2 Timoti 3:2 - Label

² A tarai lar nuk pas la ot, lar mang sur a mani, lar rakan aleklek la, lar aitna pas la ot, lar arle tetek e God pa tetek a taraila otleng, lar tabun longor tetek a tamtamanla taum ana kabatnanla, bel lar lasan sur lar atong wakak tetek e God pa tetek a tarai otleng, pa bel lar hanrawai e God.

2 Timoti 3:2 ပူးပေါင်းရင်းမြစ်များ

Matiu 15:6

Ika ning bel i nangan e tamana, bel i hanrawai i. Ning mulo toli larning, mulo anatarna pas a warwara ane God sur mulor mur ka a asaerla ana numulo na tarai tagun nating.

Luk 12:15

Pa i atai la, “Mulor nuk pasi, pa mulor tai alar mulo kusun a nuknuk ana galis a gongon, anasa a lalaun anuna tik bel i kamkamna ana nuna galis a gongon.”

Luk 16:14

A Parisaiola la longor a warwarala ne, pa la morot o e Iesu, anasa la mang sur a mani.

Luk 6:35

Ika mulor mang sur anumulo na hirua, pa mulor tol a wakakna tetek la. Pa ning a tarai lar mang sur lar kibas pas ta utna kaba ta mulo, mulor sarani ka tanla, pa gong mulo mang sur lar kelesi. Ning mulor toli larning, anumulo a arlou ir itna kol, pa mulo a natnat e God i Leklek Kol, anasa i mang sur la ning bel la sira atong wakak teteki, pa a tena laulaula otleng.

Aposel 5:36

Dingla na rau nating e Teudas i hanot, pa i iaunani mang i itna, pa galis a tarai, ngandek i arlar ana diat a mar, la muri. Ika ning di umkoli, la rop ning la muri la han sarara, pa anuna titol i rop oros ka.

A Pas ane Pol tetek a tarai Rom 11:18

Gong mulo iaunan mulo ning mulo oroi a rakrakana ning di ka kuben tar la. Mulo tasmani mang a wakir a rakai ot i saran a lalaun tana rakrakana, bel a rakrakanala la saran a lalaun tana wakirna. I arlar o mulo, e God i saran a lalaun tetek mulo kamna ana tarai Israel.

2 Korin 5:15

I mat sur dala rop, sur dala ning dala laun gong dala laun sur dalar agasgas pas dala ot. Dalar laun sur e Karisito, esaning i mat sur ir alaun pas dala, pa i kamtur ulak kusun a minat.

Pilipai 2:21

Anasa a tarai rop la nuk pas la ot pa a nunla na titol, pa bel la nuk pas e Iesu Karisito pa anuna titol.

Kolosi 3:5

I maining mulor umkol a toltol laulaula mite lapiu ning kaning na lalaun anumulo. A ututnala ning ine: a pamuk a toltol, a dur a toltol, a nuknuk sur asaning a palaondi i mang suri, a nuknuk sur a toltol laulaula pa a nuknuk sur a galis a utna na gongon. A nuknuk sur a galis a utna na gongon, i ning a lotu tetek a asasongo a godla.

2 Tesalonika 2:4

Ir harum na warwara ana ututnala rop ning a tarai la atong la mang a godla pa la lotlotu tetek la, pa ir aitna pas i ot, pa ir kes ana rumai a artabar ane God, pa ir atatai onoi mang i ot e God.

1 Timoti 1:20

E Himeneus pa e Aleksander naur a halinla, ning ia ka saran tar diau na kuna e Satan, sur diar tastasman mang gong ulak ma dia atong laulau e God.

1 Timoti 1:9

Dala tasmani mang a Warkuraila bel di sarani sur a tena tostos. Di sarani ka sur a ngas a taraila mange: la ning la kutus warkurai, a tabun longorla, la ning bel la lotu tetek e God, a tena tol laulaula, la ning bel la mur a nuknuk e God, la ning la mur a toltol mite na rakrakan hanua, la ning la umkol a taraila, pa la ning la umkol na tamtamanla pa na kabatnanla,

1 Timoti 3:3

Pa gong i a tena gang, gong i a tena harum, ir tena bal molmol, gong i tena arlak, pa gong i mang kol sur a mani.

1 Timoti 6:10

Anasa a nuknuk sur a mani, i a kama urmatana toltol laulau. Pa dingla na tarai ning la nuknuk kol suri, la ka han masik kusun a tortorot, pa la alaulau anunla lalaun ana galis a mamahat.

