2 Timoti 2:18 - Label

¹⁸ ning dia ka han rongo kusun a momolna. Dia atongi mang dala ka kamtur ulak pas kusun a minat, pa dia alaulau a tortorot anuna dingla na te Karisito.

2 Timoti 2:18 ပူးပေါင်းရင်းမြစ်များ

Matiu 15:13

I keles la mang, “A rakaila ning e Tata, ning i kes saot na langit, bel i oman la, dir gat arop sen la.

Matiu 22:29

E Iesu i keles la mang, “Mulo rongo kol, anasa bel mulo tasman a Buk Tabu pa a rakrakai e God otleng.

Luk 8:13

Pa a patnala ning la punga ting na pukna ning i hatat, la arlar ana tarai ning la longor a warwara, pa la tong akesi ana gasgas. Ika, belal wakirinla, anunla tortorot bel i tur bongnani, pa ning a larlar ir hanot tetek la, lar punga ka.

Aposel 5:39

Ika ning i kamna ot o e God, mulor tol panai sur mulor sairas la. Sakana lamur ir talapor tetek mulo mang mulo harum taum o e God.”

1 Korin 11:19

Anasa a tarai a lotu lar taptapagal ot, sur dir oroi lalan la ning la tostos, pa la otleng ning la rongo.

1 Korin 15:12

Ning di warawai o e Karisito ning e God i akamtur ulak pasi kusun a minat, sur asa ning dingla na tarai kaning arpotor tamulo la atongi mang bel al kamkamtur ulak kusun a minat?

Kolosi 3:1

E God ka akamtur pas mulo taum o e Karisito kusun a minat, i maining i wakak ning mulor suah a nuknukimulo rop ana ututnala saot na langit, ning e Karisito i kes ia, ana ris a sot a kuna e God.

1 Timoti 1:19

Ur tur rakrakai ana numa tortorot, pa ur mur a nuknukim ning bel ta rongo na mata e God. Dingla na tarai bel la toli larne, pa anunla tortorot i hirua arlar ana sip ning a top i dapis regen seni pa i murung.

1 Timoti 6:10

Anasa a nuknuk sur a mani, i a kama urmatana toltol laulau. Pa dingla na tarai ning la nuknuk kol suri, la ka han masik kusun a tortorot, pa la alaulau anunla lalaun ana galis a mamahat.

1 Timoti 6:21

Dingla na tarai la atongi mang la tortorot ot ana tastasman ning, pa la ka han masik kusun a tortorot o e Iesu. A marmaris ane God ir kes tetek mulo.

2 Timoti 2:14

Gong u manah ana atatai tetek anuma tarai ana asasaerla ne. Ur atumarang la namatana e God, sur gong la arlak ana warwara oros ka. A arlak bel i to pas ta utna pa i alaulau otleng la ning la longori.

Taitus 1:11

Ur sairas anunla na warwara, anasa la sira alaulau a tortorot anuna galis a kabai tamana ana asaer ning bel i wakak sur dir asaer la ono. La sira asaer la, sur lar asongo pas ka a mani kusun la.

Hibru 3:10

Ine a kamkamna ning a balakut tetek a tarai ning, pa a atongi larne, ‘A nuknukinla i han rongo bolbolos, pa bel la mur anuka ngas.’

Jems 5:19

Na tastasik, ning tik o mulo ir han rongo kusun a momolna, mulor ben lingir ulak pasi.

1 Jon 2:19

Na hirua ane Karisito la lasan taum ondala, ika la ka han, anasa la bel tagun dala momol. Ngandek ning la tagun dala momol, lar kes tikin taum ondala. Ika anunla tinan kusun dala i asangani mang la bel tagun dala.