop, ning a han taltal tetek mulo ana warawai ana matanitu ane God, bel mulor oroi ulak a matak.

Aposel 20:25 ပူးပေါင်းရင်းမြစ်များ

Matiu 10:7

Ning mulo han, mulor warawai amon larne, ‘A matanitu misaot na langit ka milau.’

Matiu 13:19

Esining i longor a warwara ana matanitu misaot na langit, pa bel i tastasmai onoi, i arlar ana pat a witla ning la punga ting na ngas. A barsan laulau i hanot pa i kibas sen a warwara ning di ka oman tari ting na balana.

Matiu 13:52

Pa e Iesu i atai la mang, “Na tena asaerla rop tagun a warkurai, ning la ka asaer pas ana matanitu misaot na langit, la arlar ana barsan ning i gon a wakak a ututnala ting na nuna rumai. Pa i apurum a wakak a ututnala ning, kusun anuna rumai sur ir titol onoi, dingla na utna, na tona, pa dingla otleng, na turaina.”

Matiu 4:17

Turpasi ana rau ning, e Iesu i warawai mang, “Mulor lingir a nuknukimulo, anasa a matanitu misaot na langit ka milau.”

Matiu 4:23

E Iesu i han taltal ting na papar Galili rop, pa i asaer a tarai ting na nunla na rumai a lotula. I warawai ana Wakak a Warwara ana matanitu misaot na langit. Pa i alangolango pas a taraila kusun a urmatana ngas a tinsamanla rop.

Luk 16:16

“A Warkuraila pa a asasaerla anuna propetla i tuk tar o e Jon. Turpasi ana pukakiarla ning, mila warawai ana Wakak a Warwara ana matanitu ane God pa a taraila rop la ngongos sur lar kas tingia.

Luk 9:60

E Iesu i atai i mange, “Ur noren sen a minatla lar por anunla na minatla. Ur han pa ur warawai ana matanitu ane God.”

Aposel 20:38

Pa a tarai la nuk lingir kol la, anasa ka atai tar la mang bel ma lar tai taum ulak. Pa lamur la tur tulani ting na ngas sur a sip.

Aposel 28:31

I warawai ana matanitu ane God, pa i asaer a tarai ona Leklek e Iesu Karisito, pa bel i matmataut, pa bel tik otleng i sairasi.

Aposel 8:12

Ika onone, a taraila pa gurarala la tortorot ana Wakak a Warwara ning e Pilip i warawai onoi, ana matanitu ane God, pa ana risana e Iesu Karisito, pa di baptais la.

A Pas ane Pol tetek a tarai Rom 15:23

Ika, onone anuka titol ka rop ana paparla ne. Ka galis a rau ana nuka tnan nuknuk sur ar oroi mulo.

Galesia 1:22

Ika a tarai a lotu ane Karisito tumo e Judia bel la tasman iau.

Kolosi 2:1

A mang sur mulor tasmani mang a titol rakrakai sur mulo pa a tarai Laodisia, pa la rop otleng ning bel mila arsongo pas.