2 Timoti 2:26 - Label

²⁶ pa lar tastasman wakak, pa lar purum kusun a kun ane Satan, ning la ka hirua tar onoi sur lar sira mur a nuknukna.

2 Timoti 2:26 ပူးပေါင်းရင်းမြစ်များ

Luk 11:21

“Ning ta rakrakai a barsan ka mermer pas ana nuna ututnala na harum, pa i tai alar anuna rumai, anuna ututnala lar kes wakak.

Luk 15:17

“Ning a wakak a nuknuk i hanot teteki, i atongi mang, ‘A tena titolla ane tata, la sira hangan pa la sira masmasur pas ka kusun a ututnala, ika iau, kane a mat murak!

Luk 5:10

mang otleng larning tetek naur a halalna, e Jems pa e Jon, naur a nat e Sebedi. E Iesu i kelesi mang, “Gong u matmataut. Turpasi onone, ur dat a taraila.”

Jon 13:2

Ana morom, e Iesu taum ana nuna na kakak a asaer la hangan taum. Lanigo sur lar hangan, e Satan i anuknuk tar e Judas Iskariot, a nat e Saimon, sur ir asobor e Iesu.

Jon 13:27

Ning e Judas i kibas pas a bret, e Satan i kas kakat ono. E Iesu i atai e Judas mange, “Asa ning u mang sur ur toli, ur tol kapiti.”

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Aposel 5:3

Pa e Pita i atai i mang, “Ananaias, mangasa ning u malmaling pas e Satan sur ir solong a balam pa u asongo a Talngan Tabu? Sur asa ning u bunur pas a tuka mani ning di lou tar a puka kabalapiu onoi?

1 Korin 15:34

Mulor mata, mulor mur a tostos a toltol, pa mulor manah kusun na toltol laulau. Anasa dingla na tarai o mulo bel la tasman e God. A atongi larne sur mulor meme.

2 Korin 2:11

sur gong e Satan ir apungan pas dala, anasa dala ka tasman a nuknukna.

Epeses 5:14

Anasa ning a talapor i atalapor a ututnala, dir oroi lalan la. I maining di atongi larne, “U ning a tena borbor, ur mata, ur kamtur kusun a minat, pa e Karisito ir atalapor u.”

Kolosi 1:13

I ka alaun pas dala kusun a rakrakai ana mormorom, pa ka ben kas pas dala uting na matanitu ane Natnalik ning i mang kol suri,

1 Timoti 1:20

E Himeneus pa e Aleksander naur a halinla, ning ia ka saran tar diau na kuna e Satan, sur diar tastasman mang gong ulak ma dia atong laulau e God.

1 Timoti 3:7

A ningnigo ana lotu a ngas a barsan ning a tarai masik otleng ning bel la lotlotu, la hanrawai onoi. Ning bel, lar atong kumnani, pa ir hirua ana kun ane Satan.

Tatatai 12:9

Di minggen purum sen a tnan dregon, a soi tagun nating, ning di atongi a tena artitiu, pa e Satan, esaning i ben rongon a rakrakan hanua rop. Di minggen purumi taum ana nuna angelola ute lapiu.