2 Korin 5:17 - Label

¹⁷ Ning tik ir laun o e Karisito, i a tona akakes. Anuna toltol tagun nating ka rop. Oroi, a tona lalaun ka hanot.

2 Korin 5:17 ပူးပေါင်းရင်းမြစ်များ

Matiu 12:33

“Ning a rakai i wakak, i sira suah a wakak a wana, pa ning a rakai i laulau, i sira suah a laulau a wana. Dir oroi lalan a rakai ana wana.

Matiu 24:35

A langit pa a rakrakan hanua diar rop, ika anuka warwarala bel ir rop.

Luk 5:38

Dir pek ot a tona wain uting na tona koto na wain.

Jon 14:20

Ana pukakiar ning ar laun ulak kusun a minat, mulor tasmani mang iau kaning o e Tata, pa mulo otleng kane hok, pa iau kaning o mulo.

Jon 15:2

I ting arop sen a rakrakanala hok ning bel la wai, pa i buri sen la rop ning la wai, sur lar wai kol.

Jon 15:5

“Iau ot a rakai a wain, pa mulo a rakrakanala. Esining i patap hok, pa a patap onoi, ir wai kol. Ika ning mulo laun masik kusun iau, bel mulor tolsot pas ta utna.

Jon 17:23

Iau kaning onla, pa u kane hok, sur lar takai kama, sur a taraila te na rakrakan hanua lar tasmani mang u sune iau ute, pa u mang sur la larning u mang sur iau.

Jon 3:3

E Iesu i kelesi mange, “A atong momoli tam, ning tik bel di agon tona pasi, bel ir tol sot sur ir oroi a matanitu ane God.”

Jon 3:5

E Iesu i kelesi mange, “A atong momoli tam, esining bel di agon tona pasi ana malum pa ana Talngan Tabu, bel ir tol sot sur ir kas ting na matanitu ane God.

A Pas ane Pol tetek a tarai Rom 16:10

Mulor saran anuka marmaris tetek e Apelis, esaning di tohoi pa i apuasa i mang i a tena tortorot momol o e Karisito. Pa mulor saran anuka a marmaris tetek la ning miting na rumai ane Aristobulus.

A Pas ane Pol tetek a tarai Rom 16:11

Mulor saran anuka marmaris tetek e Herodion, a maik. Pa mulor saran anuka marmaris tetek la miting na rumai ane Narsisus ning la anuna Leklek.

A Pas ane Pol tetek a tarai Rom 16:3

Mulor saran anuka marmaris tetek e Prisila pa anuna barsan e Akuila, ning mitol titol taum ana titol ane Karisito Iesu.

A Pas ane Pol tetek a tarai Rom 16:7

Mulor saran anuka marmaris otleng tetek e Andronikus pa e Junias, naur a maik ning dia kes taum pas hok ting na rumai a dodot. Na arpotor ana aposella a risandiau i rarang. Dia naur a te Karisito nigo tak.

A Pas ane Pol tetek a tarai Rom 16:9

Mulor saran anuka marmaris tetek e Urbanus, ning a tena titol taum hok ana titol ane Karisito, pa mulor saran anuka marmaris tetek a halik otleng e Stakis.

A Pas ane Pol tetek a tarai Rom 7:6

Ika onone, dala mat kusun a Warkuraila ning nating i dot akes dala. Pa di ka alangolango pas dala kusun a rakrakai ana Warkuraila, pa dala titol tetek e God ana tona ngas, ning a Talngan Tabu i saran tari tan dala. Bel i arlar ana ningnigo na ngas, ning dala mur ka a Warkuraila ning di tumus tari.

A Pas ane Pol tetek a tarai Rom 8:1

I maining la ning la laun o e Karisito Iesu, bel ma ta warkurai na arkeles ane God tetek la.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

1 Korin 13:11

Ning a kaklik ot, a warwara arlar ana kaklik, a nuknuk arlar ana kaklik, pa a tastasim otleng arlar ana kaklik. Ning ia ka itna, a amanah sen a ginin a kaklik.

2 Korin 12:2

A tasman a barsan, a te Karisito, ning a bonot pa pisir diat a rau i rop di kibas pasi usaot ana munatol a langit. Bel a tasmani ning di los kas pasi taum ana palaona o a inguna ka. E God ka i tasmani.

2 Korin 5:16

I maining, onone anumila toltol tetek a tarai bel i arlar larning nating. Lanigo mila oroi a tarai arlar ana tarai mite na rakrakan hanua lar oroi la. Pa mila oroi e Karisito mangotleng larning. Ika onone, anumila a tatatai bel ma i manglar nating.

2 Korin 5:19

O e Karisito, e God i amoro pas a taraila te na rakrakan hanua. Bel ma i nuk ulak pas anunla na toltol laulau sur ir warkurai la ono. Pa ka saran tar a warwara na armoro ne tetek mila.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

Galesia 3:28

Ana tortorot o e Karisito, bel tik i maskana namatana e God: a tarai Juda pa a tarai masik, na tena titol oros pa la ning bel na tena titol oros, a taraila pa gurarala. Mulo rop mulo takai ka o e Karisito Iesu.

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

Galesia 6:15

Ning di kot talilis tik, o bel di kot talilisi, i utna oros ka namatana e God. Ning a utna ka i itna, dala a tona akakes ane God.

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Epeses 2:15

I regen tari ning i mat, i arop sen a warkurai anuna tarai Juda, sur ir dat taum a tarai Juda pa la ning bel a tarai Juda, sur takai kama a tona mangis a tarai, sur dala rop dalar kes ana molmol.

Pilipai 4:21

Mulor saran anuka marmaris tetek a taraila rop ane Karisito Iesu. Na tastasik ana tortorot ning kane la kes taum hok, la saran anunla na marmaris tetek mulo.