2 Pita 3:7 - Label

⁷ Ana warwara otne e God i tong akes a bakut pa a rakrakan hanua ne dala oroi diau, sur dia harnanai sur a pukakiar a warkurai, ning a iah ir alaulau diau, pa a taraila otleng ning bel la tol a toltol ning e God i mang suri.

2 Pita 3:7 ပူးပေါင်းရင်းမြစ်များ

Matiu 10:15

A atong momoli ta mulo, ana pukakiar a warkurai, a warkurai tetek a hanua ning ir rakrakai kol tana warkurai tetek e Sodom pa e Gomora.”

Matiu 11:22

A atongi ta mulo mang, ana pukakiar a warkurai, a warkurai tetek mulo a tarai Korasin pa tarai Betsaida, ir rakrakai kol tana warkurai tetek a tarai Tair pa tarai Saidon.

Matiu 11:24

A atongi ta mulo mang, ana pukakiar a warkurai, a warkurai tetek mulo a tarai Kapernaum ir rakrakai kol tana warkurai tetek a tarai Sodom.”

Matiu 12:36

A atongi ta mulo mang, a warwara laulaula rop ning a tarai la ka atong tari, lamur bot, ana pukakiar a warkurai, e God ir deken la ono.

Matiu 24:35

A langit pa a rakrakan hanua diar rop, ika anuka warwarala bel ir rop.

Matiu 25:41

“Lamur ir atai la otleng ning na kair a kuna mang, ‘Mulor han masik kusun iau. A rakrakai a warkurai a arkeles ka kes o mulo. Mulor han uting na tnan iah ning bel i sira mat, ning di ka sang tari sur e Satan pa nuna angelola.

A Wakak a Warwara o e Iesu Karisito i tumusi 6:11

Ning ta hanua bel lar gasgas pas mulo, pa bel lar longor anumulo na warwarala, ning mulor han kusun a hanua ning, mulor tang sen a kubus kusun a hamulo, sur a asilang na tumarang tetek la.”

Jon 12:48

Esining bel i mang sur iau pa bel i kibas anuk na warwarala, anuk na warwarala ot ning lar warkurai i ana ararop a pukakiar.

A Pas ane Pol tetek a tarai Rom 2:5

Ika a balamulo i rakrakai pa bel mulo lingir a nuknukimulo, mulo ot mulo aitna amon anuna balakut tetek mulo, sur a pukakiar na balakut ane God, ning anuna tostos a warkurai ir hanot talapor.

1 Korin 3:13

dir apuasa anuna ngas a titol ana pukakiar a warkurai. Anasa dir apuasa i ana iah, pa a iah ir toh a ngas a titol anuna tarai taktakai.

Pilipai 1:28

pa bel mulor matatan a hiruala. Ning bel mulor matatan la ir asangani mang lar hirua, ika mulo, e God ir alaun mulo.

2 Tesalonika 2:3

Gong mulo noren pas tik sur ir asongo mulo ana ta ngas a ngas. Anasa a pukakiar ning belot ir hanot, tuk ning al galis a tarai lar tabun longor tetek e God, pa a barsan na kutus warkurai ir hanot talapor, esaning ir hirua.

1 Timoti 6:9

La ning la mang sur a tnan mani, lar punga ana arlam, pa lar hirua ana kun ana longlong a nuknuk pa a nuknuk sur a utna ning ir alaulau la. Ir alaulau la pa ir kamar la.

Hibru 12:29

anasa anundala God i arlar ana tnan irnga na iah, ning ir ien arop sen a ututnala rop.

2 Pita 2:9

I maining a Leklek i tasman a ngas ning ir alaun pas a tarai ning la tol a toltol ning e God i mang suri, ting na mamahat ning ir barat la. Pa i tasman otleng a ngas ning ir akadik la ning bel la tol a tostos a toltol, ning la harnanai sur anunla na warkurai a arkeles ana pukakiar a warkurai.

2 Pita 3:10

Ika a pukakiar anuna Leklek ir hanot arlar ana tena kinkinau. A bakut ir rorom ana tnan unga, pa na akakes kanisaot onoi lar laulau ana tnan iah, pa a rakrakan hanua pa a ututnala rop ning kaning ia, lar rorom.

2 Pita 3:12

ning mulor harnanai sur a pukakiar ane God, pa mulor aboso a pukakiar sur ir hanot kapit. Ana pukakiar ning, e God ir tun sen a bakut, pa na ututna saot na bakut ir polo ana tnan laplapang a iah, pa ir rorom.

1 Jon 4:17

Ana ngas ne, anuna marmaris i kes kidol ondala, sur bel dalar matmataut ana pukakiar a warkurai, anasa te na rakrakan hanua dala laun arlar o e Karisito.

A Pas ane Jut 1:7

Larka otleng ning e Sodom pa e Gomora, pa na hananuala milau diau. A tarai mitingia la tol a toltol na pamuk, pa la tol a laulauna ulak tetek la ot a barsanla. Na hanua ning, la hirua rop ana iah. Pa anunla hinirua i atumarang dala sur dalar tasmani mang a tnan iah ning bel i sira mat, i kes sur dir tun a tena laulaula ono.

Tatatai 17:11

Pa a rokoio a inagoi ning ka laun pas nating, pa bel i laun anone, esaning a siwal a king. I miting na mais a king ning, pa ir han suir hirua.

Tatatai 17:8

A rokoio a inagoi ning u oroi tari, i laun pas nating, pa bel i laun anone, pa lamur ir hanot ulak miting na tnan tung ning bel ta araropna, pa ir han suir hirua. Pa a tarai te na rakrakan hanua ning bel di tumus a risanla ana buk a lalaun, turpasi ning e God i akes a rakrakan hanua, lar kulkulan ning lar oroi a rokoio a inagoi ne. Anasa i laun pas nating, pa bel i laun anone, pa lamur ir hanot ulak.

Tatatai 20:11

Lamur a oroi pas a tnan keskes na king i kokok, pa esaning i kes onoi. A rakrakan hanua pa bakut dia rorom miting namatana, bel ta pukna ulak ma anundiau.

Tatatai 21:1

Lamur a oroi a tona langit pa tona rakrakan hanua, anasa a ningnigo na langit pa a ningnigo na rakrakan hanua dia ka rorom, pa bel ma ta puka tasi.