2 Timoti 3:5 - Label

⁵ Lar mur a toltol ning e God i mang suri ana palaonla ka, ika bel lar noren a rakrakai ane God sur ir keles a lalaun anunlai. Ur han masik kusun a ngas a tarai larne.

2 Timoti 3:5 ပူးပေါင်းရင်းမြစ်များ

Matiu 7:15

“Mulor tumarang ana asasongo na propetla. La sira han tetek mulo ana wakak a gininla arlar ana sipsipla, ika tingia na balanla, la mang sur lar alaulau mulo arlar ana ngalngalia na papla.

Epeses 4:14

I maining bel ma dalar arlar ulak ana kakakla ning nunla tortorot i maler, arlar ana utna ning a wuwu taum ana top i minggen taltali utumo pa ute. Bel dalar mur a asasaerla anuna tena asasongola, ning la mang sur lar ben rongon a taraila taum ana nunla na namnamin a warwarala.

2 Tesalonika 3:14

Ning tik bel i longor ana numitol a warwara ana pas ne, mulor nuk akesi. Gong mulo lasan taum onoi, sur ir oroi lalan anuna lalaun pa ir meme onoi.

2 Tesalonika 3:6

Na tastasimitol, mitol nunung mulo ana risana Leklek e Iesu Karisito, sur mulor han masik kusun na tastasindala ning la ngoro pa bel la mur a asasaerla ning mitol atai mulo onoi.

1 Timoti 4:7

Ur han masik kusun a asasaer orosla ning bel i topas al utna. Ur alasan u sur ur gomo ana ngas a lalaun ning e God i mang suri.

1 Timoti 4:8

Ning dala alasan a palaondala ana ngas a urmatana mon, i nangan a palaondala, ika ning dala alasan dala sur dalar gomo ana toltol ning e God i mang suri, i wakak kol tana ututnala rop. I nangan a lalaun ne pa a lalaun lamur otleng.

1 Timoti 5:8

Ning tik bel i nangan a mainala, pa la otleng ning ana nuna rumai, ka han masik kusun a tortorot. I ning i laulau kol tana tarai ning bel la tortorot.

1 Timoti 6:5

A nuknukinla i loklokron pa la balakut artalai tetek la, pa a momolna i rop oros kusun la. La nuki mang ning lar mur a toltol ning e God i mang suri, ir tol otnan a mani sur lar losi.

2 Timoti 2:16

Ur han masik kusun a warwarala ning bel i sot ana nuknuk e God, anasa a tarai ning la molot ana asasaer larning la ka han bakbak kol kusun e God pa la han amon ot.

2 Timoti 2:23

Ur han masik kusun a kutkut a warwarala ning bel ta kamkamna, anasa la agomo ka a arlak.

Taitus 1:16

La atongi mang la tasman e God, ika anunla a titolla ot i apuasa i mang bel la tasmani. La na laulau a tarai kol, a tabun longorla, pa bel lar tol lar pas ta wakak a titol.

Taitus 3:10

Ning tik ir sira pangpagal a tarai a tortorot, ur atumarangi. Ning bel ir longor, ur atumarang ulaki. Ning bel ir longor, ur han masik kusuni.