2 Tesalonika 2:10 - Label

¹⁰ Ana ngas a toltol laulau rop ning ir toli, ir asongo a tarai ning la han amon sur a hinirua. Lar hirua anasa bel la longor sur lar mang sur a momolna sur e God ir alaun la.

2 Tesalonika 2:10 ပူးပေါင်းရင်းမြစ်များ

Matiu 13:11

Pa i keles la mang, “E God ka saran tar a tastasim ta mulo, sur mulor talapor ana ututnala ana matanitu misaot na langit, ning nating i kes kumna. Ika, bel i sarani tetek a tarai rop.

Jon 3:17

E God bel i sune e Natnalik ute ana rakrakan hanua sur ir warkurai a ginina taraila sur lar mat. I sune i sur ir alaun la.

Jon 5:34

Bel a kapan sur tik ning ir warwara talapor hok, ika a atongi manglarne sur dir alaun mulo.

A Pas ane Pol tetek a tarai Rom 10:1

Na tastasikla, a mang kol sur e God ir alaun pas anuka tarai, a tarai Israel, pa sira nunung otleng larne.

A Pas ane Pol tetek a tarai Rom 16:18

A ngas a tarai ning, bel la mur anundala Leklek e Karisito. La mur ot a nuknuk na palaonla. La warwara ana namnamin na warwara pa a warwara na agasgas, sur lar asobor a tarai ning bel la tastasman wakak.

A Pas ane Pol tetek a tarai Rom 6:17

A atong wakak tetek e God, anasa lanigo mulo na tena titol oros ana toltol laulau, ika onone mulo longor ana balamulo rop ana asasaerla ning di saran tari ta mulo.

1 Korin 1:18

Anasa a warwara ana rakai kutus, a longlong a warwara ka tetek la ning la han sur a hirua. Ika, tetek dala ning e God i alaun dala, a warwara ana rakai kutus, i a rakrakai ane God.

1 Korin 16:22

Ning tik bel i mang sur a Leklek, ir hirua tikin. A Leklek, han ute!

2 Korin 11:13

Anasa a taraila ning, a asasongo na aposella, a asasongo na tena titolla, pa la lingir pas la sur lar arlar ana aposella ane Karisito.

2 Korin 11:15

Pa bel dalar kulkulan otleng ning anuna tena titolla lar lingir pas la sur lar arlar ana tena titolla tagun a tostos a toltol. Lamur lar los anunla na arlou, arlar ot ana nunla na laulau a titol.

2 Korin 2:15

Mila arlar ana tomtoboh, ning e Karisito i artabar onoi tetek e God. Pa a tobohna i han tetek la ning e God ir alaun la, pa la otleng ning la han sur a hinirua.

2 Korin 2:17

Bel mila arlar onla, ning la titol ka ana warwara ane God sur a mani. Ika, o e Karisito mila warwara ana momol namatana e God, anasa i ot i sune sen mila.

Epeses 4:14

I maining bel ma dalar arlar ulak ana kakakla ning nunla tortorot i maler, arlar ana utna ning a wuwu taum ana top i minggen taltali utumo pa ute. Bel dalar mur a asasaerla anuna tena asasongola, ning la mang sur lar ben rongon a taraila taum ana nunla na namnamin a warwarala.

2 Tesalonika 2:12

Manglarning, la rop ning bel la tortorot ana momolna pa la gas ka ana toltol laulau, lar hirua ana warkurai ane God.

2 Tesalonika 2:13

Na tastasimitol, mulo ning a Leklek i maris mulo, i wakak ning mitol sira atong wakak tetek e God o mulo, anasa e God ka aslang pas mulo miting na kamkamna sur ir alaun mulo. I alaun pas mulo ning a Talngan Tabu i atotoh pas mulo pa mulo tortorot ana momolna.

1 Timoti 2:4

I mang sur ir alaun a taraila rop, pa lar tasman a momolna.

Hibru 3:13

Mulor warwara na harnangai artalai tetek mulo, ana pukpukakiarla rop ning di atongi mang “onone.” Mulor toli larning, sur gong a toltol laulau ir asongo pas tik o mulo, pa ir arakrakai alar a balana.

2 Pita 2:12

Ika na asasongo na tena asasaer ne, la arlar ana rokoio na inagoila, ning bel ta mananos, pa la mur ka asaning a palaonla i mang suri, pa di agon la ka sur dir tong akes la pa dir um kol la. La atong laulau ka na ututna ning bel la tasmani. Pa lar hirua arlar ana rokoio na inagoila.

2 Pita 2:18

La aitna pas la ana warwarala oros ka, pa la alam a taraila sur lar mur a pamuk a toltol ana lalaun turai. Ana ngasna ne, la alam a taraila ning belot i bongnan la anunla tinan masik kusun a tena laulaula.