Aposel 16:14 - Label

¹⁴ Ning a halinla ning la longor mila a risana e Lidia, a hane mitimo e Tiatira, a tena siuran kubar a kaen pa a tena lotu tetek e God. Pa a Leklek i lingir anuna lalaun sur ir longor ana warwarala ning e Pol i atongi.

Aposel 16:14 ပူးပေါင်းရင်းမြစ်များ

Luk 24:45

Pa e Iesu i atalapor a nuknukinla sur lar tastasmai ana Buk Tabu.

Jon 12:20

Dingla na tarai Grik otleng la han usaot e Jerusalem ana lotu na Han Lakai, sur lar lotu.

Aposel 10:2

E Konilius pa la rop ning la kes ting na nuna rumai la na momol a tena lotula pa na tena hanrawai tetek e God. E Konilius ning a tena artabar tetek a kapan a tarai, pa a pukakiarla rop i nunung tetek e God.

Aposel 11:21

A rakrakai ana Leklek i kes onla ning la warwara talapor, pa galis kol la tortorot pa la lingir a nuknukinla tetek a Leklek.

Aposel 13:43

Ning a tarai la han sarara kusun a rumai lotu, a galis a te Juda pa dingla na tarai masik ning la kas ana lotu Juda pa la lotu ana momolna, la mur e Pol pa e Barnabas. Dia warwara tetek la, pa dia arakrakai la, sur lar tur rakrakai ana marmaris ane God.

Aposel 13:50

Ika a te Judala, la akutkut balana ningnigo na gurarala ning na tena hanrawai tetek e God, pa a ningnigo na tarai otleng tagun a hanua ning. La akutkut balan dingla otleng, sur lar balakut tetek e Pol pa e Barnabas, pa la alulu sen diau kusun anunla papar.

Aposel 16:40

Pa ning dia ka han kusun a rumai a dodot, dia han sur a rumai ane Lidia. Pa dia oroi la ning la tas ana tortorot tingia. Dia wunan tar la, lamur dia han kusun a hanua.

Aposel 18:7

Pa i purum kusun a rumai lotu, pa i kas uting na rumai anuna ning a barsan, a risana e Titius Jastus, a tena lotu tetek e God, pa anuna rumai i tur milau a rumai lotu.

Aposel 8:27

Pa e Pilip i kamtur, pa i han. Pa dia arsongo taum ana ning a barsan mitimo e Itiop, a ningnigo na tena tai alar ana ututna anuna Kandake, a kwin anuna tarai Itiop. A barsan ne i han usaot e Jerusalem pa i lotu tetek e God.

A Pas ane Pol tetek a tarai Rom 9:16

I maining, ning e God i aslang pas a taraila, bel i kamkamna ana nuknukinla pa ana ta titol ning la toli. Anuna aslang i kamkamna ot ana nuna marmaris.

Pilipai 2:13

Anasa e God ot i titol ana numulo a lalaun, sur mulor mang sur asaning ir gas ono, pa mulor toli otleng.

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 3:20

Oroi, a tur ting na taman pa a pinpidir. Ning tik ir longor a elngek pa ir sapang a taman, ar kas teteki, pa ar hangan taum onoi, pa i, ir hangan taum hok.

Tatatai 3:7

“Ur tumtumus tetek a angelo anuna tarai a lotu tumo e Piladelpia larne: Na warwara ne anun esaning i tostos, pa i momol. I tong a ki ane Dewit, pa ning ir sapang a taman, bel tik ir tagar lar pasi, pa ning ir tagar, bel tik ir sapang lar pasi.