1 Timoti 6:4

a ngas a barsan ning, i aitna pas i ot, pa bel i tasman ta utna. Anuna laulau a nuknuk sur a arlak pa a harum na warwara i arlar ana tinsaman teteki. Naur a toltol ne i tol otnan a toltol ne: a toltol ning tik i ram sur a utna anuna tik, a harum na warwara, a arle, a nuknuk laulau ana taraila.

2 Timoti 3:4

Lar alaulau ulak na halalinla, lar tol a kutkut a toltolla, lar aitna pas la, lar mang kol sur a gasgas mite na rakrakan hanua, pa bel lar mang sur e God.

Jems 2:8

Mulor tolsot pas a warkurai ning e God, a king, i saran tari, ting na Buk Tabu. I atongi larne, “Ur mang sur a halim larning u mang sur u ot.” Liwai 19:18 Ning mulor toli larne, mulo tol a tostosna.

Jems 4:16

Ika anone, mulo ka iaunan pas mulo pa mulo aitna pas mulo ana anumulo na warwara. A toltol larning i laulau.

Jems 4:6

Ika e God i saran tar a marmaris ning i itna kol tandala. I maining a Buk Tabu i atongi larne, “E God i anatarna pas la ning la sira aitna pas la, ika i maris la ning la sira anatarna pas la.” Sindaun 3:34

1 Pita 5:5

Mang otleng larning, mulo na barman, mulor sira anatarna pas mulo tetek la ning la nigo ta mulo. Mulo rop mulor anatarna pas mulo artalai, esaning anumulo a wakak a mermer. Anasa a Buk Tabu i atongi mang, “E God i nget esining i aitna pasi ot, pa i maris esining i anatarna pasi.”

2 Pita 2:10

Pa a Leklek ir warkurai rakrakai la ning la mur na dur a toltol ana lalaun turai, pa la nget anuna warkurai. Na asasongo na tena asaer ning bel la matmataut ana ta utna, la nuk aitna pas la ot. Bel la matmataut ning la atong laulau na akakes ning kanisaot na langit.

2 Pita 2:12

Ika na asasongo na tena asasaer ne, la arlar ana rokoio na inagoila, ning bel ta mananos, pa la mur ka asaning a palaonla i mang suri, pa di agon la ka sur dir tong akes la pa dir um kol la. La atong laulau ka na ututna ning bel la tasmani. Pa lar hirua arlar ana rokoio na inagoila.

2 Pita 2:18

La aitna pas la ana warwarala oros ka, pa la alam a taraila sur lar mur a pamuk a toltol ana lalaun turai. Ana ngasna ne, la alam a taraila ning belot i bongnan la anunla tinan masik kusun a tena laulaula.

2 Pita 2:3

Ana nunla na tnan nuknuk sur a mani, lar asongo tar mulo ana namnamin a warwara oros ka, sur lar kibas anumulo na mani. Ika anunla warkurai na arkeles, tagun nating ot i ka sang pa bel i borbor, pa milau ir hanot.

A Pas ane Jut 1:16

A tarai ne, la na tena abereng wara pa na tena linglingir. La mur a laulau a nuknukinla, pa la aitna pas la ot. La amoro pas ka a tarai ana anunla na namnamin a warwara, sur lar kibas ta utna kusun la.

Tatatai 13:1

Lamur a oroi pas a rokoio a inagoi i burak ot miting na puka tasi. Ning a bonot a komna, pa mais a pukulna, pa ning a bonot a kukuh na king i kes saot na komna. Pa ana taktakai pukulna, di ka tumus tar na risana ning i atong saksakan e God onoi.

Tatatai 16:11

pa la atong saksakan e God ning i kes saot na langit, anasa ana tnan kankan pa na laulau a masik kaning na palaonla, ika bel la lingir a nuknukinla kusun anunla na toltol laulaula.

Tatatai 16:21

A tnan kiar a ais, taktakai tutuna i arlar ana dilima na bonot a kilogrem i punga saot ana tarai. Pa a tarai la atong saksakan e God ana akadik a kiar a ais ne, anasa a akadik ne i laulau kol.

Tatatai 16:9

Pa tnan laplapang a iah ning, i tun a tarai, pa la atong sakan a risana e God, esaning na akadik ne kaning nahai a warkurai anunai, ika bel la lingir a nuknukinla, pa bel la atong leklek pasi.