2 Timoti 1:14 - Label

¹⁴ Ana rakrakai ana Talngan Tabu ning i kes ondala, ur tai alar wakak a Wakak a Warwara ning e God ka saran tari tam.

2 Timoti 1:14 ပူးပေါင်းရင်းမြစ်များ

Luk 16:11

Ning bel mulo momol sur mulor tai alar wakak a ututnala mite lapiu, esi ir tortorot o mulo sur mulor tai alar a ututnala misaot?

Jon 14:17

a Talngan Tabu na momolna. A taraila tagun a rakrakan hanua bel la mang suri, anasa bel la oroi lalani pa bel la tasmani. Ika mulo, mulo tasman a Tena Arnangai anasa i kes taum o mulo pa ir kes o mulo.

A Pas ane Pol tetek a tarai Rom 3:2

I wakak kol teteki. A ningnigo na utna, e God ka suah tar anuna warwara ting na kuna tarai Juda.

A Pas ane Pol tetek a tarai Rom 8:11

A Inguna e God, ning i akamtur pas e Iesu kusun a minat, i laun ting o mulo. Pa esaning i akamtur ulak pas e Karisito kusun a minat, ir saran a lalaun ting na palaomulo ning i sira mat. Ir sarani ana titol ana Inguna ning i laun ting o mulo.

A Pas ane Pol tetek a tarai Rom 8:13

Anasa ning mulo mur a turai a lalaun, mulor mat. Ika ning ana rakrakai ana Talngan Tabu mulo umkol a toltol laulau ana palaomulo, mulor laun.

A Pas ane Pol tetek a tarai Rom 8:9

Ika mulo, bel mulo kes nahai a turai a lalaun. Ning a Inguna e God i laun ting o mulo, mulo kes nahai a Talngan Tabu. Ika, ning tik, a Inguna e Karisito bel i laun ono, i bel ane Karisito.

1 Korin 3:16

Mangasa, bel mulo tasmani mang mulo a rumai ane God, pa a Inguna e God kaning o mulo?

1 Korin 6:19

Mangasa, bel mulo tasmani mang a palaomulo a rumai anuna Talngan Tabu? A Talngan Tabu ning i kes o mulo, e God ka tabar tar mulo onoi. Mulo ot belsur anumuloi,

1 Korin 9:17

Ning iau ot a mang sur ar warawai, ar kibas ot anuk ta arlou. Ika, ning bel ta nuknukik suri, ar tol ka a titol ning e God ka saran tari tak.

2 Korin 5:16

I maining, onone anumila toltol tetek a tarai bel i arlar larning nating. Lanigo mila oroi a tarai arlar ana tarai mite na rakrakan hanua lar oroi la. Pa mila oroi e Karisito mangotleng larning. Ika onone, anumila a tatatai bel ma i manglar nating.

Galesia 2:7

La oroi lalani mang e God ot i saran tar a titol sur ar warawai ana Wakak a Warwara tetek a taraila ning bel a tarai Juda, arlar o e Pita ning i warawai ana Wakak a Warwara tetek a tarai Juda.

Epeses 2:22

Pa ning mulo kaning o e Karisito, i dat taum mulo otleng, sur mulor hanot a rumai ning a Inguna e God i kes ia.

Epeses 5:18

Gong mulo gang a wain pa mulo sipak onoi, anasa ir alaulau mulo. Ika, mulor bukus ana Talngan Tabu.

Kolosi 4:11

Pa e Iesu, ning a risana otleng e Jastus, i otleng i saran anuna marmaris tetek mulo. Ditol ne, ditol natol a te Juda ning ditol tortorot, pa ditol sot ka tagun a tarai Judala ditol titol taum hok sur a matanitu ane God. Ditol arakrakai iau.

1 Tesalonika 5:19

Gong mulo sairas a titol ana Talngan Tabu.

1 Timoti 1:11

A tostos na asasaer i kes ana Wakak a Warwara, ning e God i saran tari tak sur ar atatai onoi. A Wakak a Warwara ne ane God, a God na matatar ning i angis tikin.

1 Timoti 6:20

Timoti, ur tai alar wakak a titol ning e God i saran tari tam. Ur han masik kusun la ning la atong a warwarala oros ka ning bel i arlar ana nuknuk ane God. Pa ur han masik otleng kusun la ning la arlak ana utna la atongi mang “a tastasman”, ika bel a tastasman momol.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

2 Timoti 2:2

A asasaerla ning u ka longor pasi kusun iau namatana galis a tarai, ur asaer al barsan onoi, la ning u tortorot onla mang lar tolsot pasi sur lar asaer al tarai otleng onoi.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.