3 Jon 1:4 - Label

⁴ Ana nuk a longlongor mang na natnatuk la laun ana momolna, a gas kol, pa bel ta utna ulak ir aleklek anuka gasgas.

3 Jon 1:4 ပူးပေါင်းရင်းမြစ်များ

2 Korin 6:13

A warwara tetek mulo arlar larning a warwara tetek na natnatukla: Mulor mang sur mila ana balamulo rop.

Galesia 2:14

Ning a oroi a utna ne la toli, bel i mur a momolna ana Wakak a Warwara, a atai e Pita namatanla rop mang, “Pita, u a te Juda, ika u laun arlar ana taraila ning bel a tarai Juda, ning u kes pa u hangan taum onla. Asa kamkamna ning u angongos a taraila ning bel a tarai Juda sur lar mur a toltol anuna tarai Juda?

Galesia 4:19

Na natnatukla, a kilang ulak a kankan sur mulo arlar ana hane ning i agon. Ar kilangi tuk mulor arlar o e Karisito.

1 Tesalonika 2:11

Mulo tasmani mang anumitol a toltol tetek mulo rop taktakai i arlar ana toltol ning a barsan i toli tetek na natnatnala.

1 Timoti 1:2

A tumus a pas ne tetek u e Timoti, a natuklik momol ana tortorot. A marmaris pa a wakak a toltol taum ana bal molmol, ta e God a Tamandala pa e Karisito Iesu anundala Leklek, ir kes taum hom.

2 Timoti 1:2

A tumus a pas ne tetek u Timoti a wakak a natuklik ana tortorot. A marmaris pa a wakak a toltol pa a bal molmol, miting ta e God a Tamandala pa e Karisito Iesu anundala Leklek ir kes tetek u.

Pilimon 1:10

A nunung u sur ur malmaling pas e Onesimus, a natuklik ana tortorot. Iau e tamana, anasa a warwara talapor o e Karisito teteki ning i kes ting na rumai a dodot pa i tortorot.

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

2 Jon 1:4

A gas kol ning a longori mang na natnatum la mur a momolna, arlar ana warkurai e Tamandala ka saran tari tetek dala.