2 Timoti 2:11 - Label

¹¹ A warwara ne ar atongi tam, i momol kol: Ning dalar mat taum o e Iesu Karisito, dalar laun taum otleng onoi.

2 Timoti 2:11 ပူးပေါင်းရင်းမြစ်များ

Jon 14:19

“Bel ma i bongnani, sur a taraila mite na rakrakan hanua bel lar oroi iau. Ika mulo, mulor oroi iau. Mulor laun anasa a laun.

A Pas ane Pol tetek a tarai Rom 6:5

Anasa ning dala mat taum o e Iesu ana nuna minat, i momol ot, dalar tur taum ulak otleng onoi ana nuna kamkamtur ulak kusun a minat.

A Pas ane Pol tetek a tarai Rom 6:8

Ning dala mat taum o e Karisito, dala tortorot mang dalar laun taum otleng onoi.

2 Korin 13:4

I momol, ning di sai ahat e Karisito saot na rakai kutus, bel ta rakrakaina. Ika ana rakrakai e God ot, i laun ulak. Manglarne belal rakrakaim mila taum o e Karisito, ika mila laun taum onoi ana rakrakai e God, sur milar titol tetek mulo.

2 Korin 4:10

Ning mila laun, a minat i milau ka, anasa mila titol tetek e Iesu. Ana pukakiarla rop mila asangan a minat ane Iesu te na palaomila, sur a taraila lar oroi otleng a lalaun ane Iesu te na palaomila, ning i sira mat.

1 Tesalonika 4:17

Lamur, dala ning kaning ot dala laun, dir los taum pas dala usaot na didiah bakut sur dalar arsongo taum ana Leklek ting na puka solsolna. Pa larning, dalar kes tikin taum ana Leklek.

1 Tesalonika 5:10

I mat sur dala, sur dalar laun taum onoi ning ir ulak purum. Dala rop, la ning kaning ot la laun, pa la ning la ka mat.

1 Timoti 1:15

Karisito Iesu i han purum ute na rakrakan hanua sur ir alaun a tena laulaula. A warwara ne i momol kol, pa dalar tortorot onoi. Pa iau, a laulau kol tana tena laulaula rop.

1 Timoti 3:1

A warwara ne i momol kol, mange: Ning tik i mang sur ir ningnigo ana lotu, a wakak a titol ning i mang suri.

Taitus 3:8

A warwarala ne i momol kol. Pa a mang sur ur rakrakai ana warwarala ne sur a tarai ning la tortorot o e God lar saran momol tar a lalaun anunla ana wakak a titol. A ututnala ne i wakak pa i nangan a tarai rop.