2 Tesalonika 3:8 - Label

⁸ Bel mitol ien oros pas ta utna na hangan tan tik ning bel mitol lou i. Mitol titol rakrakai ana moromla pa a kabakiarla ana kumitol, sur gong mitol saran a mamahat tetek ta halimulo sur ir nangan mitol.

2 Tesalonika 3:8 ပူးပေါင်းရင်းမြစ်များ

Matiu 6:11

A pukakiar ne ur tabar mila ana utna na hangan amilai.

Aposel 18:3

I kes taum andiau pa ditol titol taum, anasa ditol natola tena toltol rumai sel.

Aposel 20:34

Mulo ot mulo tasmani mang a titol ot ana naur a kuk sur a ututnala ning i topas iau, pa la otleng ning mila armuri.

1 Korin 4:12

Mila titol rakrakai ana kumila ot. Ning la atong laulau mila, mila atong angis la. Ning la akadik mila, bel mila keles la.

1 Korin 9:4

Ning mila titol arpotor tamulo i tostos ot sur mulor tabar mila sur milar hangan pa milar gang.

2 Korin 11:27

A rakrakai pa a titol rakrakai. Pa galis a taem bel a tolsot sur ar borbor. A galis a taem a mos pa a murak. Pa dingla na taem a kapan sur a kaen pa a kilang a kotkoto.

2 Korin 11:9

Ning a kes taum o mulo pa a kapan sur ta utna, bel a saran ta mamahat tetek mulo anasa na tastasimila ana tortorot misaot e Masedonia la hanot, pa la tabar iau ana utna ning a kapan suri. Bel a nunung tar mulo, pa bel ar nunung tar mulo otleng sur ta utna.

Epeses 4:28

Esining i kinkinau, gong ulak ma i kinkinau. I wakak ning ir tol a wakak a titol ana naur a kuna, sur ir tol otnan a utna ning i to pasi, pa ir tabar la otleng onoi ning la kapan.

1 Tesalonika 2:9

Na tastasimitol, mulor tasman anumitol a rakrakai a titol. Mitol titol taum ana kumitol ana moromla pa a kabakiarla. Mitol toli larne sur gong mitol saran ta mamahat tetek mulo ning mulor lou mitol, ana numitol a titol na warawai tetek mulo taum ana Wakak a Warwara ane God.

1 Tesalonika 4:11

Mulor rakrakai sur anumulo a toltolla ir manglarne: Mulor kes na bal molmol, pa gong mulo subaran pukulumulo sur ta utna anuna tik. Mulor titol ana kumulo sur amulo al utna na hangan, larning mitol ka atai tar mulo.

2 Tesalonika 3:12

Ana risana Leklek e Iesu Karisito mitol sairas a ngas a taraila ning, pa mitol nunung la, sur lar mur a molmol a lalaun pa lar titol sur anla ta utna na hangan ning lar ieni.