2 Timoti 4:21 - Label

²¹ Ur rakrakai sur ur han ute ning belot a kalang a kotkoto. E Ubulo, Puden, Linus, Kaludia pa na tastasindala rop ana tortorot, la saran anunla marmaris tetek u.

2 Timoti 4:21 ပူးပေါင်းရင်းမြစ်များ

Luk 12:58

Ning tik ir suah tar u ana warkurai, ur rakrakai sur mur bal taum ting na numu a tinan, sakana ir dat pas u tetek a tena warkurai, pa a tena warkurai ir saran tar u tetek a polis, pa a polis ir akas u uting na rumai a dodot.

1 Korin 16:20

Na tastasindala rop la saran anundala a marmaris tetek mulo. Ning mulo arpastek, mulor mang artalai sur mulo ana argoro a marmaris taum ana totoh a toltol.

2 Korin 13:13

A taraila rop ane God ning la kes taum hok la saran anunla na marmaris tetek mulo.

Pilipai 4:22

Na tarai ane God la rop la saran anunla na marmaris tetek mulo, pa a tarai ane God ning la kes ting na rumai anuna Sisar la otleng la saran anunla na marmaris tetek mulo.

2 Timoti 1:4

A nuk pas u kale ning u domos iau, pa a mang kol mang ar oroi u sur ar bukus ana gas.

2 Timoti 4:13

Ning ur han ute, ur los anuka kaen na polpol, kaning a han kusuni napire Karpo to e Troas. Ur los otleng anuka bukla, pa gong u duman dingla onla ning di toli ana palaona inagoila.

2 Timoti 4:9

Ur rakrakai sur ur han kapit tetek iau,

Taitus 3:12

Ning ar sune sen e Artemas tetek u, o ar sune e Tikikus, ur rakrakai sur ur han tetek iau tumo e Nikopolis, anasa ar kes nanan sen na kalang a kotkoto tumo.

2 Jon 1:13

Na natnat a tasimhane ning e God ka aslang pasi, la saran anunla marmaris tetek u.

3 Jon 1:14

Ika a nuki mang ar pastek u par awara u.