Aposel 18:21 - Label

²¹ Pa ning la han sarara, i atai la mange, “Ning a nemnem ane God, io, ar ulak tetek mulo.” Pa i han mito e Epeses ana sip.

Aposel 18:21 ပူးပေါင်းရင်းမြစ်များ

Matiu 26:39

I han siklik tar usa lanigo, i punga tuntudu tar ting na piu, pa i nunung mang, “Tata, ngandek ning ir sot, ur kibas sen a kap a mamahat ne kusun iau. Ika gong u mur a nuknukik, ur mur ot a nuknukim.”

A Wakak a Warwara o e Iesu Karisito i tumusi 6:46

Ning a tarai la ka han sarara, e Iesu i han usaot na mangir sur ir nunung.

Luk 9:61

Ning ulak, i atai e Iesu mange, “Leklek, ar mur u, ika ur noren tar iau kaba sur ar han, pa milar tai taum pas onla ting na nuka rumai.”

Aposel 15:29

Gong mulo ien ta utna ning di artabar ono tetek a asasongo na godla. Gong mulo ien ta utna ning bel di gos wakak a suluk kusuni, pa ta inagoi ning di pos koli ka, anasa a suluk kaning ot ono. Pa gong mulo tol a toltol laulau ana tik. Ir wakak kol tetek mulo ning bel mulor tol a ututnala ne. Ai ka i ning, marmaris tetek mulo.

Aposel 18:19

Ning a sip i sot to e Epeses, e Pol i han kusun diau tingia, pa i kas uting na rumai lotu, pa la warwara taum ana tarai Juda.

Aposel 18:20

Ning la nunungi sur ir kes bongnani al siklik taum onla, bel i longor.

Aposel 18:24

Ning a te Juda mito e Aleksandria, a risana e Apolos, i hanot to e Epeses. I ning a wakak a tena warwara, pa i tastasman kol ana Buk Tabu.

Aposel 19:1

Ning e Apolos i kes ting e Korin, e Pol i mur a ngas bual pa i hanot to e Epeses, pa i pastek pas dingla na tarai a asasaer tingia.

Aposel 19:17

A warwara ana utna ne, i hanot tetek a tarai Juda pa a taraila ning bel a tarai Juda ning la kes to e Epeses, pa la matmataut rop, pa la hanrawai a risan a Leklek e Iesu.

Aposel 19:21

Ning a ututnala ne ka rop, e Pol i mang sur ir han usaot e Jerusalem, pa ir bolos ana papar Makedonia pa a papar Akaia. Pa i atongi mange, “Ning ia ka han pas saot e Jerusalem, ar han kale uto e Rom.”

Aposel 20:16

E Pol ka warkurai tari mang ir bolos sen ka e Epeses, sur gong i molot to na papar Esia, anasa i mang sur ir han kapit usaot e Jerusalem ngandek sur ir kes tisaot ana pukakiar a Pentikos.

Aposel 21:14

Ning mila tolpanai sur milar sairasi, mila manah kama, pa mila atongi mange, “I wakak ning dir tolsot pas a nemnem anuna Leklek.”

Aposel 21:29

La atongi larne anasa nating, la ka oroi tar diau ma e Tropimus, a te Epeses, tumo lahanua, pa la nuki mang e Pol i ben kas pasi uting na rumai a artabar.

A Pas ane Pol tetek a tarai Rom 1:10

ana nuk a nunungla ana taemla rop. A nunung otleng mang, ning a nuknuk ot ane God, ngandek ono bot ne ir sapang anuka ngas sur ar han tetek mulo.

A Pas ane Pol tetek a tarai Rom 15:32

Ning a nuknukna e God ar hanot tetek mulo ana gasgas, par manah taum o mulo sur ar kibas ulak pas a rakrakai.

1 Korin 15:32

Ngandek ning a harum taum ana rokoio na tarai te e Epeses sur ar tol sot pas a nuknukik ka, i nangan mangmangasa iau? Ning na minat bel lar kamtur ulak kusun a minat, dalar mur a warwara anunla ning la sira atongi larne, “Dalar hangan pa dalar gang, anasa latu dalar mat.” Ais 22:13

1 Korin 16:7

Bel a mang sur ar han tetek mulo onone, par tur pas ka napirimulo ana nuk a tinan. Ning a Leklek ir malmaling pas iau, a mang sur ar kes bongnan pas iau ot napirimulo.

1 Korin 16:8

Ar kes te e Epeses tuk ana Pukakiar a Pentikos,

1 Korin 4:19

Ika, milau ma ar ulak tetek mulo, ning ot a Leklek ir mang. Ning ar hanot, bel ar talapor ka ana warwara anuna tarai ning la dat abarah a pukulunla. Ar talapor otleng ana rakrakai ning la titol onoi.

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.

Epeses 1:1

Iau e Pol, aposel ane Karisito Iesu ana nuknuk e God. A tumus a pas ne tetek mulo a tarai ane God, ning mulo kes tingia e Epeses, ning mulo na momol a tena tortorot o e Karisito Iesu.

Hibru 6:3

Dalar han usa lanigo ning e God ir malmaling.

Jems 4:15

Ika, i wakak sur mulor atongi larne, “Ning a nuknuk a Leklek, milar laun pa milar toli larne o larning.”

1 Pita 3:17

Ning mulor kilang a kankan, anasa mulo tol a laulauna, i wakak ka. Ika i wakak kol ning mulor kilang a kankan ana wakak a titol ning mulo toli, ning e God i mang suri.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 2:1

“Ur tumtumus tetek a angelo anuna tarai a lotu tumo e Epeses mang: Na warwara ne anun esaning i tong mais a nangnang ana sot a kuna, pa i han potor ting na mais a turtur a lam na gol.