2 Tesalonika 1:5 - Label

⁵ A ututnala rop ne i apuasa i mang a warkurai ane God i tostos. Mulo kilang kankan anasa mulo agomo anuna matanitu. Manglarning e God i atong mulo mang mulo tostos sur anuna matanitu.

2 Tesalonika 1:5 ပူးပေါင်းရင်းမြစ်များ

Luk 20:35

ika a tarai ning la tostos sur lar kamtur ulak kusun a minat, pa lar laun ana lalaun lamur, bel lar taulai ulak.

Luk 21:36

Mulor tai alar mulo ana pukakiarla rop, mulor nunung sur mulor rakrakai sur mulor alah kusun a ututnala ne, ning milau lar hanot, pa mulor nunung otleng sur mulor tolsot pasi sur mulor tur ana matana Nat a Barsan.”

Aposel 13:46

Ika bel dia matmataut pa dia keles la mange, “Wakak mia ka atalapor nigon tar a warwara ane God ta mulo. Ika ning bel mulo kibasi pa mulo san alar pas mulo sur gong mulo los a lalaun tikin, onone, miar han tetek a tarai ning bel a tarai Juda.

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

A Pas ane Pol tetek a tarai Rom 2:5

Ika a balamulo i rakrakai pa bel mulo lingir a nuknukimulo, mulo ot mulo aitna amon anuna balakut tetek mulo, sur a pukakiar na balakut ane God, ning anuna tostos a warkurai ir hanot talapor.

A Pas ane Pol tetek a tarai Rom 8:17

Pa ning dala na natnatnala, dalar kibas a ututnala ning e God ka lele tar ono. Dalar kibasi taum o e Karisito. Ning dala kilang a mamahat taum o e Karisito, lamur dalar kes taum onoi ting na nuna matatar.

Epeses 4:1

A kes ting na rumai a dodot anasa a titol tetek a Leklek. Pa a nunung kol mulo, sur mulor laun arlar ana lalaun ning di ka kabah pas mulo suri.

Pilipai 1:28

pa bel mulor matatan a hiruala. Ning bel mulor matatan la ir asangani mang lar hirua, ika mulo, e God ir alaun mulo.

Kolosi 1:12

pa mulor atong wakak tetek e Tamandala, esaning i tol asot mulo, sur mulor kibas a ututnala taum ana nuna tarai. A ututnala ning ka lele tari tetek la, ning la kes ting na talapor.

1 Tesalonika 2:14

Na tastasimitol, i manglarning anasa mulo arlar ana tarai a lotu ane God ning la kaning o e Karisito e Iesu, ning la kes to na papar Judia. Pa mulo otleng mulo kilang kankan ana kuna taraila ting na numulo a hanua, arlar ana tarai a lotu to e Judia la kilangi ana kuna nunla na tarai ot, a tarai Juda,

2 Tesalonika 1:11

Ine a kamkamna ning mitol sira nunung o mulo. Mitol nunung tetek anundala God sur ir atong mulo mang mulo tostos sur mulor mur a ngas a lalaun ning i kabah pas mulo suri. Pa ana rakrakaina ir nangan mulo, sur mulor tolsot pas a wakak a titol ning mulo mang sur mulor toli, pa a toltolla rop ning anumulo a tortorot i tol otnani.

2 Timoti 2:12

Ning dala kilang kankan taum onoi, dalar warkurai arlar ana king taum otleng onoi ana nuna matanitu. Ning dala puain seni, i otleng ir puain sen dala.

Tatatai 15:4

Leklek, esining bel ir matmataut sur u? Pa esining bel ir atong aleklek pas a risam? Anasa u ka u totoh. Na tarai miting na matanitu rop lar hanot pa lar lotu tetek u, anasa anum na tostos a titol i talapor rop tetek la.”

Tatatai 16:7

Pa a longor a elngen takai misaot ana logo na tun artabar i atongi mang, “A momolna, a Leklek e God u rakrakai kol, anum na warkurai i momol pa i tostos.”

Tatatai 19:2

anasa anuna warkuraila i momol pa i tostos. Ka warkurai a pamuk a hane ning a risana i han sarara ana nuna toltol laulau, esaning i alaulau a rakrakan hanua ana nuna na pamuk a toltol. E God ka saran tar a warkurai a arkeles teteki, anasa ana suluk anuna tena titol orosla, ning i um kol sen la.”

Tatatai 3:4

Ika dingla o mulo tingia e Sardis, bel la adur anunla na kaen. Lar han taum hok, lar mermer ana kokok a kaen, anasa anunla na lalaun i tostos.