Aposel 2:39 - Label

³⁹ Anasa a artabar ne ning e God ka lele tar ono, ir han tetek mulo, pa tetek na natnatum mulola, pa tetek la otleng ning la kes bakbak. Pa ir han tetek la rop, ning a Leklek anundala a God, ir kabah pas la teteki.”

Aposel 2:39 ပူးပေါင်းရင်းမြစ်များ

Aposel 10:45

Dingla na tena tortorot tagun a tarai Juda ning la armuri taum o e Pita, la kulkulan, mang e God i artabar otleng ana Talngan Tabu tetek a tarai ning bel a tarai Juda.

Aposel 14:27

Ning dia hanot, dia kabah taum pas a tarai a lotu, pa dia atai la ana ututnala rop ning dia toli taum ana rakrakai ane God. Dia atai la otleng mang e God ka tol a ngas tagun a tortorot tetek a tarai ning bel a tarai Juda.

Aposel 15:14

E Saimon i atai dala ana ningnigo na pukakiar mang e God i maris la ning bel a tarai Juda pa i ben pas dingla na tarai tagun la sur la anunai ot.

Aposel 15:3

A tarai a lotu la tur tulan la, pa la han potor naur a papar e Ponika pa e Samaria. Ning la han, la warwara amon tetek a tarai a lotu ting na hananuala, mang a tarai ning bel a tarai Juda la lingir a nuknukinla. Pa la ning la tas ana tortorot, la gas kol ning la longori.

Aposel 15:8

E God, ning i tasman a nuknuk a taraila rop, i asangani tetek dala mang i gasgas pas la ning bel a tarai Juda, ning i saran a Talngan Tabu tetek la, larning i sarani tetek dala.

A Pas ane Pol tetek a tarai Rom 11:29

E God bel i sira lingir a nuknukna kusun a tarai ning ka kabah pas la, pa bel i sira kibas ulak anuna artabarla kusun la.

A Pas ane Pol tetek a tarai Rom 8:30

Pa la ning e God ka aslang pas la, i kabah pas la. Pa la ning ka kabah pas la i atong la mang la tostos namatana. Pa la ning ka atong la mang la tostos namatana, i amermer la ana nuna matatar.

A Pas ane Pol tetek a tarai Rom 9:24

Esi la? Dala ot, ning ka kabah pas dala. Mila ning tagun a tarai Juda, pa mulo ning tagun a tarai masik otleng.

A Pas ane Pol tetek a tarai Rom 9:4

La a tarai Israel, ning e God i ras pas la sur la na natnatnala. I asangan tar anuna matatar tanla, i tol tar a kunubusla taum onla, i saran tar a Warkuraila tanla, i asangan tar la ana ngas na lotu momol, pa i lele tar tanla.

1 Korin 7:14

Anasa a barsan ning bel a tena tortorot, i ane God, anasa ana nuna hane ning i tortorot. Pa a hane ning bel a tena tortorot, i ane God, anasa ana nuna barsan ning i tortorot Ning bel, na natnatumulo lar dur. Ika, la ka totoh, la a tarai ane God.

Epeses 1:18

A nunung mang ir atalapor a ingumulo, sur mulor tasman a ututnala ning dala harnanai ana tortorot suri, ning e God i kabah pas dala sur dalar kibas pasi. A ututnala ning dala na tarai ane God, dalar kibas pasi, i itna kol pa i bukus ana matatar.

Epeses 2:12

Mulor nuk pasi mang, nating ning mulo kes masik ot kusun e Karisito, mulo bel a tarai Israel, pa a kunubusla ning e God i lele tar ono, bel anumuloi. Pa ana numulo a lalaun te na rakrakan hanua, bel mulo tasman e God, pa bel ta wakak a utna ning mulor harnanai suri ana tortorot.

Epeses 4:4

Dala rop dala takai a palaona e Karisito, pa takai ka a Talngan Tabu i kes ondala rop. Pa e God i kabah pas dala sur dalar takai ka ting na keskes harnanai ana tortorot sur a ututnala ning ir angis dala onoi.

2 Tesalonika 1:11

Ine a kamkamna ning mitol sira nunung o mulo. Mitol nunung tetek anundala God sur ir atong mulo mang mulo tostos sur mulor mur a ngas a lalaun ning i kabah pas mulo suri. Pa ana rakrakaina ir nangan mulo, sur mulor tolsot pas a wakak a titol ning mulo mang sur mulor toli, pa a toltolla rop ning anumulo a tortorot i tol otnani.

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

Hibru 9:15

Ine a kamkamna ning e Karisito i kes potor o e God pa anuna tarai pa i tol tar a tona kunubus, ning i dat taum tar la. I toli sur a tarai ning e God ka kabah pas la, lar angis tikin arlar ana nuna lele. E Karisito i lou langolango pas la ana sulukna, ning i mat onla. Anuna minat i alangolango pas la kusun anunla na toltol laulaula ning la sira toli, ning a ningnigo na kunubus kaning ot i kes.

1 Pita 5:10

Ika e God i a God na marmaris, pa o e Karisito i kabah pas mulo sur mulor kes taum onoi ana nun a matatar ning bel ir rop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai.

2 Pita 1:10

I maining na tastasik, mulor rakrakai sur mulor asangani ting na numulo a lalaun mang e God ka kabah pas mulo pa ka aslang pas mulo. Ning mulor toli larning, bel mulor punga,

2 Pita 1:3

Ana rakrakai e God, i tabar dala ana ututnala rop ning dala kapan suri, sur dalar laun wakak pa dalar tol a toltol ning e God i mang suri, anasa dala tasman e God, esaning i kabah pas dala, sur dalar kibas anuna matatar pa wakak a toltol anunai.

Tatatai 17:14

Lar harum taum ana Nat a Sipsip, ika a Nat a Sipsip ir tolsot pas la, anasa i a Leklek anuna leklekla, pa a King anuna kingla. Pa la ning ka aslang pas la pa ka kabah pas la pa la tortorot momol teteki, lar tolsot taum onoi.”

Tatatai 19:9

Pa angelo i atai iau mang, “Ur tumusi larne: La ning di atai pas la sur a ngasa na tinaulai ana Nat a Sipsip, la angis!” Pa i atongi otleng mang, “Na warwara ne na momol a warwara ot ane God.”