2 Timoti 1:10 - Label

¹⁰ Pa onone, dala ka oroi a marmaris ane God tetek dala ana tinan ot ana nundala Tena Alaun e Karisito Iesu, esaning i kamar sen a rakrakai a minat. Pa ana Wakak a Warwara i atalapor a lalaun tikin sur ir hanot talapor.

2 Timoti 1:10 ပူးပေါင်းရင်းမြစ်များ

Luk 11:36

Ning a palaom rop ir bukus ana talapor, pa bel ta mormorom onoi, ir talapor kol, arlar ana lam ning a talaporna i irnga tetek u.”

Luk 13:7

Lamur i atai a tena tai alar ana barim, ‘Ana natol a rau ne a tol panai sur ta wan a rakai a fig ne. Ting seni! Anasa i tur alalar.’

Luk 2:11

Onone, ana hanua ane Dewit, di ka agon tar anumulo a Tena Alaun, esaning a Karisito, a Leklek.

Jon 1:9

Anasa a talapor momol ning ir atalapor a taraila rop, ir hanot ute na rakrakan hanua.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

Jon 20:31

Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Jon 4:42

La atai a hane mange, “Onone mila ka tortorot, bel ana warwara ning u atongi o e Iesu. Mila ot mila ka longori, pa mila ka tasman momoli mang i a Tena Alaun sur a rakrakan hanua.”

Jon 5:40

Ika bel mulo mang sur mulor han tetek iau, sur mulor kibas a lalaun.

Aposel 13:23

“Pa miting na mangis a tarai ane Dewit, e God i saran a Tena Alaun, e Iesu, tetek a tarai Israel, arlar ana nuna lele.

Aposel 5:31

I ot ning e God i aleklek pasi pa i akesi ting na sot a kuna, sur i a Ningnigo pa a Tena Alaun, pa ir tol a ngas sur a tarai Israel lar lingir a nuknukinla, pa dir kepsen anunla na toltol laulaula.

A Pas ane Pol tetek a tarai Rom 16:26

Ika onone, ka hanot talapor. Mila warwara talapor ana asaning a propetla la atong tari o e Karisito. Mila toli arlar larning e God, ning i laun tikin, i atai tar mila sur milar toli, sur a taraila miting na matanitu rop, lar tortorot pa lar muri.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

A Pas ane Pol tetek a tarai Rom 3:31

Mangasa, ning dala tortorot dala nuki mang a Warkuraila i utna oros ka? Bel momol! Ana tortorot dala asangani mang a Warkuraila a rakrakainla ot.

A Pas ane Pol tetek a tarai Rom 6:6

Dala tasmani mang anundala turai a lalaun ka mat taum o e Karisito saot na rakai kutus, sur a toltol laulau ana palaondala bel ta rakrakaina. Pa bel ulak ma dala na tena titol oros ana toltol laulau.

1 Korin 15:26

A ararop a hirua ning ir kamari, a minat.

1 Korin 4:5

I maining gong mulo warkurai tik lanigo tana pukakiar a warkurai. Mulor harnanai tuk ning a Leklek ir hanot. Pa i ot, ir atalapor na ututna ning i mumun ting na mormorom, pa ir apuasa a nuknuk a taraila. Pa ana pukakiar ning, e God ir atong aitna pas a taraila, arlar ot ana nunla na titol taktakai.

2 Korin 5:4

Ning kanet dala laun ana palaondala ne, dala tangis pa dala kilang a mamahat. Anasa bel dala mang sur dalar mat, ika dala mang sur dalar mermer ana palaondala tisaot na langit, sur a palaondala ning i sira mat, ir keles sur a palaondala ning ir laun tikin.

Galesia 5:4

Ning mulo tohi sur dir atong mulo mang mulo tostos anasa mulo mur a Warkuraila, mulo ka kes sarara kusun e Karisito. Mulo ka han masik pas kusun a marmaris ane God.

Epeses 1:18

A nunung mang ir atalapor a ingumulo, sur mulor tasman a ututnala ning dala harnanai ana tortorot suri, ning e God i kabah pas dala sur dalar kibas pasi. A ututnala ning dala na tarai ane God, dalar kibas pasi, i itna kol pa i bukus ana matatar.

Epeses 1:9

E God i apuasa dala ana ututnala ning ir toli, ning nating i mumun, pa ir tolsoti o e Karisito. Ana ututnala ne i mur ot a nuknukna, pa i gas suir toli.

2 Tesalonika 2:8

Lamur a barsan na kutus warkurai ir hanot talapor, pa a Leklek e Iesu ir kamar seni ana wuwu na pahana, pa ir alaulau i ana matatar ana nuna tinan ot.

