Aposel 12:17 - Label

¹⁷ Pa i sairas la ana kuna, sur lar kes longoroi, pa i atai la mang a Leklek i ben purum mangmangasa pasi kusun a rumai a dodot. Pa i atai la mang, “Mulor atai e Jems pa na tastasindala ana tortorot ana utna ne.” Pa i han kusun la sur ning a hanua masik.

Aposel 12:17 ပူးပေါင်းရင်းမြစ်များ

Matiu 10:23

Ning lar alaulau mulo ting na ta hanua, mulor liu uting on ta hanua masik. A atong momoli ta mulo, ning bel mulor han rop ot uting na hananuala te e Israel, a Nat a Barsan ir hanot.

A Wakak a Warwara o e Iesu Karisito i tumusi 6:3

I a tena tol rumai ka, a nat e Maria. Na tastasna otleng, e Jems, Josep, Judas pa e Saimon, pa na tastasna hane kanet ka dala laun taum.” Pa bel la gas ono.

Luk 1:22

Ning i purum, bel i warwara lar pasi tetek la. Pa la tasmani mang e Sekaria ka oroi tar ta tatatai ana rumai a artabar, anasa i akinalang kama tetek la ana naur a kuna.

Jon 10:40

E Iesu i kotop ulak a malum Jodan sur a pukna ning e Jon i sira baptais nigo ono, pa i kes tingia.

Jon 11:54

Suri ma i ning e Iesu bel ma i taltal namatanla. I kamtur mitingia, sur a hanua Epraim milau a hanua bel, pa la kes tingia taum ana nuna kakak a asaerla.

Jon 13:24

E Saimon Pita i apit kilang pas a kaklik asasaer ning pa i atai i mange, “Ur deken e Iesu mang esi na halindala ning i warwara onoi.”

Jon 7:1

Lamur e Iesu i taltal ana hanhanuala tumo e Galili. Bel i mang sur ir taltal saot ana papar Judia, anasa dingla na Juda la sang sur lar umkoli.

Jon 8:59

Ning e Iesu i atongi larne, la los pas a hatatla sur lar woloti, ika i mumun pa i han kusun a rumai a artabar.

Aposel 1:15

Ona ning a pukakiar na arpotor tana pukakiarla ning, a tena tortorotla la kes taum, la rop la arlar ana takai amar pa pisir naur a bonot. E Pita i tur pa i atongi mang,

Aposel 12:16

Ika e Pita i pinpindir ngongos, pa ning la sapang pa la oroi i, la kulkulan onoi.

Aposel 12:18

Ana kobot a tena harumla la tai sur e Pita pa a nuknukinla i loklokron mang kanaha i ma.

Aposel 13:16

E Pol i tur, pa i sairas la taum ana kuna sur lar kes longoroi, pa i atongi mange, “A tarai Israel, pa mulo a tarai masik otleng ning mulo lotu tetek e God, mulor longor iau.

Aposel 15:13

Ning dia manah na warwara, e Jems i atongi mang, “Na tastasikla, mulor longor iau.

Aposel 16:40

Pa ning dia ka han kusun a rumai a dodot, dia han sur a rumai ane Lidia. Pa dia oroi la ning la tas ana tortorot tingia. Dia wunan tar la, lamur dia han kusun a hanua.

Aposel 19:33

A tarai Juda la sugut otnan e Aleksander tetek a kunum a tarai, pa la ben pasi usalanigo. Pa dingla la atai i ana sa ning ir atongi. E Aleksander i sairas la ana kuna, sur lar kes longoroi, pa i mang sur ir atalapor i ot namatana tarai.

Aposel 21:18

Ana pukakiar lamur, mila ma e Pol, mila han sur milar oroi e Jems. Pa a ningnigola rop tagun a lotu la kaning ma.

Aposel 21:40

Ning a tnan ningnigo ka malmaling tar e Pol, i tur ting na leta na rumai, pa i sairas la ana kuna. Ning la tur longoroi, i atai la ana warwara Hibru mange,

Aposel 28:15

La ning la tas ana tortorot tingia, la longor a warwara omila, pa la han barat mila tumo na hanua na sisiurai di atongi e Apius, pa tumo ana hanua di atongi Natol a Rumai a Borbor. Ning e Pol i oroi pas la, i atong wakak tetek e God, pa a ututnala ning i arakrakai anuna lalaun.

1 Korin 15:7

Pa lamur i hanot tetek e Jems, pa lamur tetek na aposel rop.

Galesia 1:19

Bel a oroi ta aposel otleng, e Jems ka a tas a Leklek.

Galesia 2:12

E Jems i sune dingla na tarai Juda ning la torotorot o e Karisito utumo e Antiok. Lanigo ana tinan ot anunla, e Pita i sira hangan oros ka taum ana taraila ning bel a tarai Juda. Ika ning la hanot, i kes masik kusun la ning bel a tarai Juda, pa bel ma i hangan taum onla. Anasa i matatan a tarai Juda ning la mang sur dir kot talilis a tarai a lotu rop.

Galesia 2:9

E Jems, Pita pa e Jon, ning a tarai la tasmani mang natola a ningnigo, ditol oroi lalan a marmaris ning e God i tabar iau ono, pa ditol sikan miau ma e Barnabas sur miar titol. Ditol malmaling sur miar han tetek a taraila ning bel a tarai Juda, pa ditol, ditol ar han tetek a tarai Juda.

Jems 1:1

Iau e Jems, a tena titol oros ane God pa a Leklek e Iesu Karisito, a tumus a pas ne tetek mulo, ning a bonot pa naur a mangis a tarai Israel, ning mulo kes sarara arpotor tana tarai miting na matanitula. A marmaris tetek mulo.