Aposel 11:27 - Label

²⁷ Ana taem ning, dingla na propet la han misaot e Jerusalem utumo e Antiok.

Aposel 11:27 ပူးပေါင်းရင်းမြစ်များ

Matiu 23:34

I maining, ar sune sen a propetla, na tena tastasmai, pa na tena asaer tetek mulo. Al tarai tagun la, mulor umkol la, pa al tarai, mulor sai ahat la saot na rakai kutusla, pa al tarai otleng, mulor miras la ting na numulo na rumai lotu, pa mulor lu sen la kusun anumulo na hananuala, pa lar liu uting na hananua masik.

Luk 11:49

I ma ining, e God, esaning i tastasman kol, i atongi mang, ‘Ar sune a propetla pa a aposella tetek a tarai, pa a tarai lar umkol halala tagun la, pa al tarai otleng lar akadik la.’

Aposel 11:20

Ika dingla na tarai tagun a tarai a lotu ning, a tarai Saiprus taum ana tarai Sairini, la hanot tumo e Antiok pa la atai a tarai ning bel a tarai Juda otleng ana Wakak a Warwara ona Leklek e Iesu.

Aposel 11:22

Ning a tarai a lotu saot e Jerusalem la longor a warwara ne, la sune e Barnabas utumo e Antiok.

Aposel 13:1

A propetla pa a tena asaerla tagun a tarai a lotu tumo e Antiok a risanla ne: e Barnabas, e Simion ning a risana otleng e Niger, pa e Lusius a te Sairini, e Sol pa e Manain ning di lawat taum diau ma e Herot a ningnigo.

Aposel 14:26

Dia kas ana sip mitimo e Atalia sur uto e Antiok. E Antiok a hanua ning a tena tortorotla la saran tar diau ana marmaris ane God, sur a titol ne dia ka arop tari.

Aposel 15:22

A aposella, pa dingla na ningnigo, taum ana tarai a lotu rop, la warwara taum sur lar aslang pas ir naur a barsan tagun la, sur diar han taum o e Pol pa e Barnabas utumo e Antiok. La aslang pas e Judas, ning a risana otleng e Barsabas, pa e Sailas, naur a ningnigo tagun la ning la tas ana tortorot.

Aposel 15:30

Di sune sen la pa la han utumo e Antiok. Pa la kabah taum pas a tarai a lotu, pa la saran tar a pas ning tanla.

Aposel 15:32

E Judas pa e Sailas dia wunan la pa dia arakrakai la ning la tas ana tortorot ana galis a warwara, anasa diau naur a propet.

Aposel 18:22

Ning i sot to e Sisaria i han usaot e Jerusalem pa i oroi tar a tarai a lotu, pa lamur i han uto e Antiok.

Aposel 2:17

‘E God i atongi mange: Ana ararop a pukakiarla ar saran purum a Inguk tetek a taraila rop. A natnatumulola, a taraila pa gurarala, lar warwara na propet. Anumulo na barmanla lar oroi a tatataila, pa anumulo na bun lar resnan a reresala.

Aposel 21:4

Ning mila pastek pas a tarai a asasaer tingia mila kes pas a mais a pukakiar taum onla. Pa a Talngan Tabu i anuknuk la ana warwara mang, e Pol gong i han usaot e Jerusalem.

Aposel 21:9

A barsan ne, diat a nat na hane, ning bel la taulai pa la sira warwara na propet.

Aposel 6:5

Pa la rop la gas ana warwara ne. Pa la aslang pas e Stiwen, a barsan ning i bukus ana tortorot pa a Talngan Tabu. Pa la aslang pas otleng e Pilip, e Prokorus, e Nikano, e Timon, e Pamenas, pa e Nikolas, a barsan mitimo e Antiok ning bel a te Juda, ika i kas ana lotu Juda.

1 Korin 12:10

Pa i tabar takai otleng ana rakrakai sur ir tol a ututnala na kulkulan, pa takai otleng ana warwara na propet. Pa i tabar takai otleng ana tastasim sur ir tasman lalan a Talngan Tabu pa na ingun masik otleng, pa takai otleng ana tastasim sur ir warwara ana urmatana ngas a warwara, pa takai otleng ana tastasim sur ir pak a kama urmatana ngas a warwara.

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

1 Korin 14:32

A warwara na propet i kes nahai a warkurai anuna propet ot.

Galesia 2:11

Ning e Pita i hanot tumo e Antiok, a atai matana ot ana utna ning i toli, anasa i ka rongo.

Epeses 4:11

I ot ning i saran a artabarla ning tetek anuna taraila larne: a aposella, a propetla, na tena warwara talapor ana Wakak a Warwara, a tena tai alarla, pa a tena asaerla,