2 Korin 4:6 - Label

⁶ Nating ot ning e God i akes a rakrakan hanua i atongi mang, “A talapor ir sasai ot miting na mormorom.” Pa onone, e God ka suah tar anuna talapor te na balandala, sur ir sasai teia, sur dalar tasman a matatar ane God, ning di oroi i ting na patar e Karisito.

2 Korin 4:6 ပူးပေါင်းရင်းမြစ်များ

Luk 10:22

“E Tata ka saran tar a ututnala rop tak. Bel tik i tasman e Natnalik, e Tamana ka, pa bel tik otleng i tasman e Tamana, e Natnalik ka, pa la otleng ning e Natnalik i mang sur ir apuasa e Tamana tetek la.”

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 11:40

E Iesu i atongi mange, “Mangasa, bel a atai nigon tar u mang, ning ur tortorot, ur oroi a matatar ane God?”

Jon 12:41

E Aisaia i atongi larne, anasa ka oroi nigon tar a matatar ane Iesu, pa i warwara onoi.

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

1 Korin 12:8

A Talngan Tabu i tabar takai ana tastasim sur ir warwara onoi, pa a Talngan Tabu ning, i tabar takai otleng ana wakak a nuknuk sur ir warwara onoi.

2 Korin 2:10

Ning mulor duman sen a toltol laulau anuna tik, iau otleng ar duman sen anuna toltol laulau. Pa ning a barsan ning ka tol tar ta toltol laulau, ia ka duman seni namatana e Karisito. A duman seni anasa a nuk pas mulo,

2 Korin 3:18

Pa dala, ning bel di poroi alar a matandala ana ta diah kaen, dala apuasa a matatar ana Leklek. Pa anundala na lalaun i talingir amon sur dalar arlar o e Karisito, pa anuna matatar ir itna amon ting na nundala a lalaun. A matatar ne, tana Leklek ot, esaning a Inguna.

2 Korin 4:4

E Satan, a god mite na rakrakan hanua, i san akut pas a nuknuk a tarai ning bel la tortorot, sur bel lar oroi a talapor ana Wakak a Warwara ning i apuasa a matatar ane Karisito, i ot a manar e God.

Epeses 1:17

A sira nunung mang e God anuna Leklek anundala e Iesu Karisito, a Tamandala ning i bukus ana matatar, ir tabar mulo ana tastasmai miting tana Talngan Tabu, pa ir atalapor a nuknukimulo, sur mulor tasman wakak e God.

Epeses 1:18

A nunung mang ir atalapor a ingumulo, sur mulor tasman a ututnala ning dala harnanai ana tortorot suri, ning e God i kabah pas dala sur dalar kibas pasi. A ututnala ning dala na tarai ane God, dalar kibas pasi, i itna kol pa i bukus ana matatar.

Epeses 5:8

Nating mulo kes ana mormorom, ika ne a Leklek ka akes tar mulo ana talapor. Pa mulor laun arlar ana natnat a talapor.

Pilipai 2:6

I e God, ika bel i nuki sur ir tong akes anuna tnan keskes ning i arlar o e God.

Kolosi 1:15

Bel dala oroi tar e God, ika e Karisito a manar e God. I a ningnigo na Nat e God pa i leklek kol tana akakesla rop.

1 Tesalonika 2:12

Manglarne, mitol arakrakai mulo, mitol warwara na amolmol tetek mulo, pa mitol atai mulo sur mulor laun taum ana ngas a lalaun ning i agasgas e God, ai ning i sira kabah pas mulo sur anuna matanitu pa anuna matatar.

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

Hibru 6:4

A tarai ning la ka tasman a talapor ane God, la ka lartumus tar a artabar misaot na langit, la ka los pas a Talngan Tabu, la ka tasmani mang a warwara ane God i wakak pa la ka kilang tar a rakrakai ane God ning ir hanot lamur. Ning la ka gilam ris kusun e God, bel tik ir tolsot sur ir ben ulak la sur lar lingir a nuknukinla. Anasa i arlar larning la sai ahat ulak a Nat e God saot na rakai kutus pa la ame i namatan a tarai.

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

2 Pita 1:19

A ututnala ning mila oroi, i amomol tar a warwara anuna propetla tetek dala, pa i wakak sur mulor longori. Anasa a warwara anuna propetla i arlar ana ning a talapor ana mormorom, tuk ot ana lar, pa a matlai ir atalapor a balamulo.