2 Pita 1:20 - Label

²⁰ Ning a tnan utna ne mulor tasmani mang, bel ta warwara na propet ting na Buk Tabu i hanot miting na nuknuk a propet.

2 Pita 1:20 ပူးပေါင်းရင်းမြစ်များ

A Pas ane Pol tetek a tarai Rom 12:6

Ana marmaris ane God, i saran tar a maskana artabar tetek dala taktakai. Ning tik, e God i saran tar a artabar na warwara na propet teteki, i wakak ning ir titol wakak onoi, arlar ana nuna tortorot.

A Pas ane Pol tetek a tarai Rom 13:11

Mulor toli larning, pa mulor oroi lalan a pukakiarla onone. A pukakiar ka hanot sur mulor mata. Anasa ning dala turpas a tortorot o e Karisito, a pukakiar ning e God ir alaun dala, belot i milau kol, ika onone ka milau.

A Pas ane Pol tetek a tarai Rom 6:6

Dala tasmani mang anundala turai a lalaun ka mat taum o e Karisito saot na rakai kutus, sur a toltol laulau ana palaondala bel ta rakrakaina. Pa bel ulak ma dala na tena titol oros ana toltol laulau.

1 Timoti 1:9

Dala tasmani mang a Warkuraila bel di sarani sur a tena tostos. Di sarani ka sur a ngas a taraila mange: la ning la kutus warkurai, a tabun longorla, la ning bel la lotu tetek e God, a tena tol laulaula, la ning bel la mur a nuknuk e God, la ning la mur a toltol mite na rakrakan hanua, la ning la umkol a taraila, pa la ning la umkol na tamtamanla pa na kabatnanla,

2 Timoti 3:16

A puka warwarala rop ting na Buk Tabu i kamkamna ot o e God, pa i wakak sur a asasaer, pa ir atalapor a laulauna anuna tik tetek i ot, pa ir atostos a rongo, pa ir asaer a tarai ana tostos a toltol,

Jems 1:3

anasa mulo tasmani mang ning mulo pastek a mamahatla ning di lar anumolo a tortorot onoi, ir aitna anumolo a tuntunur rakrakai.

2 Pita 3:3

A ningnigo na utna, mulor tasmani mang, ana ararop a pukakiarla, dingla na tena morot lar hanot pa lar muri ka na laulau a nuknukinla. Lar morot laulau,