2 Timoti 1:1

Iau e Pol, a aposel ane Karisito Iesu ana nuknuk ane God, sur ar atatai ana lalaun ning ka lele tari tetek dala ning dala ane Karisito Iesu.

2 Timoti 1:8

Pa gong u meme sur ur atatai ana Leklek anundala, pa gong u meme hok ning a kes te na rumai a dodot ana risana. Ika, ur sang sur u otleng ur kilang kankan ana Wakak a Warwara taum hok. Pa e God ot ir saran a rakrakai tetek u ning ur titol.

2 Timoti 4:1

E Karisito Iesu ir hanot ute taum ana nuna matanitu. Ir warkurai la ning la laun, pa la ning la ka mat. Pa manglarning, a nunung u namatana e God pa e Karisito Iesu mang:

2 Timoti 4:8

A nanan a harlou ning e God ka suah tari sur iau, anasa a tostos namatana. A Leklek, a tostos na Tena warkurai ir sarani tak ana pukakiar na warkurai. Pa bel tetek iau ka, ir saran a harlou ning tetek la rop ning la mang kol sur ir ulak.

Taitus 2:11

Anasa a marmaris ane God, ning ir alaun a tarai rop, ka hanot puasa.

Taitus 2:13

ning dala harnanai ana tortorot sur a pukakiar na gas ning ir hanot. A pukakiar ning anundala a leklek e God, e Iesu Karisito, anundala a Tena Alaun ir hanot taum ana anuna matatar.

Taitus 3:4

Ika ning a wakak a toltol pa a marmaris ane God anundala a Tena Alaun i hanot,

Hibru 10:32

Mulor nuk pas a pukakiarla nating ning mulo ka kibas pas a talapor ana numulo na lalaun, pa la saran a tnan mamahat pa a kankan tetek mulo, ika mulo tur rakrakai ot.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

2 Pita 1:11

pa e Iesu Karisito, anundala a Leklek pa nundala a Tena Alaun ir kibas pas mulo ana gasgas uting na nuna matanitu ning bel ir rop.

2 Pita 1:3

Ana rakrakai e God, i tabar dala ana ututnala rop ning dala kapan suri, sur dalar laun wakak pa dalar tol a toltol ning e God i mang suri, anasa dala tasman e God, esaning i kabah pas dala, sur dalar kibas anuna matatar pa wakak a toltol anunai.

2 Pita 2:20

A taraila ning la ka alah kusun na dur a toltol mite na rakrakan hanua, anasa la ka tasman e Iesu Karisito, anundala a Leklek pa Tena Alaun, ika lamur la punga ana kun a toltol laulau, pa na laulau a toltol i dot akes ulak pas la, anunla na keskes lamur ir laulau kol tana anunla na keskes nating ning belot la tasman e Iesu Karisito.

2 Pita 3:18

I wakak sur mulor gomo tingui na marmaris ane Iesu Karisito anundala a Leklek pa Tena Alaun, pa mulor gomo otleng ana numulo a tastasmai onoi. Anunai ot a matatar, onone pa lamur pa bel ir rarop! Amen.

2 Pita 3:2

A mang sur mulor nuk pas na warwara ning a propetla ane God la ka warwara nigo tar onoi, pa mulor nuk pasi otleng a warkurai ana nundala a Leklek pa Tena Alaun, ning a aposella la ka atai tar mulo onoi.

1 Jon 1:2

Pa a Warwara na Lalaun i hanot talapor. Mila ka oroi tari, pa onone mila atalapori tetek mulo mang, i ning a lalaun tikin ning nating i kes taum o e Tamana, pa i hanot talapor tetek dala.

1 Jon 4:14

E Tamana i saran e Natnalik sur ir Tena Alaun anuna rakrakan hanua, pa mila, mila ka oroi tari, pa mila warwara talapor onoi.

Tatatai 18:1

Lamur tana utna ne, a oroi ning a angelo maleng i han purum misaot na langit. I tong akes a rakrakai a warkurai pa anuna matatar i atalapor a rakrakan hanua.

Tatatai 2:7

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar malmaling pasi suir hangan miting na rakai a lalaun, ning kaning na Paradais ane God.

Tatatai 20:14

Lamur di minggen purum sen a minat pa Hedes ting na tnan tung a iah. A tung a iah ning, a munaur a minat.

Tatatai 22:14

“La ning la gos anunla na kaen, la angis, pa i tostos sur lar hangan miting na rakai a lalaun pa lar kas ting na taman a woroh na hanua ning.

Tatatai 22:17

A Talngan Tabu pa tona tinaulai, a hane, dia atongi mang, “Han ute!” Pa esining i longori, i otleng ir mang, “Han ute!” Esining i mos, i wakak sur ir han ute, pa esining i mang suri, ir gang a malum a lalaun ning bel di sira lou i.