2 Timoti 2:16 - Label

¹⁶ Ur han masik kusun a warwarala ning bel i sot ana nuknuk e God, anasa a tarai ning la molot ana asasaer larning la ka han bakbak kol kusun e God pa la han amon ot.

2 Timoti 2:16 ပူးပေါင်းရင်းမြစ်များ

1 Korin 15:33

Gong di ben rongon mulo, anasa “A keskes taum ana laulau a tarai, ir alaulau a wakak a ginin tik.”

1 Korin 5:6

Bel i wakak ning mulo iaunan pas mulo ot. Mangasa, bel mulo tasmani mang siklik is ka ir abubus rop pas a palawa?

1 Timoti 1:9

Dala tasmani mang a Warkuraila bel di sarani sur a tena tostos. Di sarani ka sur a ngas a taraila mange: la ning la kutus warkurai, a tabun longorla, la ning bel la lotu tetek e God, a tena tol laulaula, la ning bel la mur a nuknuk e God, la ning la mur a toltol mite na rakrakan hanua, la ning la umkol a taraila, pa la ning la umkol na tamtamanla pa na kabatnanla,

1 Timoti 4:7

Ur han masik kusun a asasaer orosla ning bel i topas al utna. Ur alasan u sur ur gomo ana ngas a lalaun ning e God i mang suri.

1 Timoti 6:20

Timoti, ur tai alar wakak a titol ning e God i saran tari tam. Ur han masik kusun la ning la atong a warwarala oros ka ning bel i arlar ana nuknuk ane God. Pa ur han masik otleng kusun la ning la arlak ana utna la atongi mang “a tastasman”, ika bel a tastasman momol.

2 Timoti 2:14

Gong u manah ana atatai tetek anuma tarai ana asasaerla ne. Ur atumarang la namatana e God, sur gong la arlak ana warwara oros ka. A arlak bel i to pas ta utna pa i alaulau otleng la ning la longori.

2 Timoti 2:21

Ning tik i atotoh pas anuna lalaun kusun a toltol laulaula, ir arlar ana kap ning di gang kusuni ana tatatnan pukakiar. Anasa ka totoh sur a Leklek ir titol ting na lalaun anunai sur ir tol a titol anunai, pa ka sang sur ir tol a wakak a titol.

2 Timoti 3:13

Pa a laulau a tarai pa tena asasongo lar laulau, pa lar laulau kol. Lar asongo a taraila, pa lar asongo ulak la otleng.

Taitus 1:11

Ur sairas anunla na warwara, anasa la sira alaulau a tortorot anuna galis a kabai tamana ana asaer ning bel i wakak sur dir asaer la ono. La sira asaer la, sur lar asongo pas ka a mani kusun la.

Taitus 1:14

Pa gong ma la mur a asaer oros ka anun na tarai Juda, pa a warkurai anun na tarai ning la gilam kusun a momolna.

Taitus 3:9

Ur han masik kusun a longlong a warwara na arlak, pa a ususrai ana mangis a tarai, a arlak pa a harum ana warkuraila ane Moses, anasa bel la topas ta utna pa bel lar nangan u.

Hibru 12:15

Mulor tai alar mulo, sur gong tik i han masik kusun a marmaris ane God, pa i arlar ana wakir a rakai ning i mapak, ning ir gomo ot pa ir saran a mamahat ta mulo, pa ir adur pas al galis namatana e God.

2 Pita 2:18

La aitna pas la ana warwarala oros ka, pa la alam a taraila sur lar mur a pamuk a toltol ana lalaun turai. Ana ngasna ne, la alam a taraila ning belot i bongnan la anunla tinan masik kusun a tena laulaula.

2 Pita 2:2

A galis lar mur na toltol a pamuk anuna asasongo na tena asaerla. I maining a tarai masik lar atong laulau a momol a tortorot.

Tatatai 13:14

I ben rongon a tarai ning la kes te na rakrakan hanua, anasa ana akinalangla ning i toli ana rakrakai ning di saran tari tana suir nangan a ningnigo na rokoio a inagoi onoi. I atai la sur lar atur a manar a ningnigo na rokoio a inagoi sur lar aitna pasi onoi. A ningnigo na rokoio a inagoi ning nating di so tari ana liwan a harum, ika i laun ot.

Tatatai 13:3

Takai a pukul a rokoio a inagoi i tai arlar onoi ning di ka um kol tari, ika a masik a minat ning, ka mah ulak. Pa rakrakan hanua rop la kulkulan, pa la mur a rokoio a inagoi ning.