2 Korin 9:15 - Label

¹⁵ Dalar atong wakak kol tetek e God ana nuna tnan artabar ning bel tik ir tol sot sur ir pak lar pasi.

2 Korin 9:15 ပူးပေါင်းရင်းမြစ်များ

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Jon 1:16

I bukus ana marmaris, pa ana nuna tnan marmaris, i sira angisngis dala taum ana galis a wakak a utna.

Jon 3:16

“E God i maris a rakrakan hanua, pa i saran tar e Natnalik takai sot ka, sur esining ir tortorot onoi, ir laun tikin, pa bel ir hirua.

A Pas ane Pol tetek a tarai Rom 5:15

Ika a artabar ane God bel i arlar ana toltol na kutus warkurai ane Adam. Anasa galis a tarai la mat ana toltol na kutus warkurai anuna takai ka barsan. Ika a marmaris ane God i itna kol pa i pulpulas, pa ana takai ka barsan, e Iesu Karisito, pa ana nuna marmaris, i saran oros tar ka a artabar tetek a galis a tarai.

A Pas ane Pol tetek a tarai Rom 6:23

Anasa a arlou ana toltol laulau a minat. Ika a artabar ane God a lalaun tikin o e Karisito Iesu anundala Leklek.

A Pas ane Pol tetek a tarai Rom 8:32

E God bel i maris alar e Natnalik, i saran tari ka sur ir mat sur dala rop. Ning i saran tar e Natnalik sur ir mat sur dala, dala tasmani mang ir saran oros otleng a wakak a utna rop tetek dala.

1 Korin 15:57

Ika, dalar atong wakak tetek e God, anasa i tabar dala ana rakrakai sur dalar tol sot pas a toltol laulau pa minat, ana titol ning e Iesu Karisito anundala a Leklek ka tol tari.

2 Korin 2:14

Ika a atong wakak tetek e God, anasa e Karisito i nigon mila arlar ana king ning ka tolsot pas a hiruala pa i nangan mila sur milar warwara puasa ting na hananuala rop ana Wakak a Warwara o e Karisito. A Wakak a Warwara i arlar ana tomtoboh tetek la ning la longori.

2 Korin 9:11

E God ir tabar mulo ana ututnala rop, sur mulo otleng mulor sira artabar ana galis a taem. Ning mulor toli manglarne, a galis a tarai lar atong wakak tetek e God ana numulo a artabar, ning milar abaran seni tetek la.

2 Korin 9:14

Ning lar nunung sur mulo, ting na balanla lar mang kol sur mulo, anasa ana tnan marmaris ning e God ka asangan tari tetek mulo.

Epeses 5:20

Pa ana pukakiarla rop, mulor atong wakak ana ututnala rop tetek e God a Tamandala, ana risana e Iesu Karisito anundala a Leklek.

Jems 1:17

Na wakak a artabar rop, ning la tostos, la han purum misaot na langit. La hanot ta e Tata, esaning i akes a kamis, a kalang pa a nangnangla. Ika e Tata bel i arkeles pa bel i ries a magirana lar a kamis, ning i sasai ana kabakiar pa morom bel.

Tatatai 4:9

Esaning i kes ana keskes a king, ning i laun tikin bel ir rop pa bel ir rop, diat a lalaun na akakes ne la aitna pasi, la hanrawai pa la atong wakak teteki. A tuka kamis rop ning la toli larne,