2 Tesalonika 1:11 - Label

¹¹ Ine a kamkamna ning mitol sira nunung o mulo. Mitol nunung tetek anundala God sur ir atong mulo mang mulo tostos sur mulor mur a ngas a lalaun ning i kabah pas mulo suri. Pa ana rakrakaina ir nangan mulo, sur mulor tolsot pas a wakak a titol ning mulo mang sur mulor toli, pa a toltolla rop ning anumulo a tortorot i tol otnani.

2 Tesalonika 1:11 ပူးပေါင်းရင်းမြစ်များ

A Wakak a Warwara o e Iesu Karisito i tumusi 4:28

A piu ot i agomo a rakai a wit larne: a pakana i pusa nigo, pa lamur a sarna i gomo ot, pa a patna i mur ot.

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

A Pas ane Pol tetek a tarai Rom 1:9

A titol tetek e God ana nuka lalaun rop, ning a warawai ana Wakak a Warwara o e Natnalik, pa e God ot i tasmani mang a sira nuk pas mulo

A Pas ane Pol tetek a tarai Rom 11:29

E God bel i sira lingir a nuknukna kusun a tarai ning ka kabah pas la, pa bel i sira kibas ulak anuna artabarla kusun la.

A Pas ane Pol tetek a tarai Rom 15:14

Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

A Pas ane Pol tetek a tarai Rom 8:30

Pa la ning e God ka aslang pas la, i kabah pas la. Pa la ning ka kabah pas la i atong la mang la tostos namatana. Pa la ning ka atong la mang la tostos namatana, i amermer la ana nuna matatar.

1 Korin 1:8

I ot ir arakrakai mulo tuk ana ararop a pukakiar, sur bel dir arup sot pas mulo on ta rongo ana pukakiar ning anundala a Leklek e Iesu Karisito ir ulak.

Epeses 1:16

bel a manah ana atong wakak tetek e God o mulo. Pa ana nuka nunungla a sira nuk pas mulo.

Epeses 1:5

Ana nuna marmaris, nating ot ka aslang dala sur ir ras pas dala sur dala natnatnala, ning dala kes o e Iesu Karisito. Ana nuknukna ot pa ana nuna gasgas i toli larne.

Epeses 1:9

E God i apuasa dala ana ututnala ning ir toli, ning nating i mumun, pa ir tolsoti o e Karisito. Ana ututnala ne i mur ot a nuknukna, pa i gas suir toli.

Pilipai 1:6

A tasman momoli mang e God ning i turpas a wakak a titol o mulo, anuna titol kaning ot i han, tuk ning ir aropi ana pukakiar ning a Karisito Iesu ir hanot onoi.

Pilipai 2:13

Anasa e God ot i titol ana numulo a lalaun, sur mulor mang sur asaning ir gas ono, pa mulor toli otleng.

Pilipai 3:14

A dun usa lanigo sur a ararop ana dun, sur ar kibas pas a arlou, a arkabah ane God tetek iau o e Karisito Iesu sur a lalaun saot na langit.

1 Tesalonika 1:3

Ning mitol nunung tetek anundala God a Tamandala, mitol nuk pas a ututnala ning mulo sira toli kamkamna ana numulo a tortorot, pa mitol nuk pas a titol ning mulo toli kamkamna ana numulo a marmaris, pa mitol nuk pas otleng anumulo na tuntunur rakrakai kamkamna ana numulo a keskes harnanai ana tortorot ana Leklek e Iesu Karisito.

2 Tesalonika 1:5

A ututnala rop ne i apuasa i mang a warkurai ane God i tostos. Mulo kilang kankan anasa mulo agomo anuna matanitu. Manglarning e God i atong mulo mang mulo tostos sur anuna matanitu.

2 Tesalonika 2:14

Ana Wakak a Warwara ning mitol warawai onoi, e God i kabah pas mulo sur ir alaun mulo, sur mulor kibas a matatar anuna Leklek anundalai e Iesu Karisito.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

1 Pita 5:10

Ika e God i a God na marmaris, pa o e Karisito i kabah pas mulo sur mulor kes taum onoi ana nun a matatar ning bel ir rop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai.

Tatatai 3:4

Ika dingla o mulo tingia e Sardis, bel la adur anunla na kaen. Lar han taum hok, lar mermer ana kokok a kaen, anasa anunla na lalaun i tostos.

Tatatai 5:10

U ka akes tar la sur lar warkurai taum hom, pa la na tena artabar tetek anundala a God, pa lar warkurai te na rakrakan hanua.”